पोट आणि मांड्यांवर वाढलेली अतिरिक्त चरबी कमी करण्यासाठी थंडीमध्ये करा ‘या’ फळांचे सेवन, पोट होईल कमी

मांड्या आणि पोटावर वाढलेली अतिरिक्त चरबी कमी करण्यासाठी अनेक प्रयत्न केले जातात. पण तरीसुद्धा वजन कमी होत नाही. त्यामुळे आज आम्ही तुम्हाला अतिरिक्त चरबी कमी करण्यासाठी कोणती फळे खावीत, याबद्दल सांगणार आहोत.

वजन कमी करण्यासाठी 'या' फळांचे करा सेवन

Follow Us:

Follow Us:

वाढलेले वजन आणि पोटावर वाढलेली अतिरिक्त चरबी कमी करण्यासाठी अनेक प्रयत्न केले जातात. वजन वाढल्यानंतर आरोग्यासंबंधित अनेक समस्या उद्भवण्यास सुरुवात होते. लठ्ठपणा, मधुमेह, कोलेस्ट्रॉल, उच्च रक्तदाब इत्यादी गंभीर समस्या उद्भवू शकतात. त्यामुळे वजन कमी करण्यासाठी प्रोटीन शेक घेण्यापेक्षा आहारात बदल करून योग्य त्या पौष्टीक आणि पचनास हलक्या असलेल्या पदार्थांचे सेवन करावे. वजन कमी करण्यासाठी आहारात कडधान्ये, भाज्या, फळे आणि नियमित व्यायाम करावा. यामुळे वाढलेले वजन कमी होण्यास मदत होईल. तसेच वजन कमी करण्यासाठी तुम्ही आहारात फळांचे सुद्धा सेवन करू शकता. वजन कमी करण्यासाठी आहारात कमी कॅलरीज असलेल्या फळांचे सेवन करावे. आज आम्ही तुम्हाला वजन कमी करण्यासाठी थंडीच्या दिवसांमध्ये आहारात कोणत्या फळांचे सेवन करावे, याबद्दल सांगणार आहोत. चला तर जाणून घेऊया.(फोटो सौजन्य-istock)

लाईफ स्टाईल संबंधित बातम्यांसाठी इथे क्लिक करा

वजन कमी करण्यासाठी ‘या’ फळांचे करा सेवन:

पेरू:

हिवाळ्यात बाजारामध्ये मोठ्या प्रमाणावर पेरू उपलब्ध असतात. पेरू आरोग्यासाठी अतिशय पौष्टीक आहेत. वाढलेले वजन कमी करण्यासाठी नियमित एक पेरू खावा. पेरूमध्ये असलेल्या फायबरमुळे पचनक्रिया सुधारते. शरीरात साचून राहिलेले विषारी घटक बाहेर पडून जाण्यास मदत होते. सकाळी उठल्यानंतर नियमित एक पेरू खाल्यामुळे पोट दीर्घकाळ भरलेले राहते आणि आरोग्य सुधारते. मधुमेहाच्या रुग्णांसाठी पेरू खाणे चांगले आहे.

संत्री:

थंडीच्या दिवसांमध्ये सर्दी, खोकल्यापासून बचाव करण्यासाठी संत्री खाण्याचा सल्ला दिला जातो. संत्र्यामध्ये विटामिन सी मुबलक प्रमाणात आढळून येते. तसेच यामध्ये कमी कॅलरी असतात, ज्यामुळे शरीरातील मेटाबॉलिझम वाढतो. यामध्ये नैसर्गिक साखरेचे प्रमाण अधिक असल्यामुळे आरोग्याला अनेक फायदे होतात. संत्र खाल्यामुळे त्वचेची गुणवत्ता सुधारण्यास मदत होते.

कलिंगड:

सर्वच ऋतूंमध्ये कलिंगडाचे सेवन केले जाते. कारण यामध्ये ९९ टक्के पाण्याचे प्रमाण असते. शरीरात पाण्याची कमतरता निर्माण झाल्यानंतर कलिंगड खाण्याचा सल्ला दिला जातो. वाढलेले वजन कमी करण्यासाठी तुम्ही कलिंगडचे सेवन करू शकता. यामुळे शरीर ताजेतवाने दिसते शिवाय उष्णतेपासून शरीराचा बचाव होतो.

सफरचंद:

रोजच्या आहारात नियमित एक सफरचंद खाण्याचा सल्ला डॉक्टर अनेकदा आपल्याला देतात. सफरचंद खाल्यामुळे रोगप्रतिकारशक्ती सुधारते आणि आरोग्याला अनेक फायदे होतात. एका सफरचंदामध्ये 50-60 कॅलरी आढळून येतात. शिवाय यामध्ये भरपूर फायबर आणि अँटीऑक्सिडंट्स आढळून येतात. सफरचंद खाल्यामुळे भूक कमी होते आणि पचनक्रिया सुधारते.

लाईफ स्टाईल संबंधित बातम्यांसाठी इथे क्लिक करा

पपई:

लहान मुलांपासून मोठ्यांपर्यत सगळ्यांचं पपई खायला खूप आवडते. पपई खाल्यामुळे आरोग्याला अनेक फायदे होतात. या फळाचे सेवन केल्यामुळे बिघडलेली पचनक्रिया सुधारण्यास मदत होते. तसेच शरीरावर वाढलेली अनावश्यक चरबी कमी होऊन शरीर स्लिम होते. वाढलेले वजन कमी करण्यासाठी फक्त डाईट न करता पौष्टिक पदार्थ आणि फळे खाणे आवश्यक आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Consume these fruits in winter to reduce excess fat on stomach and thighs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com