शिल्लक राहिलेल्या भातापासून १० मिनिटांमध्ये झटपट बनवा टेस्टी पनीर पुलाव, चवीला लागेल चविष्ट

नेहमीच फोडणीचा तिखट भात खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही सोप्या पद्धतीमध्ये पनीर पुलाव बनवू शकता. जाणून घ्या पनीर पुलाव बनवण्याची सोपी रेसिपी.

शिल्लक राहिलेल्या भातापासून १० मिनिटांमध्ये झटपट बनवा टेस्टी पनीर पुलाव

Follow Us:

Follow Us:

रात्रीच्या जेवणात बऱ्याचदा भात जास्त बनवल्यानंतर तो सकाळी नाश्त्यात फोडणीचा भात बनवून खाल्ला जातो. कांदा, लाल तिखट आणि इतर मसाल्यांचा वापर करून बनवलेला भात चवीला अतिशय सुंदर लागतो. पण नेहमी नेहमी शिळा भात खाणे आरोग्यासाठी चांगले नाही. यामुळे पोटात ऍसिडिटी वाढून अपचनाची समस्या उद्भवते. दुपारच्या जेवणात किंवा रात्रीच्या जेवणात शिल्लक राहिलेला भात एकतर फेकून दिला जातो किंवा दुसऱ्या दिवशी प्राण्यांना खाण्यासाठी दिला जातो. पण शिल्लक राहिलेला भात फेकून न देता तुम्ही सोप्या पद्धतीमध्ये पनीर पुलाव बनवू शकता. लहान मुलांपासून अगदी मोठ्यांपर्यंत सगल्याचं पनीर खायला खूप आवडत. चला तर जाणून घेऊया सोप्या पद्धतीमध्ये पनीर पुलाव बनवण्याची रेसिपी.(फोटो सौजन्य – pinterest)

अळूवडी, कोथिंबीर वडी नाही यंदा घर बनवून पहा कुरकुरीत कोबीची वडी; चवीला लज्जतदार घरातील सर्वांनाच करेल खुश

साहित्य:

• पनीर
• शिल्लक राहिलेला भात
• कांदा
• टोमॅटो
• लाल तिखट
• हळद
• मोहरी
• हिंग
  जिरं
• दही
• गरम मसाले

कोकणातील पारंपरिक पद्धतीने सकाळच्या नाश्त्यासाठी झटपट बनवा रस खापरोळी, पदार्थाची चव चाखून मिळेल सुख

कृती:

• पनीर पुलाव बनवण्यासाठी सर्वप्रथम, वाटीमध्ये दही घेऊन त्यात लाल तिखट, हळद आणि गरम मसाला घालून मिक्स करा.
• व्यवस्थित मिक्स करून झाल्यानंतर त्यात पनीरचे तुकडे घालून काहीवेळा तसेच ठेवा. त्यानंतर पॅनमध्ये तेल गरम करून त्यात पनीर व्यवस्थित भाजून घ्या.
• कढईमध्ये तूप गरम करून त्यात मोहरी, जिरं आणि हिंग घालून मिक्स करा. नंतर त्यात कढीपत्त्याची भरपूर पाने टाकून वरून उभा चिरून घेतलेला कांदा टाकून मिक्स करा. त्यानंतर त्यात चवीनुसार मीठ आणि टोमॅटो घालून मिक्स करा.
• कांदा टोमॅटो व्यवस्थित शिजल्यानंतर त्यात हिरव्या मिरचीची तयार केलेली पेस्ट घालून व्यवस्थित भाजून घ्या.
• त्यानंतर त्यात लाल तिखट, हळद आणि पुलाव मसाला टाकून मिक्स करा. मसाले भाजल्यानंतर त्यात भाजून घेतलेले पनीर टाकून मिक्स आणि वरून शिजलेला भात टाका.
• सर्व साहित्य व्यवस्थित मिक्स करून घ्या. ५ मिनिटं वाफ आल्यानंतर वरून बारीक चिरून घेतलेली कोथिंबीर टाकून मिक्स करा.
• तयार आहे सोप्या पद्धतीमध्ये बनवलेला पनीर पुलाव. हा पदार्थ लहान मुलांसह मोठ्यांना खूप जास्त आवडेल.

Web Title: How to make paneer pulao at home simple paneer pulao recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com