Dinner Recipe : रात्रीच्या जेवणाला काय बनवावं ते सुचल नाही? मग झटपट घरी बनवा मसालेदार ‘सोया पुलाव’

Soya Pulao Recipe : सोयबीन पुलाव फार झटपट तयार होतो आणि कोशिंबीरसोबत याची चव तर लाजवाब लागते. रात्रीच्या जेवणाला काय बनवायचं ते सुचत नसल्यास सोया पुलावची रेसिपी तुम्ही ट्राय करु शकता.

(फोटो सौजन्य: Pinterest)

Follow Us:

Follow Us:

• तुम्ही कधी सोयबीन पुलाव खाल्ला आहे का?
• रात्रीच्या जेवणासाठी हा एक चांगला पर्याय ठरतो.
• जेवणात काय बनवायचं ते सुचत नसल्यास ही रेसिपी ट्राय करा.

Raagi Idli: घरच्या घरी तयार करा मऊ आणि स्वादिष्ट रागी इडली; जाणून घ्या सोपी पद्धत

साहित्य

• 1 कप बासमती तांदूळ
• 1 कप सोयाबीन चंक्स
• 1 मोठा कांदा (पातळ चिरलेला)
• 1 टोमॅटो (बारीक चिरलेला)
• 1 हिरवी मिरची
• 1 टीस्पून आले-लसूण पेस्ट
• 2 टेबलस्पून तेल किंवा तूप
• 1 तमालपत्र
• 1 दालचिनी तुकडा
• 2 लवंगा
• 2 वेलची
• ½ टीस्पून हळद
• 1 टीस्पून गरम मसाला
• चवीनुसार मीठ
• 2 कप पाणी
• कोथिंबीर सजावटीसाठी

कृती

• तांदूळ स्वच्छ धुवून 20 मिनिटे भिजत ठेवा. सोयाबीन चंक्स गरम पाण्यात 10 मिनिटे भिजवून पिळून घ्या.
• कुकर किंवा जाड बुडाच्या भांड्यात तेल किंवा तूप गरम करून त्यात तमालपत्र, दालचिनी, लवंगा आणि वेलची परता.
• त्यात कांदा घालून सोनेरी होईपर्यंत परतून घ्या. नंतर आले-लसूण पेस्ट आणि हिरवी मिरची घालून एक मिनिट शिजवा.
• टोमॅटो, हळद आणि मीठ घालून टोमॅटो मऊ होईपर्यंत परता.
• आता सोयाबीन चंक्स आणि गरम मसाला घालून 2-3 मिनिटे चांगले मिसळा.
• भिजवलेले तांदूळ घालून हलक्या हाताने परता. त्यात पाणी घालून मिश्रण उकळी येईपर्यंत शिजवा.
• कुकरमध्ये 2 शिट्ट्या किंवा भांड्यात झाकण ठेवून तांदूळ पूर्ण शिजेपर्यंत शिजवा. तयार पुलावावर कोथिंबीर भुरभुरवून गरमागरम सर्व्ह करा.
• हा पौष्टिक सोयाबीन पुलाव दही, रायता किंवा पापडासोबत खूपच स्वादिष्ट लागतो.

Web Title: Make tasty soyabin pulao for dinner recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com