सर्रकन कमी होईल कोलेस्ट्रॉल, पोटातून निघेल घाणेरडी चरबी; नव्या रिसर्चमध्ये वैज्ञानिकांनी सांगितले बदाम खा

जगप्रसिद्ध शास्त्रज्ञ आणि डॉक्टरांच्या एका पथकाला असे आढळून आले की दररोज बदाम खाल्ल्याने कार्डिओमेटाबॉलिकशी संबंधित समस्या कमी होण्यास मदत होते. बदाम खराब कोलेस्ट्रॉल आणि डायस्टोलिक रक्तदाब कमी करतात

कोलेस्ट्रॉल कमी करण्यासाठी बदामाचा कसा करावा वापर (फोटो सौजन्य - iStock)

Follow Us:

Follow Us:

बदाम हे एक सुपरफूड मानले जाते. त्यात शरीराच्या चांगल्या आरोग्यासाठी आवश्यक असलेले जीवनसत्त्वं ते प्रथिनांपासून सर्व पोषक घटक असतात. बदामांच्या फायद्यांवर एक नवीन अभ्यास करण्यात आला आहे, ज्यामध्ये तज्ज्ञांनी असे म्हटले आहे की दररोज बदाम खाल्ल्याने हृदय आणि शरीराचे चयापचय निरोगी राहते. करंट डेव्हलपमेंट्स इन न्यूट्रिशनमध्ये प्रकाशित झालेल्या एका अभ्यासात, ११ शास्त्रज्ञ आणि डॉक्टरांनी बदाम आणि कार्डिओमेटाबॉलिक आरोग्यावर आतापर्यंत केलेल्या संशोधनाचे विश्लेषण केले आणि यावर एकमत झाले. तज्ज्ञांना असे आढळून आले की बदाम खाल्ल्याने हृदय निरोगी राहण्यास, वजन नियंत्रित करण्यास आणि पचनसंस्था सुधारण्यास मदत होते.

किती बदाम खावेत? तज्ज्ञांचा असा विश्वास आहे की जर एखाद्या व्यक्तीने दररोज किमान ५० ग्रॅम (१.८ औंस किंवा सुमारे दोन मूठभर) बदाम खाल्ले तर काही प्रकरणांमध्ये ते थोडे वजन कमी करण्यासदेखील मदत करू शकते.

वजन कमी करण्यास फायदेशीर

वजन कमी करण्यासाठी कसे ठरतील फायदेशीर घ्या जाणून

अभ्यासाचे लेखक डॉ. अ‍ॅडम ड्रेव्हनोव्स्की म्हणाले की बदाम खाल्ल्याने वजन वाढत नाही. काही अभ्यास सहभागींमध्ये, मोठ्या प्रमाणात बदाम म्हणजेच दिवसाला किमान ५० ग्रॅम किंवा १.८ औंस खाल्ल्याने थोडे वजन कमी होऊ शकते. वजन कमी करण्यासाठी तुम्ही नियमित बदालाचा वापर करून घेऊ शकता. 

कोलेस्ट्रॉल आणि बीपी नियंत्रणासाठी

बदाम खाल्ल्याने LDL-कोलेस्ट्रॉल कमी होऊ शकते. सरासरी ५.१ मिलीग्राम किंवा सुमारे ५% घट बदाम खाल्ल्याने होते असे अभ्यासात सांगण्यात आले आहे. बदाम हे डायस्टोलिक रक्तदाबदेखील किंचित अर्थात ०.१७-१.३ मिमीएचजी कमी करू शकते . हृदयाच्या आरोग्यासाठी चांगले असलेल्या इतर पदार्थांसोबत खाल्ल्यास बदाम आणखी फायदेशीर ठरू शकते.

रोज सकाळी औषध गिळण्यापेक्षा 7 सोप्या उपायांनी करा घाणेरडे कोलेस्ट्रॉल कमी, Heart Attack चा धोकाही टळेल

डायबिटीससाठी उपयोगी 

प्रीडायबिटीज असलेल्या व्यक्तींपासून ते अगदी उपवास करणाऱ्या व्यक्तींपर्यंत बदामामुळे रक्तातील साखर आणि HbA1C कमी होऊ शकते असे डॉ. अनुप मिश्रा यांनी सांगितले, याशिवाय ते म्हणाले की, आशियाई भारतीयांमध्ये कार्डिओमेटाबॉलिक आजार वाढत आहेत, अशा परिस्थितीत, बदामासारखे पोषक तत्वांनी समृद्ध आणि कमी ग्लायसेमिक इंडेक्स असलेले पदार्थ उपवास करणाऱ्या रक्तातील ग्लुकोज कमी करण्यास मदत करू शकतात.

याशिवाय डॉ. सीमा गुलाटी म्हणाल्या की, बदाम खाल्ल्याने पोटातील चांगले बॅक्टेरिया अर्थात आतड्यातील बॅक्टेरिया वाढू शकतात, जे चयापचय आरोग्यासाठी फायदेशीर ठरू शकतात. बदाम हृदय आणि चयापचय आरोग्याला पूर्णपणे साथ देतात. 

बदामातील पोषक तत्व 

बदामात कोणते पोषक तत्व आढळतात

एक औंस (२८ ग्रॅम) बदाम ६ ग्रॅम प्रथिने, ४ ग्रॅम फायबर, १३ ग्रॅम असंतृप्त चरबी, फक्त १ ग्रॅम संतृप्त चरबी आणि १५ आवश्यक पोषक तत्वे प्रदान करतात, ज्यामध्ये ७७ मिलीग्राम मॅग्नेशियम (१८.३% डीव्ही), २०८ मिलीग्राम पोटॅशियम (४% डीव्ही) आणि ७.२७ मिलीग्राम व्हिटॅमिन ई (५०% डीव्ही) यांचा समावेश आहे. त्यामुळे तुम्ही नियमित बदामाचा आपल्या आहारात समावेश करून घ्यावा. 

वितळू लागेल नसांमध्ये साचलेले घाणेरडे कोलेस्ट्रॉल, रोज सकाळी उठताच पाण्यात मिसळून प्या 3 मसाले

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Bad cholesterol can reduce with almonds researcher revealed in new study

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com