चेहऱ्यावर लसूण लावण्याचे तोटे
जेवण बनवताना पदार्थाची चव वाढवण्यासाठी जेवणाला लसणीची फोडणी दिली जाते. लसणीचा वापर जेवणात केल्यामुळे जेवणाची चव आणि सुगंध वाढण्यास मदत होते. तसेच लसणीमध्ये आढळून येणारे गुणधर्म त्वचा आणि आरोग्यासाठी प्रभावी आहे. लसणीमध्ये अँटीबॅक्टरीयल आणि अँटीफंगल गुणधर्म आढळून येतात. ज्यामुळे त्वचा आणि केसांच्या आरोग्याला फायदे होतात. बिघडलेली पचनक्रिया सुधारण्यासाठी आहारात लसणीचे सेवन करावे. अनेकदा सतत बाहेरचे पदार्थ किंवा तेलकट तिखट पदार्थ खाल्यामुळे पचनक्रिया बिघडते. त्यामुळे बिघडलेली पचनक्रिया सुधारण्यासाठी लसणीचे सेवन करण्याचा सल्ला दिला जातो.लसणीमध्ये असलेल्या दाहक विरोधी गुणधर्मांमुळे अनेक लोक रिकाम्या पोटी लसूण खातात.(फोटो सौजन्य-istock)
हल्ली फॅशनच्या युगात सोशल मीडियावर नवनवीन ट्रेंड आले आहेत. चेहऱ्यावर मुरूम किंवा पिंपल्स आल्यानंतर थेट लसूण चेहऱ्यावर चोळला जातो. पण हा उपाय करणे योग्य आणि अयोग्य? यावर अनेक दावे करण्यात आले आहेत. चेहऱ्यावर लसूण लावल्यानंतर चेहऱ्यावरील मुरूम निघून जाऊन त्वचा सुंदर होते, असे अनेकांचे मत आहे. यावर डॉक्टर मोनिका यांनी सविस्तर माहिती सांगितली आहे. चला तर जाणून घेऊया.
हे देखील वाचा: हातापायांमध्ये सतत मुंग्या येतात? मग आहारात करू नका ‘या’ भाज्यांचे सेवन
लसणीमध्ये अँटी-इंफ्लेमेटरी आणि अँटीबॅक्टेरियल गुणधर्म आढळून येतात. लसणीमधील हे गुणधर्म शरीर आतून निरोगी ठेवण्यास मदत करतात. त्यामुळे त्वचेसाठीही लसूण गुणकारी आहे,असे अनेकांना वाटते. पण ,लसणामुळे मुरुमे बरे होतात याचा कोणताही वैज्ञानिक पुरावा नाही. पण लसूण थेट त्वचेवर लावल्यामुळे त्याचे चेहऱ्यावर विपरीत परिणाम दिसून येतात.
जास्त प्रमाणात लसूण चेहऱ्यावर चोळल्यास त्वचा लाल होऊ शकते. त्यामुळे जळजळ होऊ शकते. लसणीमध्ये एलर्जीची प्रतिक्रिया असू शकते.संवेदनशील त्वचा असणाऱ्या लोकांनी चेहऱ्याला थेट लसूण लावू नये. यामुळे हायपर पिग्मेंटेशन देखील होऊ शकते. हायपर पिग्मेंटेशनमध्ये त्वचेवर काळे डाग येतात. म्हणून, त्यामुळे चेहऱ्यावर कोणतीही घरगुती उपाय वापरू नये.
पुढे बोलताना डॉक्टर मोनिका यांनी सांगितले आहे, सगळ्यांची त्वचा अतिशय संवेदनशील आहे. त्यात विशेषतः चेहरा. त्यामुळे डॉक्टरांच्या सल्ल्याशिवाय चेहऱ्यावर काहीही लावू नका. पुरळ टाळायचे असेल तर दिवसातून किमान दोनदा चेहरा धुवाणे आवश्यक आहे. तसेच चेहरा गलिच्छ ठेवू नये, त्यामुळे छिद्रे बंद होतात. मेकअप केल्यानंतर २ किंवा ३ तासांनी मेकअप काढला पाहिजे आणि दिवसाच्या शेवटी आपला चेहरा धुवावा. त्वचा स्वच्छ करण्यासाठी तुम्ही टोनर वापरू शकता.
हे देखील वाचा: कर्करोगापासून शरीराचा बचाव करण्यासाठी ‘या’ आंबट गोड फळाचे करा सेवन, अनेक समस्यांपासून राहाल दूर
याशिवाय त्वचेच्या प्रकारानुसार फेस वॉश आणि मॉइश्चरायझर लावा. जर तुमचा चेहरा तेलकट असेल तर वॉटर बेस्ड मॉइश्चरायझर लावा. त्वचा कोरडी असेल तर तेलावर आधारित मॉइश्चरायझर लावा. पिंपल्समुळे त्वचेवर खोल खुणा दिसू शकतात. या सर्व गोष्टी करूनही पुरळ निघत नसेल तर डॉक्टरांचा सल्ला घ्या. जर पुरळ फार गंभीर नसेल तर अर्जासाठी फक्त मलई दिली जाते. पुरळ गंभीर असेल तर औषध देखील दिले जाऊ शकते.
