उन्हाळ्यात तुलसीचा वाळणं थांबवा; घरच्या घरी बनवा थंड नैसर्गिक खत

उन्हाळ्यात तुलसीचे झाड वाळण्यापासून वाचवण्यासाठी घरच्या घरी थंड नैसर्गिक खत तयार करता येते. अ‍ॅलोवेरा, ताक आणि हळद वापरून बनवलेले हे खत महिन्यातून एकदाच वापरल्यास झाड ताजं आणि हिरवंच राहते.

फोटो सौजन्य - Social Media

Follow Us:

Follow Us:

उन्हाळ्याच्या तडाख्यात घराच्या अंगणात किंवा गमल्यात लावलेली झाडं झटपट कोमेजतात. या उष्णतेचा सर्वाधिक फटका तुलसीच्या झाडाला बसतो. धार्मिक आणि औषधी दृष्टिकोनातून अत्यंत पवित्र मानल्या जाणाऱ्या या झाडाची पाने उन्हामुळे सुकू लागतात. पाणी कमी मिळणे, मातीतील ओलावा नष्ट होणे आणि सततची रखरखीत हवा यामुळे तुलसी वाळू लागते. पण काही घरगुती उपाय करून तुम्ही उन्हाळ्यातही तुलसीला ताजी, हिरवीगार आणि सुगंधी ठेवू शकता. अशाच एका सोप्या उपायाचा उल्लेख इथे केला आहे, जो महिन्यातून फक्त दोनदा केला तरीही तुलसी उन्हापासून सुरक्षित राहते. या उपायात घरच्या घरी थंड नैसर्गिक खत तयार करता येतं, तेही कुठलाही खर्च न करता!

आतड्यांना पोखरून टाकतात ‘हे’ स्ट्रीट फूड्स, हळूहळू पचनक्रियेलाही करून टाकतात पांगळी

घरच्या घरी थंड खत कसं बनवायचं?

साहित्य

• 2 ते 3 मोठे चमचे अ‍ॅलोवेरा जेल
• 1 कप ताजं ताक
• अर्धा चमचा हळद पावडर
• 1 लिटर पाणी

खत तयार करण्याची पद्धत

सर्वप्रथम अ‍ॅलोवेराची पानं कापून त्यातून जेल काढा. त्यात 1 कप ताक मिसळा. नंतर अर्धा चमचा हळद पावडर घालून हे सगळं चांगलं मिसळा. आता या मिश्रणात 1 लिटर पाणी टाका आणि एका झाकण असलेल्या पातेल्यात किंवा बाल्टीत भरून ठेवा. काही तास हे मिश्रण झाकून ठेवा म्हणजे ते व्यवस्थित तयार होईल.

शारीरिक संबंधांपूर्वी ‘हे’ पदार्थ खाणे ठरेल त्रासदायक, रात्र काढणेही होईल कठीण

खत कसं वापरायचं?

हे थंड नैसर्गिक खत महिन्यातून एकदाच वापरलं तरीही पुरेसं ठरतं. संध्याकाळच्या वेळी हे खत थेट तुलसीच्या मुळांजवळ घाला. यामुळे खतातील पोषणद्रव्यं झाडाच्या मुळांपर्यंत पोहोचतात आणि पाणीही दीर्घकाळ मातीमध्ये टिकतं. या उपायामुळे उष्णतेपासून संरक्षण मिळून झाड निरोगी आणि टवटवीत राहतो. या साध्या घरगुती पद्धतीने उन्हाळ्यात सुद्धा तुमची प्रिय तुलसी हिरवीगार ठेवता येईल आणि तिचे धार्मिक व औषधी फायदेही टिकून राहतील.

Web Title: Stop tulsi from drying out in summer

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com