दिल्ली कॅपिटल्सच्या समस्येत वाढ; पराभवाची मालिका सुरूच असताना खेळाडूंचे साहित्य चोरीला

या आयपीएलमध्ये दिल्ली कॅपिटल्सच्या संघ सर्वात अपयशी ठरल्याने त्यांच्यावर चौफेर टीका होत आहे. त्याचबरोबर कर्णधार डेव्हीड वॉर्नरवरसुद्धा टीका होऊ लागली आहे. आयपीएल २०२३ हे दिल्ली कॅपिटल्स आणि त्यांच्या खेळाडूंसाठी दुःस्वप्नापेक्षा कमी राहिले नाही. हंगामात संघाला अद्याप विजयाचे खाते उघडता आलेले नाही. त्याचवेळी संघातील खेळाडूंचे सामान कोणीतरी चोरल्याने अजून त्यांच्या अडचणी वाढल्या आहेत

Follow Us:

Follow Us:

नवी दिल्ली : दिल्ली कॅपिटल्स अजून विजयाचे खाते उघडू शकले नाही आणि त्यांच्या समस्या कमी होण्याचे नाव घेत नाही. आता दिल्ली कॅपिटल्सच्या संघातील खेळाडूंच्या किटमधील साहित्या चोरीला गेल्याचे धक्कादायक माहिती विश्वसनीय सूत्रांकडून मिळाली आहे.

दिल्ली कॅपिटल्सची आयपीएलमधील कामगिरी : 

यंदाच्या आयपीएलमध्ये आतापर्यंत एखाद्या संघाला विजयाचे खाते उघडण्यात अपयश आले असेल तर तो संघ आहे, दिल्ली कॅपिटल्स. दिल्ली कॅपिटल्सने या मोसमात खेळलेल्या ५ पैकी एकही सामना जिंकलेला नाही. गुणतालिकेत ते शेवटच्या स्थानावर आहेत. संघाला सध्या अनेक अडचणींचा सामना करावा लागत आहे. दरम्यान, आता दिल्ली कॅपिटल्सच्या संघासोबत आणखी एक घटना घडली आहे. या खेळाडूंच्या खेम्यात चोरी झाल्याचे प्रकरण आता समोर आले आहे.

हे साहित्य गेले चोरीला :

दिल्ली कॅपिटल्सच्या खेळाडूंच्या किट बॅगमधून १६ बॅट, पॅड, शूज, मांडीचे पॅड आणि हातमोजे गायब आहेत. बंगळुरूहून विमानाने ही टीम दिल्लीला येत होती. दिल्लीत आल्यानंतर खेळाडूंनी त्यांच्या किटबॅग तपासल्या असता त्यांच्याकडून या सर्व वस्तू गायब होत्या.

लाखो रुपयांचे साहित्य चोरीला :

रिपोर्टनुसार, हरवलेल्या बॅटपैकी तीन बॅट डेव्हिड वॉर्नरच्या, तीन फिल सॉल्ट, दोन मिचेल मार्शच्या आणि पाच यश धुलच्या बॅट असल्याचेही सांगितले जात आहे. क्रिकेट किटमधून इतर खेळाडूंचे हातमोजे, शूज आदी सामान गायब होते. विदेशी खेळाडूंच्या एका बॅटची किंमत सुमारे एक लाख रुपये होती. मात्र, या सगळ्याला न जुमानता दिल्ली संघाने मंगळवारी सराव केला.
चोरी झाल्याचे उशिरा समजले 

ज्या दिवशी दिल्ली कॅपिटल्सच्या खेळाडूंनी आपापल्या खोलीत जाऊन किट बॅग गोळा केल्या, त्याच दिवशी खेळाडूंना ही चोरी झाल्याचे समजले. दिल्ली कॅपिटल्सने त्यांच्या किट बॅगमधून मोठ्या प्रमाणात चोरी झाल्याची तक्रार दाखल केल्यानंतर फ्रँचायझी अधिकाऱ्यांना परिस्थितीची माहिती देण्यात आली.

विशेष म्हणजे, काही खेळाडूंनी त्यांच्या बॅट कंपन्यांशी बोलून पुढील सामन्यापूर्वी काही बॅट पाठवण्यास सांगितले आहे. त्याचवेळी या संपूर्ण प्रकरणी दिल्ली कॅपिटल्सनेही तक्रार दाखल केली असून आता या प्रकरणाची चौकशी करण्यात येत आहे. एका सूत्राने सांगितले की, ‘प्रत्येकाच्या किट बॅगमधून काहीतरी गहाळ झाल्याचे ऐकून त्यांना धक्का बसला. अशी घटना पहिल्यांदाच घडली असून लवकरच हे प्रकरण लॉजिस्टिक विभाग, पोलिस आणि नंतर विमानतळावर उचलून धरण्यात आले. तपास सध्या सुरू आहे. तथापि, दिल्ली कॅपिटल्स आयपीएलमध्ये त्यांचा पुढील सामना गुरूवार, २० एप्रिल रोजी दिल्लीत कोलकाता नाइट रायडर्सविरुद्ध खेळणार आहे.

Web Title: Delhi capitals problem escalates player kit stolen

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com