Maharashtra Breaking News Updates Today:
09 Apr 2026 12:00 PM (IST)
मुंबई महापालिकेतील माध्यमिक शाळांमधील १२०० शिक्षकांना शिक्षक नेते अनिल बोरनारे यांच्या पाठपुराव्यामुळे न्याय मिळाला असून शिक्षकांच्या ‘परिभाषित अंशदान निवृत्तीवेतन’ (डीसीपीएस) योजनेचे परिपत्रक मुंबई मनपाने निर्गमित केले आहे. मुंबई मनपाच्या संपूर्ण मुंबईमध्ये २५१ माध्यमिक शाळा असून त्यापैकी ५१ शाळा अनुदानित व २०० शाळा विनाअनुदानित आहेत. अनुदानित शाळांसाठी शासन अनुदान देते व विनाअनुदानित शाळा मनपा स्वखर्चाने चालवते. या शाळांमध्ये जवळपास १५०० शिक्षक कार्यरत असून सन २००८ पासून सर्व शिक्षक आपले काम जबाबदारीने पार पाडत आहेत.
09 Apr 2026 11:50 AM (IST)
राज्य आणि केंद्र सरकारने नाशिकमध्ये होणाऱ्या सिंहस्थ कुंभमेळ्यासाठी १५,००० कोटी रुपयांच्या निधीला मंजुरी दिली आहे. या रकमेपैकी काही हजार कोटी रुपये आधीच मिळाले आहेत.
09 Apr 2026 11:40 AM (IST)
पुण्यातील शिरूर तालुक्यात वॉटर पार्कमध्ये स्लाइडवरून घसरताना कमी पाण्यामुळे 37 वर्षीय महिलेचा भीषण अपघात झाला. पाठीच्या मणक्याचे चार तुकडे होऊन अर्धे शरीर निकामी झाले. निष्काळजीपणाप्रकरणी गुन्हा दाखल.
09 Apr 2026 11:35 AM (IST)
आण्णा हजारे यांच्या आंदोलनामुळे सरकारवर लोकपाल विधेयक आणण्याचा दबाव वाढला आणि भ्रष्टाचाराविरोधात जनजागृती झाली. अण्णा हजारे यांच्या या आंदोलनाने देशातील जनतेला एकत्र आणले
09 Apr 2026 11:30 AM (IST)
शासकीय वैद्यकीय महाविद्यालये आणि संलग्न रुग्णालयांमध्ये उपचारासाठी येणाऱ्या रुग्णांना बाहेरून औषधे खरेदी करण्यास भाग पाडणाऱ्या डॉक्टरांवर आता कठोर कारवाई केली जाणार आहे. रुग्णालयात औषधे उपलब्ध असतानाही बाहेरील प्रिर्सक्रप्शन देण्याच्या प्रकारांवर राज्य सरकारने लगाम घालण्याचा निर्णय घेतला असून, याबाबत वैद्यकीय शिक्षण व औषधी द्रव्ये विभागाने सर्व अधिष्ठाता आणि वैद्यकीय अधीक्षकांना स्पष्ट निर्देश दिले आहेत.
09 Apr 2026 11:20 AM (IST)
सोशल मीडियावर रोज हजारो व्हिडिओ व्हायरल होत असतात. कधी मजेशीर, तर कधी चित्र-विचित्र व्हिडिओ सोशल मीडियावर आपल्याला पाहायला मिळतात. काही व्हिडिओ इतके संतापजनक असतात की पाहून तळपायाची आग मस्तकात जाते. सध्या असाच एक संतापजनक कृत्याचा व्हिडिओ सोशल मीडियावर व्हायरल होत आहे. भारतीय पर्यटकांनी नेपाळमध्ये केलेल्या घाणरेड्या कृत्यामुळे पुन्हा एकदा देशाची प्रतिमा खराब झाली आहे. याचा व्हिडिओ सोशल मीडियावर तुफान व्हायरल होत आहे.
09 Apr 2026 11:10 AM (IST)
या कंपनीत जवळपास २०० कर्मचारी काम करतात. सर्व पीडिता पदवीधर, उच्च पदवीधर असून, त्यांना फारतर १८ ते २२ हजार रुपयापर्यंत वेतन मिळते. या घटनेतील एका युवतीने एचआरकडे लेखी तक्रार केली होती.
09 Apr 2026 10:56 AM (IST)
IPL 2026 मध्ये दिल्ली कॅपिटल्सला विजयांची हॅटट्रिक साधता आली नाही. बुधवारी अरुण जेटली स्टेडियमवर खेळल्या गेलेल्या हंगामातील १४ व्या सामन्यात, डीसीला गुजरात टायटन्सकडून १ धावेने निसटता पराभव पत्करावा लागला. प्रथम फलंदाजी करताना गुजरातने २१० धावा केल्या. दिल्लीला शेवटच्या दोन चेंडूंवर दोन धावांची गरज होती, पण त्यांना पराभव पत्करावा लागला.
गुजरात टायटन्स आणि दिल्ली कॅपिटल्स यांच्यामध्ये अगदी शेवटपर्यंत सामना रंगला आणि दिल्लीला केवळ १ धावाने सामना गमवावा लागला. मिलरच्या एका चुकीमुळे दिल्लीला विजयाची हॅटट्रीक साधता आली नाही. एक वेळ अशी होती की, दिल्ली सामना गमावणार हे निश्चित होते मात्र तरीही दिल्लीच्या फलंदाजांनी शेवटपर्यंत सामना खेचून आणला होता. मात्र क्रिकेट हा खेळ अनिश्चित असतो आणि कधी काय होईल हे सांगता येत नाही. त्यानुसारच अगदी शेवटपर्यंत रंगलेल्या या खेळात गुजरात टायटन्सने यश प्राप्त केले. याबाबत प्रेझेंटेशनमध्ये दिल्ली कॅपिटल्सचा कप्तान अक्षर पटेलने आपले स्पष्ट मत मांडले, जाणून घ्या.
09 Apr 2026 10:46 AM (IST)
छत्रपती संभाजीनगर येथून एक धक्कादायक घटना समोर आली आहे. जेवतांना भाजीत केस निघाला म्हणून निर्दयी पतीने आपल्या २५ वर्षीय पत्नीला रक्तबंबाळ होईपर्यंत मारहाण केल्याचे समोर आले आहे. त्यांनतर पती आणि सासरच्याछळाला कंटाळून महिलेने आत्महत्या केली. ईश्वरी बनकर (वय २५) असे आत्महत्या करणाऱ्या महिलेचे नाव आहे. या घटनेने खळबळ उडाली आहे.
09 Apr 2026 10:36 AM (IST)
पश्चिम आशियातील शस्त्रसंधीमुळे बुधवारी शेअर बाजारात मोठी तेजी आली. बीएसई सेन्सेक्स २,९०० हून अधिक अंकांनी वधारला, ज्यामुळे गुंतवणूकदारांना १७ लाख कोटी रुपयांचा फायदा झाला. भारतातील तिसऱ्या क्रमांकाचा सर्वात मोठा औद्योगिक समूह असलेल्या अदानी ग्रुपच्या शेअर्समध्ये व्यवहारादरम्यान १३% वाढ झाली, ज्यामुळे ग्रुपच्या बाजार भांडवलात ९६,००० कोटी रुपयांची वाढ झाली. ब्लूमबर्ग अब्जाधीश निर्देशांकानुसार, ग्रुपचे अध्यक्ष गौतम अदानी यांच्या निव्वळ संपत्तीत ६.०६ अब्ज डॉलर्स किंवा अंदाजे ५६,००० कोटी रुपयांची वाढ झाली आहे.
09 Apr 2026 10:26 AM (IST)
एका नामांकित बहुराष्ट्रीय कंपनीत नोकरी करणाऱ्या आठ तरुणींसोबत जवळीक साधून एकीवर अत्याचार तिच्यासह एका तरुणाचे बळजबरीने धर्मांतराचा प्रयत्न झाल्याचा धक्कादायक प्रकार उघड झाला आहे. ही घटना इंदिरानगर परिसरातील आयटी पार्कमधील कंपनीत झाली. याप्रकरणी पोलिसांनी सर्व संशयितांसह कंपनीच्या एचआर असलेल्या महिलेलाही आरोपी केले असून, राज्यातच नव्हे तर देशात प्रथमच अशाप्रकारे बहुराष्ट्रीय कंपनीतील गंभीर प्रकार चव्हाट्यावर आला आहे.
09 Apr 2026 10:16 AM (IST)
नाशिक येथून एक धक्कादायक प्रकार समोर आला आहे. तंत्रज्ञानाचा वापर करून, खाकी वर्दीचा बनाव करून महिलांची फसवणूक करण्यात आल्याचे समोर आले आहे. आर्टिफिशियल इंटेलिजन्स (AI) च्या मदतीने स्वतःचे पोलीस गणवेशातील बनावट फोटो तयार करून महिलांना प्रेमाच्या जाळ्यात ओढणाऱ्या एका भामट्याला पोलिसांनी गजाआड केल्याचे समोर आले आहे.
09 Apr 2026 10:07 AM (IST)
बॉलीवूड अभिनेता रणवीर सिंगचा चित्रपट ‘धुरंधर: द रिव्हेंज’ बॉक्स ऑफिसवर दमदार कमाई करत आहे. ‘धुरंधर’च्या यशानंतर, निर्मात्यांनी १९ मार्च रोजी ‘धुरंधर: द रिव्हेंज’ प्रदर्शित केला. तेव्हापासून, हा चित्रपट बॉक्स ऑफिसवर चांगली कमाई करत आहे. केवळ सात दिवसांत हा चित्रपट जगभरात ₹१,००० कोटींची कमाई करेल, याची निर्मात्यांना कल्पनाही नव्हती. आता पाहूया, रणवीर सिंगच्या या चित्रपटाने २१ दिवसांत देशांतर्गत बॉक्स ऑफिसवर किती कोटी रुपये कमावले आहेत.
09 Apr 2026 09:55 AM (IST)
नाशिक: महिलांच्या लैंगिक शोषणाप्रकरणी कारागृहात असलेल्या भोंदू बाबा अशोक खरातच्या कारनाम्यांचे एकापेक्षा एक धक्कादायक खुलासे होत आहेत. खरातने चक्क 'स्पेशल २६' चित्रपटाचा आधार घेत आपल्याच भक्तांची फसवणूक केल्याची खळबळजनक माहिती समोर आली आहे. तपासादरम्यान समोर आलेल्या १३२ बनावट बँक खात्यांच्या चौकशीतून हा नवा पैलू उघड झाला आहे. खरात आपल्या काही विश्वासातील भक्तांना बनावट 'इन्कम टॅक्स अधिकारी' बनवायचा. हे बनावट अधिकारी खरातच्याच इतर श्रीमंत भक्तांच्या घरी किंवा कार्यालयावर धाड टाकल्याचा बनाव करायचे. भीतीचे वातावरण निर्माण करून मग 'आर्थिक तडजोडी'चा खेळ सुरू व्हायचा.
09 Apr 2026 09:50 AM (IST)
पुणे: पुणे शहरातील रेल्वे वाहतुकीचा वाढता ताण आणि प्रवाशांची गर्दी लक्षात घेता पुणे रेल्वे विभागाने दोन मोठ्या प्रकल्पांची घोषणा केली आहे. पुणे-दौंड मार्गावरील मांजरी स्थानकाचा दर्जा वाढवण्याचा आणि पुणे-मिरज मार्गावर रामटेकडी येथे नवीन 'ब्लॉक स्टेशन' उभारण्याचा निर्णय घेण्यात आला आहे. या प्रकल्पामुळे गाड्यांच्या विलंबाची समस्या सुटणार असून रेल्वेच्या वक्तशीरपणात सुधारणा होणार आहे.
सध्या मांजरी हे केवळ एक 'हाल्ट' (Flag Station) असून तिथे फक्त डेमू गाड्या थांबतात. आता या स्थानकाचा समावेश 'B' कॅटेगरीमध्ये केला जाणार आहे.सध्या हडपसर ते लोणी या १२ किमीच्या अंतरात एकावेळी एकच गाडी धावू शकते. मांजरी स्थानकाच्या अपग्रेडेशनमुळे या अंतराचे ६-६ किमीच्या दोन भागांत विभाजन होईल. यामुळे एकाच वेळी दोन गाड्या या मार्गावरून धावू शकतील, परिणामी गाड्यांची वारंवारता (Frequency) वाढेल.
09 Apr 2026 09:45 AM (IST)
पुणे: पुण्यातील हडपसर (Hadapsar) परिसरात सायबर फसवणुकीची एक अत्यंत धक्कादायक घटना उघडकीस आली आहे. शेअर बाजारात मोठ्या नफ्याचे आमिष दाखवून सायबर भामट्यांनी ७५ वर्षीय निवृत्त व्यावसायिकाची तब्बल १२ कोटी ३१ लाख रुपयांची फसवणूक केली आहे. याप्रकरणी हडपसर पोलीस ठाण्यात गुन्हा दाखल करण्यात आला असून सायबर पोलीस अधिक तपास करत आहेत. तक्रारदारांना जानेवारी महिन्यात एका अनोळखी क्रमांकावरून व्हॉट्सॲप मेसेज आला होता. त्यात "शेअर बाजारात गुंतवणूक करा आणि भरघोस परतावा मिळवा," असे आमिष दाखवण्यात आले होते.
09 Apr 2026 09:45 AM (IST)
बारामती: बारामती विधानसभा पोटनिवडणुकीच्या रणधुमाळीत आजचा दिवस अत्यंत निर्णायक ठरणार आहे. उमेदवारी अर्ज मागे घेण्याची मुदत आज दुपारी ३ वाजेपर्यंत असून, ही निवडणूक बिनविरोध होणार की चुरशीची लढत रंगणार, याचे चित्र आज स्पष्ट होईल. दरम्यान, महायुतीच्या उमेदवार सुनेत्रा पवार यांनी पुन्हा एकदा काँग्रेसला माघार घेण्याचे आवाहन केल्याने राजकीय हालचालींना वेग आला आहे.ही निवडणूक बिनविरोध व्हावी यासाठी सुनेत्रा पवार यांनी पुन्हा एकदा काँग्रेस प्रदेशाध्यक्ष हर्षवर्धन सपकाळ यांना फोन करून विनंती केली आहे. यापूर्वीही त्यांनी सपकाळ यांच्याशी संपर्क साधला होता. त्यामुळे आता काँग्रेस पक्ष आपले उमेदवार आकाश मोरे यांचा अर्ज मागे घेणार का, याकडे संपूर्ण राज्याचे लक्ष लागले आहे.
09 Apr 2026 09:40 AM (IST)
नवी दिल्ली : दिल्ली, महाराष्ट्र, मध्य प्रदेश यांसारख्या राज्यांत विधानसभा निवडणुका पार पडल्या आहेत. त्यानंतर आता उर्वरित काही राज्यात निवडणुका घेतल्या जाणार आहेत. त्यात आसाम आणि केरळ या दोन राज्यांमध्ये आणि पुदुचेरी या केंद्रशासित प्रदेशात आज विधानसभा निवडणुकांसाठी मतदान होणार आहे. दोन्ही राज्यांमध्ये आणि केंद्रशासित प्रदेशात एकाच टप्प्यात मतदान होणार आहे.
आसाममधील १२६, केरळमधील १४० आणि पुदुचेरीमधील ३० जागांसाठी मतदान घेतले जाणार आहे. आसाम विधानसभा निवडणुकीत एकूण ७२२ उमेदवार निवडणूक लढवत आहेत. यामध्ये मुख्यमंत्री हिमंत बिस्वा सरमा, काँग्रेसचे प्रदेशाध्यक्ष गौरव गोगोई, विरोधी पक्षनेते देबब्रता सैकिया, एआययूडीएफचे प्रमुख बदरुद्दीन अजमल, रायझर दलचे नेते अखिल गोगोई आणि एजेपीचे अध्यक्ष लुरिंज्योती गोगोई यांसारख्या प्रमुख व्यक्तींचा समावेश आहे.
09 Apr 2026 09:35 AM (IST)
अकोला: अकोल्यातून एक धक्कादायक घटना समोर आली आहे. सोमवारी अर्धवट जळालेल्या अवस्थेत एका महिलेचा मृतदेह आढळून आला होता. या घटनेने संपूर्ण परिसरात मोठी खळबळ उडाली आहे. या मृतदेहाचा चेहरा पूर्णपणे जळालेल्या अवस्थेत सापडला त्यामुळे या मृतदेहाची ओळख पटवणे मोठे आवाहन होते. मात्र पोलिसांनी या घटनेची सखोल तपासणी करत या प्रकरणाचा उलगडा केला.
09 Apr 2026 09:32 AM (IST)
Trump Rejects Iran’s 10 Point Proposal : वॉशिंग्टन : मध्यपूर्वेतील अमेरिका इराण युद्धविरामाबाबत अनिश्चितता निर्माण झाली आहे. इराणने सादर केलेला १० कलमी प्रस्ताव अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी फेटाळून लावला आहे. व्हाईट हाऊसने इराणच्या प्रस्तावाला केराची टोपली दाखवली आहे. यामुळे दोन आठवड्यांचा युद्धविराम धोक्यात येण्याची शक्यता आहे. दुसरीकडे इस्रायलचे लेबनॉनवरही हल्ले सुरुच आहे. यामुळे तणाव वाढला असून इराणने हल्ले थांबले नाही तर युद्धविराम कारारतून बाहेर पडू असा इशारा दिला होता. यामुळे पुन्हा भडका उडण्याची शक्यता आहे.
Maharashtra to World Breaking News: आज काय घडतंय? कुठे काय झालं? राजकीय उलथापालथीपासून ते क्रिकेटच्या मैदानापर्यंत, सर्व ताज्या बातम्यांचे वेगवान अपडेट्स फक्त येथे
पुणे : महाराष्ट्रातील राहुरी आणि बारामती विधानसभा पोटनिवडणुकीची उत्सुकता आता शिगेला पोहोचली आहे. बारामती उमेदवारी अर्जाच्या छाननीमध्ये दाखल झालेल्या ५९ अजर्जापैकी ५३ अर्ज वैध ठरले आहेत, तर ६ अर्ज फेटाळण्यात आले. आज, गुरुवारी उमेदवारी अर्ज मागे घेण्याचा शेवटचा दिवस असल्याने, नेमके किती उमेदवार माघार घेतात याकडे सर्वांचे लक्ष लागले आहे.
बारामती व राहुरीत २३ रोजी मतदान होणार असून, निकाल ४ मे रोजी आहे. त्यामुळे या निवडणुकांकडे सर्वांचे लक्ष लागले आहे. एकीकडे महाविकास आघाडीमधील राष्ट्रवादी काँग्रेस (शरद पवार गट) आणि उद्धव ठाकरे यांची शिवसेना यांनी उमेदवार न देता या निवडणुकीपासून दूर राहण्याचा प्रयत्न केला आहे. मात्र, काँग्रेसने अचानक आकाश मोरे यांची उमेदवारी जाहीर करून ‘जातीय कार्ड’ खेळले आहे. काँग्रेसच्या या निर्णयामुळे राष्ट्रवादी काँग्रेसच्या उमेदवार सुनेत्रा पवार यांच्यापुढील आव्हान वाढले असून, ही लढत आता वाटते तितकी सोपी राहिलेली नाही.
.png "Videos"){kind=small}
