Weather दिल्लीकरांसोबत खेळणार लपंडाव; आज पाऊस तर पुढील काही दिवस थेट...
राजधानी दिल्लीला पावसाचा यलो अलर्ट
दिल्लीत वातावरणात बदल होण्याची शक्यता
हवामान विभागाने जारी केला इशारा
नवी दिल्ली: राजधानी दिल्लीतील हवामानात पुन्हा बदल झाल्याचे दिसून आले आहे. दिल्लीतील अनेक भागात पावसाने हजेरी लावली आहे. आज दिवसभरात अनेक ठिकाणी हलक्या ते मध्यम स्वरूपाच्या पावसाचा अंदाज हवामान विभागाने दिला आहे. वीजांच्या कडकडाटासह पावसाचा अंदाज होण्याचा अंदाज आहे. अनेक ठिकाणी यलो अलर्ट देण्यात आला आहे.
हवामान विभागाच्या माहितीनुसार उद्या हवामान मोकळे असण्याचा अंदाज आहे. या आठवड्यात पुन्हा एकदा हवामान बदलू शकते. हवामान विभागाच्या माहितीनुसार, दिल्ली-एनसीआर परिसरात आज पावसाच्या सरी कोसळल्या. आज रात्री देखील हलक्या ते मध्यम स्वरूपाचा पाऊस होण्याची शक्यता वर्तवण्यात आली आहे.
१९ फेब्रुवारीपासून म्हणजेच उद्यापासून दिल्लीची हवा स्वच्छ आणि मोकळी राहण्याचा अंदाज आहे. उद्या दिल्लीतील तापमानात वाढ होण्याचा अंदाज आहे. १९ ते २२ फेब्रुवारीपर्यन्त सरासरी तापमान १२ ते १४ डिग्रीपर्यन्त राहू शकते. २३ फेब्रुवारी रोजी तापमानात आणखी वाढ होऊ शकते.
‘या’ राज्यांमध्ये मुसळधार पावसाचा इशारा
देशात हिवाळा आता कमी होत असल्याचे चित्र दिसून येत आहे. हवामान खात्याने 11 राज्यांमध्ये मुसळधार पावसाचा इशारा जारी केला आहे. यामुळे थंडी परत येऊ शकते. मैदानी भागात मुसळधार पाऊस सुरूच राहिल्यास, डोंगराळ भागात पाऊस आणि बर्फवृष्टी होईल. पुढील दोन ते तीन दिवसांत महाराष्ट्र आणि कर्नाटकातील अनेक भागात तापमान २ ते ३ अंश सेल्सिअसने वाढण्याची शक्यता आहे. उत्तर प्रदेशातील अंदाजे २९ जिल्ह्यांमध्ये धुक्याचा इशारा देण्यात आला आहे. यामध्ये मथुरा, आग्रा, अलीगढ, अमेठी, बागपत, आझमगड, बहराइच, बलिया, बांदा, बाराबंकी, बरेली, बिजनौर, चंदौली, चित्रकूट, इटावा, फतेहपूर, गाझियाबाद, गाझीपूर आणि झाशी यांचा समावेश आहे.
हवामान खात्याने 11 राज्यांसाठी पावसाचा इशारा जारी केला आहे. हवामान खात्याने ज्या राज्यांसाठी हा इशारा जारी केला आहे, त्यात मध्य प्रदेश, उत्तर प्रदेश, राजस्थान, उत्तराखंड, हिमाचल प्रदेश, हरियाणा, पंजाब, जम्मू आणि काश्मीर, अरुणाचल प्रदेश आणि अंदमान आणि निकोबार बेटे यांचा समावेश आहे. उत्तराखंडमध्ये १६ आणि १७ फेब्रुवारी रोजी मुसळधार पाऊस आणि जोरदार वाऱ्यांचा इशारा देण्यात आला आहे. चमोली, रुद्रप्रयाग, उत्तरकाशी आणि पौडी गढवालसारख्या जिल्ह्यांमध्ये प्रतिकूल हवामान अपेक्षित आहे. हिमाचल प्रदेशात सध्या हवामान स्वच्छ राहील, परंतु १५ फेब्रुवारीनंतर उंचावर ढगाळ वातावरण आणि बर्फवृष्टी होण्याची शक्यता आहे.
.png "Videos"){kind=small}
