नाश्ता होईल आणखीनच स्पेशल! सोप्या पद्धतीमध्ये झटपट बनवा पालक मक्याचे धिरडे, नोट करून घ्या रेसिपी

सकाळच्या नाश्त्यात नेहमीच काय खावं? असा प्रश्न सगळ्यांचं पडतो. अशावेळी तुम्ही सोप्या पद्धतीमध्ये झटपट पालक मक्याचे धिरडे बनवू शकता. चला तर जाणून घेऊया धिरडे बनवण्याची सोपी रेसिपी.

सकाळच्या नाश्त्यात प्रत्येकालाच काहींना काही स्पेशल आणि चमचमीत पदार्थ खाण्याची इच्छा होते. मात्र अनेक लोक वजन वाढेल या भीतीने सकाळचा नाश्ता करणे टाळतात. पण असे न करता सकाळच्या नाश्त्यात नेहमीच पौष्टिक आणि हेल्दी पदार्थांचे सेवन करावे. यामुळे शरीरा अनेक फायदे होतात. सकाळी पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. याशिवाय शरीरात ऊर्जा कायमच टिकून राहते. आज आम्ही तुम्हाला पालक आणि मक्याच्या दाण्यांचा वापर करून सोप्या पद्धतीमध्ये धिरडे बनवण्याची रेसिपी सांगणार आहोत. हा पदार्थ कमीत कमी वेळात झटपट तयार होतो. याशिवाय पालक खाणे आरोग्यासाठी अतिशय पौष्टिक आहे. चला तर जाणून घेऊया सोप्या पद्धतीमध्ये पालक मक्याचे धिरडे बनवण्याची सोपी रेसिपी. हा पदार्थ बनवण्यासाठी जास्त वेळ लागत नाही.(फोटो सौजन्य – istock)

कोकणातील पारंपरिक पद्धतीने सकाळच्या नाश्त्यासाठी झटपट बनवा रस खापरोळी, पदार्थाची चव चाखून मिळेल सुख

साहित्य:

• मक्याचे दाणे
• पालक
• तांदळाचे पीठ
• हिरव्या मिरचीची पेस्ट
• कांदा
• लसूण
• हळद
• मीठ
• तेल
• बेसन

शिल्लक राहिलेल्या भातापासून १० मिनिटांमध्ये झटपट बनवा टेस्टी पनीर पुलाव, चवीला लागेल चविष्ट

कृती:

• पालक मक्याचे धिरडे बनवण्यासाठी सर्वप्रथम, मक्याचे दाणे सोलून घ्या. त्यानंतर पाण्याने स्वच्छ धुवून मक्याच्या कुकरमधून शिजवून घ्या.
• पालकची भाजी स्वच्छ करून धुतल्यानंतर बारीक चिरा. पालक चिरताना जास्त बारीक कापू नये.
• मोठ्या वाटीमध्ये मक्याचे दाणे घेऊन मॅशरने बारीक करून घ्या. त्यानंतर त्यात चिरलेले पालक, चवीनुसार मीठ, हिरव्या मिरचीची पेस्ट आणि आलं लसूण पेस्ट घालून व्यवस्थित मिक्स करा.
• नंतर त्यात बेसन, तांदळाचे पीठ, बारीक चिरून घेतलेला कांदा आणि कोथिंबीर घालून व्यवस्थित मिक्स करा. तयार केलेल्या मिश्रणात आवश्यकता वाटल्यास पाणी घालावे.
• पीठ मळून झाल्यानंतर रुमाल ओला करून त्यावर धिरडे थापून घ्या. तव्यावर तेल गरम करून त्यात धिरडे व्यवस्थित दोन्ही बाजूने भाजून घ्या.
• तयार आहे सोप्या पद्धतीमध्ये बनवलेले पालक मक्याचे धिरडे.