शुक्रवार, 6 नोव्हेंबर 2026
गर्भनिरोधक इंजेक्शनच्या अतिवापरामुळे महिलेला गमवावी लागली दृष्टी! जाणून घ्या इंजेक्शनमुळे होणारे नुकसान
गर्भनिरोधक इंजेक्शनचे आरोग्यावर होणारे परिणाम?
कोणत्या कारणांमुळे महिलेला गमवावी लागली दृष्टी?
गर्भनिरोधक इंजेक्शनचे प्रमुख दुष्परिणाम?
नको असेलली गर्भधारणा टाळण्यासाठी महिला सतत काहींना काही करत असतात. कधी घरातील उष्ण पदार्थांचे सेवन केले जाते तर कधी बाजारात उपलब्ध असलेल्या गोळ्या आणि इंजेक्शनचा वापर केला जातो. पण गर्भधारणा रोखण्यासाठी डॉक्टरांच्या सल्ल्याने योग्य ते उपचार करणे आवश्यक आहे. अन्यथा आरोग्यासंबंधित गंभीर समस्या उद्भवू शकतात. गर्भधारणा रोखण्यासाठी घेतलेल्या औषधांमध्ये शरीरास हानिकारक ठरणारे घटक आढळून येतात, ज्याच्या परिणामामुळे संपूर्ण आरोग्य बिघडते. ब्रिटनमधील महिलेने गर्भनिरोधक इंजेक्शन घेतल्यामुळे तिला आपली दृष्टी गमवावी लागली. इंजेक्शन घेतल्यानंतर सगळ्यात आधी तिचे डोकं दुखले, त्यानंतर तिला धूसर दिसू लागले आणि काही वेळाने तिला पूर्णपणे दिसणे बंद झाले. महिलेने कंट्रासेप्टिव इंजेक्शन घेतले होते. ज्याचे परिणाम काही आठवड्यानंतर दिसू लागले.(फोटो सौजन्य – istock)
World Oral Health Day : दात निरोगी तर जीवन आनंदी! मौखिक आरोग्य म्हणजे काय? जाणून घ्या
कंट्रासेप्टिव इंजेक्शन घेतल्यानंतर काही आठवडाभरातच तिला डोक्यात वेदना आणि डोळ्यांमध्ये जडपणा जाणवू लागला. सुरुवातीच्या दिवसांमध्ये महिलेला वाटले की थकवा, अशक्तपणा डोकेदुखी किंवा डोळ्यांमध्ये जाणवत आहे. पण काही दिवसांनंतर तिच्या चाचण्या करण्यात आल्या. यामध्ये शरीरात होणाऱ्या हार्मोनल बदलांमुळे गंभीर समस्या उद्भवल्याची शक्यता असते. संबंधित महिलेला इडियोपॅथिक इंट्राक्रॅनील हायपरटेंशन नावाच्या दुर्मिळ स्थितीचा सामना करावा लागत आहे. गर्भनिरोधक गोळ्यांमधील हानिकारक घटकांमुळे शरीरातील हार्मोन्समध्ये संतुलन झाल्यानंतर मेंदूच्या आजूबाजूला द्रव्याचा दबाव खूप जास्त वाढला होता. या दबावाचा थेट परिणाम ऑप्टिक नर्व्हवर झाल्यामुळे काही नसांचे नुकसान झाले. यामुळे तिची बघण्याची क्षमता कमी झाल्याचे दिसून आले.
उपचारांसाठी महिलेले रुग्णालयात दाखल करण्यात आले होते. त्यानंतर डॉक्टरांनी तिच्या मेंदूमध्ये वाढलेला दबाव कमी करण्यासाठी वेगवेगळे उपचार केले. पण तरीसुद्धा महिलेची दृष्टी परत आलेली नाही. त्यानंतर या महिलेने सोशल मीडियाच्या माध्यमातून कोणीही गर्भनिरोधक औषधांचे किंवा इंजेक्शन घेऊ नका, असा सल्ला सुद्धा दिला आहे. त्यामुळे गर्भधारणा रोखण्यासाठी डॉक्टरांच्या सल्ल्याने योग्य ते औषध उपचार करावेत. अन्यथा आरोग्यासंबंधित अशी गंभीर स्थिती उद्भवू शकते.
गर्भनिरोधक इंजेक्शन किंवा गोळ्या घेतल्यामुळे तरुण वयात वजन वाढण्याची शक्यता असते. याशिवाय पाळी अनियमित होणे, जास्त रक्तस्त्राव होणे किंवा पाळी पूर्णपणे बंद होऊन पुन्हा गर्भधारणा होणे अवघड जाते. त्यामुळे गर्भधारणा टाळण्यासाठी डॉक्टरांच्या सल्ल्याने योग्य ते उपचार करावेत. कोणतेही गर्भनिरोधक इंजेक्शन किंवा गोळ्या खाल्ल्यानंतर डोकेदुखी, चक्कर किंवा इतर कोणतीही लक्षणे दिसू लागल्यास तातडीने डॉक्टरांकडे जावे. सतत इंजेक्शन घेतल्यामुळे हाडांची घनता कमी होणे, फ्रॅक्चरचा धोका, मेंदू किंवा मणक्याच्या ट्यूमरचे दुर्मिळ आजार होऊ शकतात.
Ans: इंजेक्शन बंद केल्यानंतर पुनरुत्पादन क्षमता (Fertility) पूर्ववत होण्यासाठी ७ ते १० महिने लागू शकतात.
Ans: हे इंजेक्शन स्त्रीबीज तयार होण्याची प्रक्रिया थांबवते, गर्भाशयाचे मुख घट्ट करते आणि गर्भधारणेला प्रतिबंध करते.
Ans: पाळीच्या पहिल्या ७ दिवसांत कधीही घेता येते. बाळंतपणानंतर ६ आठवड्यांनी किंवा गर्भपातानंतर लगेच घेता येते.
