रविवार, 15 नोव्हेंबर 2026
सौजन्य फोटो - AI Gemini
अवघं दीड किलो वजन असलेल्या या बाळाची प्रकृती जन्मताच अत्यंत गंभीर होती. मृत्यूशी त्याची झुंज सुरू होती. मात्र, अशा कठीण परिस्थितीत बीड जिल्हा रुग्णालयातील डॉक्टर आणि परिचारिका या बाळासाठी खऱ्या अर्थाने आधार बनल्या. शहरात भीक मागून उदरनिर्वाह करणाऱ्या ४० वर्षीय गतिमंद महिलेचा गेल्या ४१ दिवसांपासून कोणताही ठावठिकाणा नाही.
बाळाची प्रकृती नाजूक असल्याने आणि उपचारांची नितांत गरज असल्याने जिल्हा रुग्णालयातील डॉक्टरांनी स्वतःच्या खिशातून पैसे खर्च करून उपचार केले. तर रुग्णालयातील परिचारिकांनी देखील बाळाची अत्यंत काळजी घेतली आणि त्याला मायेची ऊब दिली. त्यांच्या या प्रयत्नांमुळे आता बाळाच्या प्रकृतीत मोठी सुधारणा झाली आहे आणि आठवडाभरात त्याला रुग्णालयातून सुटी मिळण्याची शक्यता आहे.
आईने सोडून दिलेल्या या बाळाचा जीव तर वाचला आहे, मात्र आता त्याच्या पुढील संगोपनाचा आणि सुरक्षेचा गंभीर प्रश्न निर्माण झाला आहे. रुग्णालयातून सुटी मिळाल्यानंतर बाळ कुठे जाणार, त्याचे संगोपन कोण करणार, हा प्रश्न आता प्रशासनासमोर उभा राहिला आहे.
Ans: ही हृदयद्रावक घटना बीडच्या जिल्हा रुग्णालयात घडली आहे
Ans: बाळाची आई गेल्या ४१ दिवसांपासून बेपत्ता आहे आणि तिचा कोणताही ठावठिकाणा नाही
Ans: जिल्हा रुग्णालयातील डॉक्टरांनी स्वखर्चातून आणि परिचारिकांनी आपल्या मायेच्या आधाराने बाळावर उपचार केले, ज्यामुळे आता बाळाच्या प्रकृतीत सुधारणा झाली आहे
