रियान परागची धमाकेदार कामगिरी; पदार्पणाच्या सामन्यातच श्रीलंकेच्या फलंदाजाला शिकवला धडा; भारताचे जोरदार पुनरागमन

 रियान परागने एकदिवसीय क्रिकेटमध्ये शानदार एंट्री केली. आपल्या पहिल्याच एकदिवसीय सामन्यात रियाने भारताला त्याची नितांत गरज असताना त्याने महत्त्वाची विकेट मिळवून दिली.

Follow Us:

Follow Us:

Riyan Parag Best Bowling : रियान परागने एकदिवसीय क्रिकेटमध्ये धमाकेदार एन्ट्री केली आहे. आपल्या पहिल्याच एकदिवसीय सामन्यात भारताला त्याची नितांत गरज असताना त्याने भारताला विकेट मिळवून दिली. यासह रियान परागने आपल्या पहिल्याच एकदिवसीय सामन्यात विकेट घेणाऱ्या खेळाडूंच्या यादीत आपले नाव नोंदवले आहे.

श्रीलंकेने भारताचा 32 धावांनी केला पराभव

भारत आणि श्रीलंका यांच्यात बुधवारी तिसरा वनडे खेळला जात आहे. भारतासाठी ही करा किंवा मरो स्पर्धा आहे. दोन्ही संघांमधील मालिकेतील पहिला सामना बरोबरीत सुटला होता. दुसऱ्या सामन्यात श्रीलंकेने भारताचा 32 धावांनी पराभव केला. या मालिकेत बरोबरी साधण्यासाठी भारताला तिसरा सामना जिंकणे आवश्यक आहे. भारताने तिसरी वनडे हरली तर मालिकाही गमवावी लागेल.

श्रीलंकेने नाणेफेक जिंकून घेतली प्रथम फलंदाजी

या सामन्यात श्रीलंकेने नाणेफेक जिंकून प्रथम फलंदाजी केली. सलामीवीर अविष्का फर्नांडो आणि पथुम निसांका यांनी 89 धावांची सलामी दिली. अक्षर पटेलने पथुम निसांका (45) याला बाद करून भारताला पहिले यश मिळवून दिले. दुसऱ्या टोकाला दमदार खेळ करणाऱ्या अविष्का फर्नांडोने आपल्या शतकाकडे वाटचाल केली. त्याच्या या उत्कृष्ट खेळीमुळे श्रीलंकेने एकेकाळी 1 गडी बाद 171 धावा केल्या होत्या.

रियान परागची आश्चर्यकारक कामगिरी

भारताच्या अडचणी वाढत होत्या. त्यानंतर पहिला एकदिवसीय सामना खेळणाऱ्या रियान परागने आश्चर्यकारक कामगिरी केली. शतकाच्या जवळ असलेल्या अविष्का फर्नांडोला एलबीविंग करून त्याने डाव संपवला. अविष्काने 102 चेंडू खेळून 96 धावा केल्या.
रियान पराग इथेच थांबला नाही. अवघ्या 12 धावांनंतर त्याने भारताला आणखी एक यश मिळवून दिले. यावेळी रायनने श्रीलंकेचा कर्णधार चारिथ असलंका (10) याला बाद केले. यासह श्रीलंकेची धावसंख्या 3 विकेटवर 183 धावा झाली. अविष्का फर्नांडो आणि असलंका बाद होताच भारताने सामन्यावर ताबा मिळवला. काही वेळातच धावसंख्या 6 विकेट्सवर 199 धावा झाली. या सहापैकी रियान परागने 3 विकेट घेतल्या. अविष्का आणि असलंकानंतर त्याने दुनिथ वेललागेलाही बाद केले.

Web Title: India vs sri lanka match riyan parags blast taught a lesson to sri lankan batsman in debut match made india comeback

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com