Diwali 2024: दिवाळीत फराळ बनवायला वेळ नाही? मग झटपट तयारी होणारी बालूशाहीची रेसिपी ट्राय करा

दिवाळीचा सण आता जवळ आला आहे. यंदाच्या दिवाळीत जर तुम्हाला कोणताच पदार्थ बनवायला वेळ मिळाला नसेल तर तुम्ही आजची ही झटपट रेसिपी फॉलो करून घरी बालुशाही तयार करू शकता. तोंडात टाकताच विरघळणारा हा पदार्थ सर्वांचे मन जिंकेल.

Follow Us:

Follow Us:

दिवाळीचा सण आता काही दिवसांवर येऊन ठेपला आहे. अशात अनेकांच्या घरी आता दिवाळीची तयारी सुरु झाली आहे. हिंदू धर्मातील प्रमुख सणांपैकी दिवाळी हा सण आहे. या सणानिमित्त सर्वत्र दिव्यांची रोषणाई पाहायला मिळते. घराची साफसफाई, नवीन कपडे, पणत्या आणि यासोबतच घराघरात फराळाचा घमघमाट पसरलेला असतो. मात्र आजकालच्या बीजी शेड्युलमुळे अनेकांना घरी फराळ बनवण्यासाठी वेळ मिळत नाही. अशात तुम्हाला चिंता कारण्याची गरज नाही.

आम्ही तुमच्यासाठी झटपट तयार होणाऱ्या एका गोड पदार्थाची रेसिपी घेऊन आलो आहोत. या पदार्थाचे नाव आहे बालुशाही. ही एक मिठाई आहे, तुम्ही बऱ्याचदा मिठाईच्या दुकानात बऱ्याचदा या मिठाईला पाहिले असेल मात्र आम्ही तुम्हाला सांगतो की, हा पदार्थ तुम्ही घरीदेखील अगदी झटपट आणि सोप्या पद्धतीने तयार करू शकता. सणांच्या रोषणाईत घरात तयार केलेल्या या घरगुती पदार्थाची चव तुमच्या कुटुंबाला आनंदीत करून टाकेल. जाणून घेऊयात यासाठी लागणारे साहित्य आणि कृती.

हेदेखील वाचा – Diwali 2024: घरच्या घरी झटपट बनवा खुशखुशीत आणि पौष्टिक पालक पाऱ्या

साहित्य

• 1 कप मैदा
• 1/2 चमचा खाण्याचा सोडा
•  चमचे तूप (आवश्यकतेनुसार)
• 3 चमचे दही
• 1 कप साखरेचा अर्धा कप पाक
• 4 कप तूप
• मीठ

हेदेखील वाचा – तोंडात टाकताच विरघळणारी, भरपूर पदरांची खुसखुशीत शंकरपाळी कशी तयार करायची? जाणून घ्या

कृती

• बालुशाही तयार करण्यासाठी सर्वप्रथम साखर घ्या
• आता साखर भिजेल इतके त्यात पाणी टाका आणि याचा पाक तयार करून घ्या
• त्यानंतर मैद्यात मीठ, तूप आणि दही घालून मिक्स करून त्याचा गोळा तयार करा
• हे पीठ मळताना पाणी लागल्यास केवळ एक चमचाभर पाण्याचा वापर करा
• तयार पीठ 20-30 मिनिटांसाठी झाकून ठेवा
• त्यानंतर गॅसवर एक कढई ठेवा आणि यात तूप टाका
• मंद आचेवर तूप तापायला ठेवा
• दुसरीकडे तयार पिठाचे गोळे तयार करून याला बालुशाही सारखा आकार द्या
• तूप तापले की यात तयार बालूशाही टाका
• मंद आचेवर ही बालुशाही सोनेरी रंग येईपर्यंत छान तळून घ्या
• यानंतर तयार बालुशाही एका प्लेटमध्ये काढा आणि थंड करायला ठेवा
• बालुशाही थंड झाल्यानंतर याला साखरेच्या पाकात किमान तासभर ठेवा
• यानंतर बालुशाहीला पाकातून बाहेर काढा आणि प्लेटमध्ये खाण्यासाठी सर्व्ह करा
• ही बालुशाही तुम्ही अनेक दिवस साठवून ठेवू शकता

Web Title: Diwali 2024 know how to make balushahi at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com