भोपळ्याची भाजी खायला आवडत नाही? मग यापासून बनवा कुरकुरीत पुरी; फार सोपी आहे रेसिपी

Pumpkin Puri Recipe: भोपळ्याची भाजी खायला आवडत नाही? मग टेन्शन सोडा आणि घरी बनवा भोपळ्याची पुरी. ही कुरकुरीत पुरी तुमच्या जेवणाची रंगत आणखीन वाढवेल. ही एक फेमस महाराष्ट्रीयन रेसिपी आहे.

(फोटो सौजन्य – Pinterest)

Follow Us:

Follow Us:

काही भाज्या या अशा असतात, ज्या आपल्या आरोग्यासाठी कितीही फायदेशीर असल्या तरी त्यांची चव आपल्याा काही केल्या आवडत नाही. यापैकीच एक म्हणजे, भोपळा. भोपळा ही एका आरोग्यदायी भाजी आहे, यामध्ये अनेक असे पोषक घटक आहेत जे आपल्या आरोग्याला निरोगी ठेवण्यास मदत करते. मात्र तरीही भोपळ्याची भाजी काही लोकांना तितकीशी आवडत नाही. ही भाजी पाहताच लोक ती खाण्यासाठी टाळाटाळ करु लागतात. तुम्ही जर असे करत असाल आणि भोपळा ही तुमची नावडती भाजी असेल तर आज आम्ही तुमच्यासाठी भोपळ्याची एक खास रेसिपी घेऊन आलो आहोत.

१० मिनिटांमध्ये कोकणातील पारंपरिक पद्धतीत बनवा चटपटीत कच्च्या केळीचे काप, नाेट करुन घ्या रेसिपी

भोपळा नावडीची भाजी असली तरी यापासून बनवलेली कुरकुरीत पुरी मात्र तुमचे मन जिंकेल. भोपळ्याची ही पुरी फार झटपट तयार होते आणि चवीलाही ती फार अप्रतिम लागते. तुम्ही तुमच्या आवडीच्या भाजीसह या पुरीची मजा लुटू शकता. चला तर मग भोपळ्याच्या पुरीसाठी लागणारे साहित्य आणि कृती जाणून घ्या.

साहित्य

• २५० ग्रॅम भोपळा
• २ ते ३ चमचे गूळ पावडर
• चवीनुसार मीठ
• २ ते ३ चमचे रवा
• २ ते ३ चमचे तांदळाचे पीठ
• एक कप गव्हाचे पीठ

उन्हाळ्यात पाहुण्यांच्या स्वागतासाठी सोप्या पद्धतीमध्ये घरी बनवा थंडगार Strawberry Mojito, नोट करून घ्या रेसिपी

कृती

• भोपळ्याची पुरी बनवण्यासाठी सर्वप्रथम २५० ग्रॅम भोपळा सोलून स्वछ पाण्याने धुवून घ्या
• नंतर त्याचे तुकडे करून चांगले उकळून घ्या
• उकळी आल्यानंतर त्यात २ ते ३ चमचे गूळ पावडर आणि थोडे मीठ घालून चांगले मॅश करा
• भोपळा चांगला मॅश केल्यानंतर त्यात २ ते ३ चमचे रवा, २ ते ३ चमचे तांदळाचे पीठ आणि एक कप गव्हाचे पीठ घालून एकत्र करा
• आता हे पीठ एका परातीत काढा आणि पाणी टाकून पीठ मळून घ्या
• पीठ मळून झाल्यानंतर पिठाचे गोळे बनवा
• यानंतर गोळे घ्या आणि याच्या छान पुऱ्या लाटून घ्या
• पुऱ्या अधिक पातळ किंवा जाडसर ठेवू नका, यांची जाडी जर मध्यमच असू द्या
• आता कढईत तेल गरम करा आणि यात पुऱ्या टाकून सोनेरी रंग येईपर्यंत तळून घ्या
• तयार गरमा गरम पुऱ्या एका वाडग्यात काढा आणि भाजी अथवा श्रीखंडासह खाण्यासाठी सर्व्ह करा

Web Title: Dont like eating pumpkin then make crispy puri from easy recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com