Recipe : उरलेल्या शिळ्या चपात्या फेकायच्या कशाला, त्यापासून बनवा हेल्दी आणि टेस्टी ‘व्हेज टॅको’

Veg Taco Recipe : पाश्चात्य पदार्थला द्या इंडियन टच, घरी चपातीपासून लहान मुलांसाठी तयार करा टेस्टी व्हेज टाको. याची रेसिपी फार सोपी असून टिफीनसाठी हा एक उत्तम पर्याय ठरेल.

(फोटो सौजन्य: Pinterest)

Follow Us:

Follow Us:

• टाको हा मेक्सिकोचा एक लोकप्रिय पदार्थ आहे.
• यात कुरकरीत टाकोच्या शीटमध्ये मसालेदार स्टफिंग भरली जाते.
• तुम्ही उरलेल्या शिळ्या चपात्यांपासूनही हा पदार्ध तयार करु शकता.

चपाती किंवा ब्रेडसोबत लागेल भन्नाट चव! आंबट गोड कैरीपासून बनवा चटपटीत स्प्रेड, नोट करून घ्या रेसिपी

या रेसिपीची खास गोष्ट म्हणजे यात फार महाग किंवा वेगळं साहित्य लागत नाही. घरात सहज उपलब्ध असलेल्या भाज्या, सॉस आणि चपात्यांपासून काही मिनिटांत हा पदार्थ तयार होतो. संध्याकाळच्या भुकेसाठी, मुलांच्या टिफिनसाठी किंवा विकेंडला हलकंफुलकं काहीतरी खायचं असेल तर हा पर्याय उत्तम आहे. चला नोट करून घेऊयात याची सोपी रेसिपी.

साहित्य

• ४ चपात्या
• २  उकडलेले बटाटे
• १ कप बारीक चिरलेला कोबी
• १ कांदा बारीक चिरलेला
• १ टोमॅटो बारीक चिरलेला
• १ शिमला मिरची चिरलेली
• १ किसलेले गाजर
• २ चमचे मेयॉनीज
• १ चमचा टोमॅटो सॉस
• १ चमचा हिरवी चटणी
• अर्धा चमचा काळी मिरी पावडर
• अर्धा चमचा चाट मसाला
• मीठ चवीनुसार
• थोडंसं चीज किसून
• बटर किंवा तेल आवश्यकतेनुसार

कृती

• सर्वप्रथम एका मोठ्या भांड्यात कोबी, कांदा, टोमॅटो, शिमला मिरची आणि गाजर एकत्र मिसळून घ्या.
• त्यात मॅश केलेले बटाटे, मेयॉनीज, टोमॅटो सॉस, हिरवी चटणी, चाट मसाला, काळी मिरी आणि मीठ घालून सर्व मिश्रण छान मिक्स करा.
• चपात्यांना हलकंसं बटर लावून तव्यावर थोडं गरम करून घ्या, त्यामुळे त्या मऊ राहतील.
• आता चपातीच्या मधोमध तयार केलेलं भाज्यांचं मिश्रण ठेवा.
• त्यावर किसलेलं चीज पसरवा. आवडत असल्यास थोडे चिली फ्लेक्सही घालू शकता.
• चपातीला टॅकोसारखा आकार देऊन हलक्या हाताने दुमडा आणि गरम तव्यावर एक मिनिट भाजून घ्या.
• गरमागरम व्हेज चपाती टॅको हिरव्या चटणी किंवा सॉसबरोबर सर्व्ह करा.

Web Title: Make tasty veg taco at home from leftover chapati note the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com