(फोटो सौजन्य: istock)
इतर अवयवांप्रमाणेच किडनी देखील आपल्या शरीरातील एक महत्त्वाचा अवयव आहे. शरीरातील टाकाऊ आणि विषारी पदार्थ शरीरबाहेर टाकण्याचे काम किडनी करत असते. शरीरातील रक्त शुद्ध करण्यासाठीही याची मदत होते. किडनीचे आरोग्य बिघडल्यास अनेक समस्या निर्माण होतात ज्यामुळे त्याची काळजी घेणे गरजेचे आहे. किडनीला आतून स्वच्छ कसं करावं असा प्रश्न जर तुम्हाला पडला असेल तर याचेच उत्तर तुम्हाला आजच्या या लेखात मिळणार आहे.
संधिवाताशी संबंधित गैरसमज आजच दूर करा, संबंधित लक्षणं जाणून घ्या
निरोगी आरोग्यासाठी किडनीचे स्वच्छ राहणे फार आवश्यक आहे. तथापि, आजकाल, लोकांच्या बदलती जीवनशैली आणि खाण्याच्या सवयींमुळे किडनीचा आजार वाढत चालला आहे. किडनीच्या समस्या कधीकधी गंभीर समस्या निर्माण करु शकतात, त्याकडे दुर्लक्ष केल्याने दीर्घकालीन किडनीचा आजार (CKD) होऊ शकतो. म्हणूनच, तुमच्या आहारात काही पदार्थांचा समावेश करणे महत्वाचे आहे. आम्ही सांगत असलेल्या पाच पदार्थांचा आपल्या आहारात समावेश करुन तुम्ही किडनीला विषमुक्त करु शकता आणि यातील सर्व घाण शरीराबाहेर पाडू शकता. चला तर मग हे नक्की कोणते पदार्थ आहेत ते जाणून घेऊयात.
लिंबू
स्वयंपाकघरात सहज उपलब्ध होणाऱ्या लिंबाचा रोजच्या आहारात समावेश केल्यास याचे आरोग्याला अनेक फायदे होऊ शकतात. याचा वापर फक्त जेवणाची चव वाढवण्यासाठीच नाही तर किडनीतील विषारी घटक बाहेर काढण्यासही होतो. लिंबूमध्ये असलेले सायट्रिक ॲसिड किडनी स्टोनचा धोका टाळण्यास मदत करतात.
काकडी
काकडी आपल्या आरोग्यासाठी किती फायद्याची आहे, ते आपल्या सर्वांना ठाऊक आहेच. सामान्यात: सॅलडमध्ये वापरल्या जाणाऱ्या काकडीच्या सेवनाने शरीर हायड्रेट राहते आणि शरीरातील विषारी घटक बाहेर काढण्यास मदत होते. किडनीच्या समस्या असणाऱ्यांसाठी याचे सेवन अधिक फायद्याचे ठरते, कारण यात पोटॅशियमचे प्रमाण कमी असते. यामुळे जळजळ कमी होते.
लसूण
भाजी, डाळ, पराठा अशा सर्वच पदार्थांमध्ये वापरला जाणारा लसूण फक्त जेवणाची चवच वाढवत नाही तर तुमच्या आरोग्याचीही काळजी घेतो. लसूणमध्ये अँटीऑक्सिडंट्स आणि दाहक-विरोधी संयुगे भरपूर असतात जे किडनीच्या पेशींना ऑक्सिडेटिव्ह ताण आणि जळजळीपासून वाचवतात. लसूण किडनीतील एंजाइम सक्रिय करते जे शरीरातील विषारी पदार्थ काढून टाकण्यास मदत करतात.
हळद
शतकानुशतकांपासून एका औषधाप्रमाणे काम करणारी हळद भारतीयांच्या स्वयंपाकघरातील एक अविभाज्य भाग आहे. हळदीमध्ये कर्क्यूमिन असते, जे एक मजबूत अँटिऑक्सिडेंट आणि दाहक-विरोधी संयुग असते जे किडनीला विषारी पदार्थ, संसर्ग आणि जुनाट आजारांमुळे होणाऱ्या नुकसानापासून वाचवण्यास मदत करते.
टरबूज
तुम्हाला जर तुमची किडनी निरोगी ठेवायची असेल तर उन्हाळ्यात तुम्ही आपल्या आहारात टरबूजचा समावेश करु शकता. हे एक सीजनल फ्रुट आहे, जे उन्हाळ्यातच उपलब्ध होते. टरबूज शरीराला हायड्रेट ठेवते आणि नैसर्गिक मूत्रवर्धक म्हणूनही काम करते. याचे किडनी स्टोनचा धोका कमी करते आणि किडनीचे आरोग्या सुधारण्यास मदत करते.
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.
