New Income Tax Bill: केंद्र सरकार आज संसदेत नवीन उत्पन्न कर विधेयक मांडणार; कायदा बदलल्यास ‘हे’ मोठे बदल होणार?

मंत्री निर्मला सीतारामन यांनी 1 फेब्रुवारी रोजी अर्थसंकल्प सादर करताना या नव्या विधेयकाची माहिती दिली होती. हे नवीन विधेयक करप्रणाली अधिक सोप्या, पारदर्शक आणि सोयीस्कर करण्यासाठी तयार करण्यात आला आहे.

Photo Credit- Social Media केंद्र सरकार आज संसदेत नवीन उत्पन्न कर विधेयक मांडणार

Follow Us:

Follow Us:

नवी दिल्ली:  मोदी सरकार 7 फेब्रुवारी 2025 रोजी नवीन उत्पन्न कर विधेयकाला मंजुरी दिली होती. हा नवीन कायदा सहा दशकांपूर्वीच्या आयकर अधिनियमाची जागा घेणार असून कर प्रणाली अधिक सोपी करण्याच्या दिशेने मोठे पाऊल असेल. वित्त मंत्री निर्मला सीतारामन यांनी 1 फेब्रुवारी रोजी अर्थसंकल्प सादर करताना या नव्या विधेयकाची माहिती दिली होती. हे नवीन विधेयक करप्रणाली अधिक सोप्या, पारदर्शक आणि सोयीस्कर करण्यासाठी तयार करण्यात आला आहे. यामुळे सामान्य नागरिकांना मोठा दिलासा मिळेल आणि कर भरण्याची प्रक्रिया सुटसुटीत होईल. या विधेयकात काही महत्त्वाचे सुधार प्रस्तावित आहेत:

• कर नियमांचे सरलीकरण – जटिल कर नियम दूर करून नवीन प्रणाली सोपी केली जाईल.
• सवलती व कपातीतील बदल – कर वाचवण्यासाठी दिल्या जाणाऱ्या सवलती व कपाती अधिक तर्कसंगत केल्या जातील.
• अनुपालन प्रक्रिया सुलभ करणे – कर विवरणपत्र (Tax Return) भरणे व इतर प्रक्रिया अधिक सोप्या केल्या जातील.
• विवाद निवारण प्रणाली बळकट करणे – करविषयक वाद लवकर सोडवण्यासाठी नवीन प्रणाली लागू केली जाईल.
• डिजिटल अर्थव्यवस्थेसाठी नवीन तरतुदी – ऑनलाइन व्यवहार व डिजिटल व्यवसाय लक्षात घेऊन नवीन नियम समाविष्ट केले जातील.

Todays Gold Price: मोठी बातमी! सोन्याची किंमत 87,000 पार, काय आहे चांदीची किंमत? जाणून घ्या

मागील कायदा बदलण्याची गरज का वाटली?

सध्या अस्तित्वात असलेला आयकर कायदा 60 वर्षांपेक्षा जुना असून त्यात अनेक गुंतागुंतीच्या तरतुदी समाविष्ट झाल्या आहेत. यामुळे सामान्य नागरिक आणि कंपन्यांसाठी कर नियम समजून घेणे व लागू करणे कठीण झाले होते. नवीन विधेयकामुळे या अडचणी दूर होतील आणि कर प्रणाली अधिक पारदर्शक व प्रभावी बनेल.

Sunetra Pawar : सभापतींच्या खुर्चीवर सुनेत्रा पवार अन् समोर त्यांच्याच पक्षाचे खासदार; वेळेवरून प्रफुल्ल पटेलांना सुनावलं

टॅक्स स्लॅबमध्ये मोठे बदल

2025 च्या अर्थसंकल्पात नवीन कर स्लॅब जाहीर करण्यात आले होते:

• ₹4 लाखांपर्यंत – कोणताही कर नाही
• ₹4 लाख ते ₹8 लाख – 5% कर
• ₹8 लाख ते ₹12 लाख – 10% कर
• ₹12 लाख ते ₹16 लाख – 15% कर
• ₹16 लाख ते ₹20 लाख – 20% कर
• ₹20 लाख ते ₹24 लाख – 25% कर
• ₹24 लाखांपेक्षा जास्त – 30% कर

पूर्वी करमुक्त उत्पन्नाची मर्यादा ₹7 लाख होती, ती वाढवून ₹12 लाख करण्यात आली आहे. त्यामुळे मध्यमवर्गीय करदात्यांना मोठा दिलासा मिळेल आणि त्यांच्या हातात जास्त पैसा राहील. या नव्या उत्पन्न कर विधेयकामुळे करदात्यांसाठी प्रक्रिया सोपी होईल आणि आर्थिक व्यवस्थापन अधिक सुलभ होईल.

नवीन आयकर विधेयकाचा तुमच्यावर काय परिणाम होईल?

सुमारे 60 वर्षे जुन्या आयकर अधिनियम, 1961 ची जागा घेण्यासाठी नवीन कर विधेयक सादर करण्यात आले आहे. या विधेयकामध्ये करदात्यांना लाभ मिळावा यासाठी सरलीकृत भाषा आणि सोपी तरतुदी समाविष्ट केल्या जातील.बिझनेस स्टँडर्डच्या अहवालानुसार, नवीन विधेयकात कर नियम व त्यातील कलमे सोपे करण्यासाठी, कायद्याचे विविध कलमे 25-30% पर्यंत कमी केली जाऊ शकतात.

Shibu Soren Health News: झारखंडचे माजी मुख्यमंत्री शिबू सोरेन यांची प्रकृती खालावली

नवीन विधेयक तयार करण्याआधी सरकारने कोणती पावले उचलली?

सरकारने केंद्रीय प्रत्यक्ष कर मंडळ (CBDT) च्या माध्यमातून विविध भागधारकांची मते घेतली आहेत.ऑक्टोबर 2024 मध्ये CBDT ने एक विशेष वेबपेज लॉन्च केले, जिथे करदाते, कर तज्ज्ञ आणि सामान्य नागरिकांना त्यांचे मत मांडण्याची संधी दिली गेली. या प्रक्रियेदरम्यान चार प्रमुख मुद्द्यांवर लक्ष केंद्रित करून सूचना मागवण्यात आल्या.

कायद्याची भाषा सुलभ करणे – गुंतागुंतीचे शब्द वाक्यरचना सोपी करणे.
कायदेशीर वाद कमी करणे – विवादास्पद तरतुदींचे निरसन करणे.
कायद्याचे पालन सोपे करणे – कर भरण्याची आणि संबंधित प्रक्रिया सरळ करणे.
अनावश्यक तरतुदी रद्द करणे – कालबाह्य व अप्रासंगिक नियम काढून टाकणे.

तुमच्यासाठी याचा काय फायदा?

सरकारने प्राप्त झालेल्या सूचना विचारात घेऊन नवीन कर विधेयक तयार केले आहे. त्यामुळे हे विधेयक सामान्य करदात्यांसाठी अधिक सोयीस्कर आणि पारदर्शक ठरेल अशी अपेक्षा आहे.

कर भरण्याची प्रक्रिया सुलभ होईल.
करसंबंधी कायदेशीर वाद कमी होतील.
नवीन प्रणाली अधिक स्पष्ट आणि करदात्यांसाठी फायदेशीर ठरेल.

Web Title: The central government will introduce a new income tax bill in parliament today nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com