कोकणातील पारंपरिक पद्धतीने सकाळच्या नाश्त्यासाठी झटपट बनवा रस खापरोळी, पदार्थाची चव चाखून मिळेल सुख

सकाळच्या नाश्त्यात नेहमीच काय बनवावं? असा प्रश्न सगळ्यांचं पडतो. अशावेळी तुम्ही कोकणी पद्धतीमध्ये रस खापरोळ्या बनवू शकता. हा पदार्थ चवीला अतिशय सुंदर लागतो.

कोकणातील पारंपरिक पद्धतीने सकाळच्या नाश्त्यासाठी झटपट बनवा रस खापरोळी

Follow Us:

Follow Us:

सकाळच्या नाश्त्यात नेहमीच कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अनेक घरांमध्ये सकाळच्या नाश्त्यात बाहेरून विकत आणलेले पदार्थ खाल्ले जातात. पण नेहमीच विकतचे पदार्थ खाणे आरोग्यासाठी चांगले नाही. त्यामुळे घरात हेल्दी टेस्टी पदार्थ बनवावे. कोकणातील पारंपरिक पदार्थ जगभरात सगळीकडे प्रसिद्ध आहेत. कोकणात माश्यांव्यतिरिक्त अनेक वेगवेगळे पदार्थ बनवले जातात. या पदार्थांची चव चाखताच मनालाही आनंद वाटेल. आज आम्ही तुम्हाला कोकणातील पारंपरिक पद्धतीने रस खापरोळ्या बनवण्याची सोपी रेसिपी सांगणार आहोत. हा पदार्थ बनवण्यासाठी अधिक वेळ लागतो. पण चवीला खापरोळ्या अतिशय सुंदर लागतात. नारळाच्या रसात खापरोळ्या बुडवून खाल्ल्या जातात. चला तर जाणून घेऊया कोकणातील पारंपरिक पद्धतीने बनवल्या जाणाऱ्या रसातील खापरोळ्या.(फोटो सौजन्य – pinterest)

राजमा खायला आवडत नसेल तर सोप्या पद्धतीमध्ये घरी बनवा कुरकुरीत राजमा टॅकोज, नोट करून घ्या रेसिपी

साहित्य:

• तांदूळ
• उडीद डाळ
• मेथी दाणे
• खोबऱ्याचा रस
• हळद
• गूळ
• वेलची पावडर
• जिऱ्याची पावडर

दुपारच्या जेवणाची चव लागेल सुंदर! झटपट घरी बनवा चमचमीत टोमॅटोचे भरीत, नोट करून घ्या रेसिपी

कृती:

• रस खापरोळ्या बनवण्यासाठी सर्वप्रथम, तांदूळ आणि उडीद डाळ स्वच्छ करून घ्या. त्यानंतर तीन वेळा पाण्याने धुवा.
• नंतर त्यात आवश्यकतेनुसार पाणी घालून वरून मेथी दाणे टाकून भिजत ठेवा. ५ तासांनी तांदूळ डाळीचे मिश्रण मिक्सरमधून व्यवस्थित बारीक करून घ्या.
• त्यानंतर त्यात हळद आणि चवीनुसार मीठ टाकून रात्रभर पीठ झाकून ठेवा. सकाळी पीठ आंबलेले असेल.
• तयार केलेले पीठ मोठ्या भांड्यात टाकून फेटून घ्या. आवश्यकता वाटल्यास तुम्ही त्यात पाणी घालू शकता.
• पॅन गरम करून त्यावर नारळाच्या शेंडीने तेल लावून घ्या. त्यानंतर त्यावर छोट्या छोट्या खापरोळ्या काढून भाजा.
• वाटीमध्ये खोबऱ्याचे दूध घेऊन त्यात गूळ घाला. गूळ व्यवस्थित मिक्स झाल्यानंतर वेलची पावडर, जिऱ्याची पावडर आणि दालचिनी पावडर घालून मिक्स करा.
• खापरोळ्या सर्व्ह करताना सगळ्यातआधी ताटात खापरोळ्या घेऊन वरून नारळाचे दूध टाकून खाल्यास चव अतिशय सुंदर लागेल.

Web Title: Make quick rasa khaparoli for morning breakfast in the traditional konkan style breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com