ओल्या खोबऱ्याचा वापर करून घरीच बनवा चविष्ट नारळाची बर्फी, लहान मुलांसह मोठेसुद्धा खातील आवडीने

आज आम्ही तुम्हाला सोप्या पद्धतीमध्ये ओल्या खोबऱ्याची बर्फी बनवण्याची रेसिपी सांगणार आहोत. हा पदार्थ झटपट आणि कमीत कमी साहित्यात तयार होतो.

ओल्या खोबऱ्याचा वापर करून घरीच बनवा चविष्ट नारळाची बर्फी

Follow Us:

Follow Us:

सणावाराच्या दिवसांमध्ये घरात अनेक नवनवीन गोड पदार्थ बाहेरून विकत आणले जातात. श्रीखंड, काजुकतरी, पेढा, रसगुल्ला इत्यादी अनेक पदार्थ घरी आलेल्या पाहुण्यांसाठी आणले जातात. पण कायमच विकतचे आणि भेसळ युक्त पदार्थांचे सेवन केल्यामुळे शरीराला हानी पोहचण्याची शक्यता असते. घरी बनवलेले पदार्थ चवीसाठी आरोग्यासाठी सुद्धा गुणकारी असतात. आज आम्ही तुम्हाला ओल्या खोबऱ्याची चविष्ट बर्फी बनवण्याची सोपी रेसिपी सांगणार आहोत. ओल्या खोबऱ्याचा वापर जेवणातील अनेक वेगवेगळे पदार्थ बनवण्यासाठी केला जातो. कधी वाटप बनवण्यासाठी तर कधी डाळीमध्ये आणि भाजीमध्ये टाकण्यासाठी केला जातो. खोबऱ्याचा किस गोड असल्यामुळे पदार्थाची चव अतिशय सुंदर लागते.ओल्या खोबऱ्याची बर्फी तुम्ही घरी आलेल्या पाहुण्यांच्या स्वागतासाठी सुद्धा बनवू शकता. चला तर जाणून घेऊया ओल्या खोबऱ्याची बर्फी बनवण्याची सोपी रेसिपी.(फोटो सौजन्य – pinterest)

Recipe : साधा चिला नाही यावेळी नाश्त्याला खा ‘पनीर स्टफ्ड चिला’, चवीसह आरोग्याचीही काळजी

साहित्य:

• ओल्या खोबऱ्याचा किस
• साखर
• वेलची पावडर
• सुका मेवा
• जायफळ पावडर
• तूप
• दूध

कृती:

• ओल्या खोबऱ्याची बर्फी बनवण्यासाठी सर्वप्रथम, ओल्या नारळाचा किस काढून घ्या. नारळ किसताना कायमच बारीक किसावा.
• कढईमध्ये तूप गरम करण्यासाठी ठेवा. गरम तुपात किसून घेतलेला ओल्या खोबऱ्याचा किस घालून मंद आचेवर भाजा. गॅस अजिबात फास्ट करू नये.
• खोबऱ्याचा रंग फिका पडल्यानंतर साखर आणि फ्रेश क्रीम घालून मंद आचेवर मिश्रण व्यवस्थित शिजवून घ्या.
• तयार केलेले खोबऱ्याचे मिश्रण पूर्णपणे घट्ट झाल्यानंतर त्यात जायफळ पावडर आणि वेलची पावडर, बारीक चिरून घेतलेला सुका मेवा घालून व्यवस्थित मिक्स करून घ्या. त्यानंतर गॅस बंद करा.
• ताटाला तूप लावून त्यात तयार केलेले मिश्रण ओतून एकसमान पसरवून घ्या. काहीवेळ ठेवल्यानंतर सुरीच्या सहाय्याने तुम्हाला हवे त्या आकारात तुकडे करा.
• सजावटीसाठी वरून केशर काड्या टाका. तयार आहे सोप्या पद्धतीमध्ये बनवलेली ओल्या खोबऱ्याची चविष्ट बर्फी.

Web Title: How to make coconut barfi at home simple food recipe barfi recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com