शुक्रवार, 23 ऑक्टोबर 2026
Today's Maharashtra Breaking News Updates in marathi 23.10.2026
आज ७ सप्टेंबर रोजी नेपाळमधील महापुरानंतर अब्जावधी डॉलरच्या पुनर्वसनाचे मोठे आव्हान उभे ठाकले आहे. महाराष्ट्रात विविध सामाजिक आंदोलनांवरून राजकीय वातावरण तापले आहे आणि आशियाई बाजारातील अनिश्चिततेमुळे शेअर बाजारात सावध व्यवहार सुरू आहेत. राज्यातील आंदोलने, गणेशोत्सवाच्या पार्श्वभूमीवरील प्रशासकीय नियोजन आणि स्थानिक मुद्द्यांवरून सत्ताधारी आणि विरोधी पक्षांमध्ये राजकीय वाद पेटला आहे.
राज्यातील अनेक भागांत पावसाचा जोर काहीसा ओसरला असला तरी हवामान विभागाने किनारपट्टी आणि घाटांच्या परिसरात मध्यम स्वरूपाच्या पावसाचा अंदाज व्यक्त केला आहे. दिल्लीतील इमारत दुर्घटनेच्या तपासासह आंतरराष्ट्रीय स्तरावर अमेरिका, इराण आणि मध्यपूर्वेतील भू-राजकीय घडामोडींमुळे जागतिक सुरक्षेबाबत विविध देशांनी सतर्कता वाढवली आहे.
07 Sep 2026 05:59 PM (IST)
भारत आणि पाकिस्तान यांच्यातील महिला आशिया कप २०२६ स्पर्धेतील सामना ५ सप्टेंबर रोजी खेळला गेला. भारताने हा सामना ७ विकेट्सने जिंकला आणि एकतर्फी विजय नोंदवला. या सामन्यात पाकिस्तान महिला क्रिकेट संघाची कर्णधार फातिमा सनाने भारताच्या शफाली वर्माला बाद केल्यानंतर तिला सेंड ऑफ चा इशारा केला.त्यानंतर आयसीसीने तिच्यावर दंडात्मक कारवाई केली आहे.
07 Sep 2026 05:50 PM (IST)
कोरेगाव तालुक्यातील ‘प्रति पंढरपूर’ म्हणून प्रचलित असलेल्या श्री क्षेत्र देऊर येथील पुरातन दगडी विठ्ठल मंदिराची अवस्था चिंताजनक बनली आहे. ऐतिहासिक आणि धार्मिक महत्त्व असलेले हे मंदिर गेल्या काही वर्षांपासून मोडकळीस आले असून, मंदिराचे अस्तित्व टिकवण्यासाठी तातडीने जीर्णोद्धार करण्याची गरज असल्याचे ग्रामस्थांचे म्हणणे आहे. यासाठी देऊर ग्रामस्थ आणि भाविकांनी पालकमंत्री शंभूराज देसाई यांच्याकडे मदतीची मागणी केली आहे.
07 Sep 2026 05:40 PM (IST)
विद्यार्थ्यांचे आंदोलन केवळ एका परीक्षा किंवा भरतीपुरते मर्यादित नसून, संपूर्ण व्यवस्थेवरील त्यांचा विश्वासच उडाला आहे, अशा शब्दांत लोकसभा विरोधी पक्षनेते राहुल गांधी यांनी राज्य सरकारवर निशामा साधला आहे. महाराष्ट्रात हजारो विद्यार्थी विविध मागण्यांसाठी शांततापूर्ण आंदोलन करत असताना विद्यार्थ्यांवर होणाऱ्या हल्ल्यावरून राहुल गांधींनी राज्य सरकारला खडे बोल सुनावले आहेत.
07 Sep 2026 05:30 PM (IST)
दुबईमध्ये सुरू असलेल्या महिला आशिया कप स्पर्धेत ( Womens Asia cup 2026) भारतीय संघाचे वर्चस्व कायम आहे. टीम इंडियाने गट फेरीत सलग तीन सामने जिंकून उपांत्य फेरीत प्रवेश केला आहे. भारतीय संघाने थायलंड, हाँगकाँग आणि पाकिस्तानचा दारुण पराभव केला. या तिन्ही सामन्यात भारताने एकतर्फी विजय मिळवला आहे.
07 Sep 2026 05:20 PM (IST)
महाराष्ट्र नवनिर्माण सेनेचे अध्यक्ष राज ठाकरे यांची सध्या जोरदार चर्चा सुरु आहे. राज ठाकरे (Raj Thackeray) यांनी ठाण्यातील मनसे कार्यकर्त्यांच्या मेळाव्यात सण-उत्सवांचे बदलते स्वरूप, डीजे-डॉल्बीचा वापर आणि धर्माच्या नावावर केल्या जाणाऱ्या दाव्यांवर जोरदार भाष्य केले. देश सध्या धर्माच्या अतिरेकाकडे जात असल्याची भूमिका मांडत त्यांनी श्रद्धा आणि धार्मिक कट्टरता यामध्ये फरक करण्याची गरज असल्याचे सांगितले.
07 Sep 2026 05:10 PM (IST)
पुण्यातील नारायण पेठेत राहणारे विद्यानंद बापट यांच्या निमित्ताने यावर्षी महाराष्ट्रात पुन्हा डीजेचा मुद्दा शिगेला पोहोचला आहे . यामुळे महाराष्ट्रात आता दोन मतप्रवाह निर्माण झाले आहेत . एक डीजेला विरोध करणारे आणि डीजेला समर्थन . तसेच काही राजकीय नेते ही आता उघडपणे एकमेकांच्या समोर समर्थन आणि विरोध ही भूमिका घेऊन उभे राहत आहेत . यासगळ्या मुळे सवंग महाराष्ट्र आता सण उत्सव आणी डीजे मध्ये ढवळून निघत आहेत .
07 Sep 2026 04:57 PM (IST)
काटई नाका ते ऐरोली हा प्रवास आता १५ मिनिटांत होणार असून महिन्याभरात हा मार्ग पूर्ण करण्यात येणार असल्याचे आश्वासन एमएमआरडीतर्फे देण्यात आले. ऐरोली ते काटई नाका उन्नत मार्ग प्रकल्पातील टप्पा १मधील ठाणे-बेलापूर रोड ते राष्ट्रीय महामार्ग ४ आणि टप्पा २ मधील ऐरोली ते ठाणे-बेलापूर रोडचे काम अखेर १०० टक्के पूर्ण झाले असून आता फक्त रंगरंगोटीसह सजावटीची कामे सुरू आहेत. ही कामे पूर्ण झाल्यानंतर भारवहन क्षमता चाचणी घेऊन हे दोन्ही टप्पे महिन्याभरात सेवेत दाखल करण्याचे एमएमआरडीएचे नियोजन आहे. नवी मुंबई-डोंबिवली प्रवासाचे अंतर कमी करण्यासाठी एमएमआरडीएने सुमारे १२.७१ कि.मी. लांबीचा ऐरोली-काटई नाका उन्नत मार्ग प्रकल्प हाती घेण्यात आला आहे.
07 Sep 2026 04:47 PM (IST)
मराठा आरक्षणाच्या मागणीसाठी मनोज जरांगे उपोषणाला बसले आहेत. आज त्यांच्या आंदोलनाचा 10वा दिवस आहे. मनोज जरांगेंच्या आंदोलनाच्या पार्श्वभूमीवर आता राज्य सरकारने एक मोठा निर्णय घेतला आहे. राज्य सरकारने मराठा, कुणबी आणि SEBC प्रवर्गातील विद्यार्थ्यांसाठी ४ जीआर जारी करण्यात आले आहेत. राज्य सरकाच्या या निर्णयाचा विद्यार्थ्यांना थेट फायदा होणार असल्याचे बोलले जात आहे. सरकारने मराठा समाजाच्या विद्यार्थ्यांना OBC प्रमाणे शैक्षणिक सवलती, तरुणांना मोफत ड्रायव्हिंग प्रशिक्षण, वसतिगृह भत्ता निधी, परदेशी शिष्यवृत्ती धोरण, असे निर्णय घेतले आहेत. वाचा सविस्तर...
07 Sep 2026 04:37 PM (IST)
शिवसेना ठाकरे गट आणि शिंदे गटात आधीच पक्ष आणि चिन्हावरून न्यायालयीन खटला आता अंतिम टप्प्यात पोहचला आहे. हा खटला सुरू असतानाच आता ठाकरे गट पुन्हा फूट पडणार असल्याचे समोर आले आहे. शिंदे गटाचे आमदार मुरजी पटेल यांनी ऑपरेशन टायगर बाबत वक्तव्य करत खळबळ उडवून दिली आहे. ठाकरेंचे १४ आमदार आणि काही नगरसेवक शिंदे गटात प्रवेश करणार असल्याचा दावा पटेल यांनी केला आहे. काही दिवसांपूर्वीच ठाकरेंच्या सहा आमदारांनी शिंदेंसोबत हातमिळवणी करत शिंदेसेनेत प्रवेश केला. त्यानंतर आता पुन्हा काही आमदार आणि नगरसेवक शिंदे गटात प्रवेश करण्याच्या वाटेवर असल्याची चर्चा सुरू झाल्याने राजकारण तापण्याची शक्यता निर्माण झाली आहे. वाचा सविस्तर...
07 Sep 2026 04:27 PM (IST)
मराठा आरक्षणाच्या प्रश्नावर गेल्या काही वर्षांपासून सुरु असलेल्या आंदोलनाच्या पार्श्वभूमीवर सरकारच्या या निर्णयाकडे महत्त्वपूर्ण पाऊल म्हणून पाहिले जात आहे. याचदरम्यान आंदोलनादरम्यान बलिदान देणाऱ्या आंदोलकांच्या कुटुंबातील एका सदस्याला MIDC मध्ये अनुकंपा तत्त्वावर नोकरी देण्याचा निर्णय राज्य सरकारने घेतला आहे. मराठा आरक्षणाच्या आंदोलनादरम्यान मृत्यू झालेल्या आंदोलकांच्या कुटुंबीयांसाठी महत्त्वाची प्रक्रिया सुरू झाली आहे. अशा कुटुंबातील एका पात्र सदस्याला महाराष्ट्र औद्योगिक विकास महामंडळ अर्थात MIDC मध्ये अनुकंपा तत्त्वावर नोकरी देण्याचा निर्णय राज्य सरकारने घेतला आहे. शासनाच्या सामान्य प्रशासन विभागाने निश्चित केलेल्या धोरणानुसार संबंधित प्रकरणांची पडताळणी आणि नियुक्तीची कार्यवाही केली जात आहे.
07 Sep 2026 04:17 PM (IST)
मीरा-भाईंदर शहरातील कथित बेकायदेशीर बांधकामे आणि त्यांना देण्यात आलेल्या परवानग्यांच्या प्रकरणावरून राजकीय वातावरण तापले आहे. या प्रकरणात संबंधित वास्तुविशारदाचा परवाना तात्काळ रद्द करून त्याच्यावर तसेच संबंधित मालकांवर गुन्हे दाखल करण्यात यावेत, अशी मागणी राज्याचे परिवहन मंत्री प्रताप सरनाईक यांनी केली. या प्रकरणातील महापालिका अधिकाऱ्यांवर शासनाच्या स्तरावर योग्य ती कारवाई केली जाईल. मात्र, पोलिसांनी संबंधित वास्तुविशारदाची कागदपत्रे आणि परवाना तपासून, नियमबाह्य प्रकार आढळल्यास त्याच्यावर कायदेशीर कारवाई करावी, तसेच बेकायदेशीर बांधकाम करणाऱ्या मालकांवरही गुन्हे दाखल करावेत, अशी मागणी सरनाईक यांनी केली.
07 Sep 2026 04:07 PM (IST)
शिवसेना उद्धव ठाकरे गटाला मुंबई महापालिकेत मोठा धक्का बसला आहे. पक्षाच्या नगरसेविका विशाखा राऊत यांचं नगरसेवक पद रद्द करण्यात आलं आहे. जात पडताळणी समितीकडून त्यांचं जात प्रमाणपत्र अवैध ठरवल्यानंतर हे प्रकरण चांगलंच तापलं होतं. विशाखा राऊत यांनी या निर्णयाविरोधात न्यायालयात धाव घेतली होती. मात्र, तिथूनही त्यांना अपेक्षित दिलासा मिळाला नाही. अखेर मुंबई महापालिकेच्या सभेत त्यांचं पद रद्द झाल्याची घोषणा करण्यात आली. इतकंच नाही, तर विशाखा राऊत यांना पुढील सहा वर्षांसाठी निवडणूक लढवण्यास बंदी घालण्यात आली आहे. त्यामुळे या कारवाईचा त्यांच्या राजकीय कारकिर्दीवर मोठा परिणाम होण्याची शक्यता आहे.
07 Sep 2026 03:59 PM (IST)
सांगली: मुसळधार पावसात गजबजलेल्या रस्त्यावर तोल जाऊन पडलेल्या तरुणाच्या अंगावरून भरधाव मर्सिडीज कार गेल्याची धक्कादायक घटना सांगली शहरातील एसटी स्टँडसमोर घडली. या भीषण अपघातात गंभीर जखमी झालेल्या जयंत पवार (रा. कार्वे, ता. कराड) यांचा उपचारादरम्यान मृत्यू झाला. शुक्रवारी सायंकाळी घडलेल्या या घटनेचे थरारक दृश्य सीसीटीव्ही कॅमेऱ्यात कैद झाले असून, त्याचा व्हिडिओ सध्या सोशल मीडियावर व्हायरल होत आहे.
07 Sep 2026 03:50 PM (IST)
Bank of Baroda Recruitment 2026: बँकिंग क्षेत्रात सरकारी नोकरी शोधत असलेल्या तरुणांसाठी एक उत्तम संधी समोर आली आहे. बँक ऑफ बडोदने नियमित आधारावर एकूण १,१०० पदांसाठी भरतीची अधिकृत अधिसूचना जारी केली आहे. या भरती मोहिमेअंतर्गत वेल्थ एक्झिक्युटिव्ह आणि क्रेडिट अ‍ॅनालिस्ट पदे भरली जाणार आहेत.
07 Sep 2026 03:45 PM (IST)
Colors Marathi: कलर्स मराठीवरील लोकप्रिय मालिका ‘मी जिंकून घेईन सारं’मध्ये सध्या मंगळागौरीच्या विशेष भागांची रंगत पाहायला मिळत आहे. राजगुरू वाड्यात मंगळागौरीच्या उत्सवाची जय्यत तयारी सुरू असून, पारंपरिक खेळ आणि मराठमोळ्या साजामुळे घरातील वातावरण उत्साहाने भरून गेलं आहे. शांभवी, छवी आणि घरातील इतर महिलांनी नऊवारी साड्या, पारंपरिक दागिने आणि खास साजशृंगार केला आहे. मात्र, या आनंदाच्या वातावरणात आता नाट्यमय घडामोडींना सुरुवात होणार आहे.
07 Sep 2026 03:35 PM (IST)
Manoj Jarange Patil: मराठा आरक्षण आंदोलनाच्या पार्श्वभूमीवर मनोज जरांगे पाटील यांनी मराठा समाजाला १२ सप्टेंबर रोजी अंतरवाली सराटी येथे एकत्र येण्याचे आवाहन केले आहे. सरकारला १२ तारखेपर्यंत वेळ आहे, अंतरवालीत येताना आंदोलकांवर हल्ला झाल्यास तीव्र प्रतिक्रिया उमटेल, असा इशारा देखील मनोज जरांगे पाटील यांनी दिला आहे.
07 Sep 2026 03:25 PM (IST)
रत्नागिरी/ Ganeshotsav 2026: गणेशोत्सव कालावधीमध्ये कोकणात येणाऱ्या चाकरमान्यांची व प्रवाशांची मोठी गर्दी होत असते. या गर्दीचा फायदा घेत खासगी वाहतूकदार अवाजवी आणि वाढीव दर आकारून प्रवाशांची आर्थिक लूट करत असल्याच्या तक्रारी प्राप्त होत आहेत. या पाश्र्श्वभूमीवर ग्राहक पंचायत रत्नागिरीने पुढाकार घेतला आहे. त्यांनी प्रादेशिक परिवहन (Ganeshotsav) अधिकारी व एसटी महामंडळाच्या विभाग नियंत्रकांची भेट घेऊन निवेदन सादर केले. गणेशोत्सवात प्रवासी ग्राहकांसाठी रास्त दरात पुरेशी आणि सोयीस्कर वाहतूक सुविधा उपलब्ध करून द्यावी, अशी आग्रही मागणी ग्राहक पंचायतीने या निवेदनाद्वारे केली आहे.
07 Sep 2026 03:19 PM (IST)
US Plane Crash : अमेरिकेतील मियामी आंतरराष्ट्रीय विमानतळावर उतरल्यानंतर ॲमेझॉनचे बोइंग ७६७ मालवाहू विमान धावपट्टीवरून पुढे गेल्याने पाच जणांचा मृत्यू झाला. अमेरिकेतील फ्लोरिडा राज्यातील मियामी आंतरराष्ट्रीय विमानतळावर ॲमेझॉनचे एक मालवाहू विमान कोसळले. अधिकाऱ्यांच्या म्हणण्यानुसार, विमान धावपट्टी ओलांडून पुढे गेले आणि कोसळले.
07 Sep 2026 02:58 PM (IST)
शासकीय पदाचा आणि कार्यालयाचा वापर वैयक्तिक प्रसिद्धीसाठी करण्यास मनाई असताना, वाशिम जिल्ह्यातील रिसोडच्या तहसीलदार प्रतीक्षा तेजनकर यांनी चक्क तहसील कार्यालयातच 'प्रोफेशनल सिनेमॅटिक रील' शूट करून शासनाच्या आदेशांना उघड-उघड आव्हान दिलय. 'लाईट, कॅमेरा आणि अॅक्शन'च्या थाटात तयार केलेल्या या रीलमुळं प्रशासकीय वर्तुळात तीव्र संताप व्यक्त होत असून, नियम मोडणाऱ्या या अधिकाऱ्यावर तत्काळ शिस्तभंगाची कडक कारवाई करण्याची मागणी होतेय.
07 Sep 2026 02:49 PM (IST)
मनोज जरांगे पाटील यांच्या उपोषणाला पाठिंबा देण्यासाठी आज पंढरपुरात मराठा समाजाच्यावतीने आक्रोश आंदोलन करण्यात आले. छत्रपती शिवाजी महाराज चौकात मराठा समाजबांधव मोठ्या संख्येने एकत्र आले. यावेळी जोरदार घोषणाबाजी करत ठिय्या आंदोलन करण्यात आले. मराठा समाजाला आरक्षण मिळावे आणि सातारा गॅझेटच्या मागणीची तातडीने अंमलबजावणी करावी, अशी मागणी आंदोलकांनी केली. सरकारने आरक्षणाबाबत लवकरात लवकर निर्णय घेतला नाही, तर आगामी काळात राज्यातील आमदार, खासदार आणि मंत्र्यांना मराठा समाजाच्या रोषाला सामोरे जावे लागेल, असा इशारा यावेळी आंदोलकांनी दिला.
07 Sep 2026 02:40 PM (IST)
मराठा आरक्षणाच्या मागणीसाठी आणि, मनोज जरांगे पाटील यांच्या उपोषणाला पाठिंबा देण्यासाठी लातूरमधील रेनापुर तालुक्यातील कोरेगावच्या मराठा समाजातील युवकांनी टॉवर वर चढून शोले स्टाईल आंदोलन केले. मागच्या दोन तासांपासून हा युवक टॉवर वर चढून बसला आहे. सरकारने मनोज जरांगे पाटील यांच्या उपोषणाची तात्काळ दखल घ्यावी, तसेच मराठा समाजाच्या मागण्या मान्य कराव्यात, अशी मागणी या युवकाने केली आहे.
07 Sep 2026 02:30 PM (IST)
मनोज जरांगे यांच्या उपोषणाला पाठिंबा देण्यासाठी, लातूरच्या बोरगाव काळे येथे मराठा आंदोलन आक्रमक झाले आहेत. आंदोलकांनी मागच्या एक तासापासून लातूर-बार्शी महामार्ग आडवत रास्ता रोको आंदोलन सुरू केल आहे. उपोषणाची तात्काळ दखल घ्यावी. तसेच मराठा समाजाच्या मागण्या मान्य कराव्यात, अशी मागणी आंदोलकांनी केली. या आंदोलनामुळे महामार्गावर वाहनांच्या मोठ्या रांगा लागल्या आहेत.
07 Sep 2026 02:21 PM (IST)
धनगर समाजाचा एसटी प्रवर्गात समावेश करावा. या मागणीसाठी आज धनगर समाजाच्यावतीने पंढरपुरात आंदोलन करण्यात आले. तहसील कार्यालयासमोर धनगर समाजाच्यावतीने ढोल वाजवून आंदोलन केले. धनगर समाजाचे नेते सुभाष माने यांच्या नेतृत्वाखाली आंदोलन करण्यात आले.
07 Sep 2026 02:10 PM (IST)
लँड जिहाद आता शिवनेरी किल्ल्यातही पोहोचला आहे, असा गंभीर आरोप भाजप नेते माजी खासदार किरीट सोमय्या यांनी केला आहे. शिवनेरीच्या संरक्षित हद्दीत अनधिकृत दर्गा आणि कब्रस्तान उभारल्याचा दावा करत त्यांनी प्रशासनाला कारवाईसाठी आठवडाभराचा अल्टिमेटम दिला आहे.
07 Sep 2026 02:00 PM (IST)
संयुक्त राष्ट्रांच्या महासभेत (UNGA) स्वीकारण्यात आलेल्या ‘नकाशा दुरुस्त करा’ (Correct the Map) या ऐतिहासिक ठरावावर भारताने घेतलेल्या अधिकृत भूमिकेमुळे आंतरराष्ट्रीय राजकारणात मोठी खळबळ उडाली आहे (World Map). भारताने या ठरावाचे समर्थन करत असतानाच स्पष्ट केले की, जम्मू-काश्मीर आणि लडाखसह संपूर्ण भारतीय भूभाग हा भारताच्या अधिकृत नकाशानुसारच दर्शवला गेला पाहिजे. भारताच्या या थेट आणि स्पष्ट वक्तव्यामुळे पाकिस्तान अत्यंत अस्वस्थ झाला असून, त्यांनी भारताचे दावे फेटाळणारे एक नवीन निवेदन जारी केले आहे.
07 Sep 2026 01:55 PM (IST)
अवघे ९९ रुपये भरल्यानंतर ९ हजार ९९९ रुपये मिळतील, या आमिषाला बळी पडलेल्या महिलेची तब्बल ७३ हजार ५२१ रुपयांची ऑनलाइन फसवणूक झाल्याचा प्रकार मुंबईत समोर आला आहे. बनावट फेसबुक पेजच्या माध्यमातून ही फसवणूक करण्यात आली. या प्रकरणी ओशिवरा पोलिसांच्या सायबर पथकाने राजस्थानमधून दोन आरोपींना अटक केली आहे. पोलिसांनी दिलेल्या माहितीनुसार, १२ जुलै २०२६ रोजी पीडित महिलेला फेसबुकवर ‘विझार्ड ट्रेडर्स ७’ नावाचे पेज आढळले. या पेजवर केवळ ९९ रुपये भरल्यानंतर ९ हजार ९९९ रुपये मिळतील, अशी जाहिरात करण्यात आली होती.
07 Sep 2026 01:45 PM (IST)
भारतासाठी आता केवळ क्रिकेट हाच एक खेळ मोठा राहिला नाही, तर अनेक खेळांमध्ये भारतीय खेळाडू नाव कमावत आहेत. आता भारताने फुटबॉलमध्ये त्यांच्या गट ‘ब’ मधील अंतिम पात्रता सामन्यात बांगलादेशला ३-० ने पराभूत केले. ताश्कंद येथील दोस्तलिक स्टेडियमवर खेळल्या गेलेल्या या विजयामुळे, भारतीय संघाने एएफसी यू-२० आशियाई कप चीन २०२७ मध्ये आपले स्थान निश्चित केले.
07 Sep 2026 01:40 PM (IST)
गणेशोत्सवातील तीव्र आवाजाच्या डीजेचा वाद सुरू असतानाच शहरात वर्षभर वेगवेगळ्या निमित्ताने लावलेल्या साऊंड सिस्टीमच्या कर्णकर्कश आवाजाने नागरिक त्रस्तच असल्याचे धक्कादायक वास्तव समोर आले असून, गेल्या आठ महिन्यात पुणे पोलिसांकडे तब्बल १४ हजार ३९२ कॉल्स आवाजासंदंर्भात आले आहेत. दरम्यान, या आठ महिन्यातच ध्वनी प्रदूषणाबाबत शहरात ४१३ गुन्हे नोंदवले आहेत.
07 Sep 2026 01:35 PM (IST)
आध्यात्म, गूढरहस्य आणि थरारक अॅक्शनचा अनोखा मिलाफ साधणाऱ्या आगामी मराठी चित्रपटाची उत्सुकता आता शिगेला पोहोचली आहे. अनोख्या शीर्षकामुळे आधीपासूनच चर्चेत असलेल्या ‘देवघर ऑन रेंट’चा टिझर प्रेक्षकांच्या भेटीला आला असून, त्याने चित्रपटाबद्दलची उत्कंठा आणखी वाढवली आहे. दाटून आलेलं गूढ वातावरण, पोलिसांचा तपास, रक्तरंजित घटनांचे संकेत आणि देवाच्या दाराशी येऊन थांबणारं अनाकलनीय कथानक याची झलक टिझरमध्ये पाहायला मिळते.
07 Sep 2026 01:30 PM (IST)
बँकिंग क्षेत्रात सरकारी नोकरीची तयारी करणाऱ्या तरुणांसाठी सप्टेंबर महिना अनेक नवीन संधी घेऊन आला आहे. देशातील विविध बँका आणि बँकिंग संस्थांमध्ये सध्या विविध पदांसाठी भरती प्रक्रिया सुरू आहे. विशेष म्हणजे, या भरतीमध्ये फ्रेशर्सपासून ते अनुभवी उमेदवारांपर्यंत प्रत्येकासाठी संधी उपलब्ध आहे. एसबीआय, बँक ऑफ बडोदा, आयबीपीएस, बँक ऑफ इंडिया, इंडियन ओव्हरसीज बँक आणि नैनिताल बँक यांसारख्या सात प्रमुख भरती मोहिमांमधून एकूण १८,१०४ पदे भरली जाणार आहेत. मात्र, सर्व पदांसाठी पात्रता, अनुभव, वयोमर्यादा आणि निवड प्रक्रिया वेगवेगळी आहे. काही पदांसाठी ऑनलाइन परीक्षा घेतली जाईल, तर काही ठिकाणी मुलाखत आणि अनुभवाला प्राधान्य दिले जाईल.
07 Sep 2026 01:25 PM (IST)
मराठा आरक्षणाच्या प्रश्नावर गेल्या काही वर्षांपासून सुरु असलेल्या आंदोलनाच्या पार्श्वभूमीवर सरकारच्या या निर्णयाकडे महत्त्वपूर्ण पाऊल म्हणून पाहिले जात आहे. याचदरम्यान आंदोलनादरम्यान बलिदान देणाऱ्या आंदोलकांच्या कुटुंबातील एका सदस्याला MIDC मध्ये अनुकंपा तत्त्वावर नोकरी देण्याचा निर्णय राज्य सरकारने घेतला आहे.
07 Sep 2026 01:15 PM (IST)
ब्रिटेनची राजधानी लंडन येथील सर्वात महागड्या आणि उच्चभ्रू भागात समाविष्ट असलेल्या केन्सिंग्तन पॅलेसच्या अगदी शेजारी वसलेल्या दोन अत्यंत आलिशान पेंटहाऊसची सध्या जगभरात जोरदार चर्चा सुरू आहे. इराणचे सर्वोच्च नेते मोजतबा खामेनेई (Mojtaba Khamenei) यांच्या गुप्त जागतिक आर्थिक साम्राज्याशी जोडल्या गेलेल्या या मालमत्तांची एकूण किंमत जवळपास ३६ दशलक्ष पाउंड म्हणजेच भारतीय चलनात सुमारे ४६० कोटी रुपये इतकी आहे. ब्रिटनमधील ‘द संडे टाइम्स’ आणि ‘द टेलिग्राफ’ या नामांकित वृत्तपत्रांनी उघडकीस आणलेल्या या माहितीमुळे आंतरराष्ट्रीय राजकारणात आणि रिअल इस्टेट जगतात मोठी खळबळ उडाली आहे.
07 Sep 2026 01:08 PM (IST)
कलर्स मराठीवरील लोकप्रिय मालिका ‘मी जिंकून घेईन सारं’मध्ये सध्या मंगळागौरीच्या विशेष भागांची रंगत पाहायला मिळत आहे. राजगुरू वाड्यात मंगळागौरीच्या उत्सवाची जय्यत तयारी सुरू असून, पारंपरिक खेळ आणि मराठमोळ्या साजामुळे घरातील वातावरण उत्साहाने भरून गेलं आहे. शांभवी, छवी आणि घरातील इतर महिलांनी नऊवारी साड्या, पारंपरिक दागिने आणि खास साजशृंगार केला आहे. मात्र, या आनंदाच्या वातावरणात आता नाट्यमय घडामोडींना सुरुवात होणार आहे.
07 Sep 2026 01:02 PM (IST)
पुण्यातील पाषाण येथील मुख्य बसथांब्याची दुरवस्था झाली आहे. देखभाली अभावी तो जीर्ण झाला असल्याने तो कोणत्याही क्षणी कोसळण्याची शक्यता आहे. त्यामुळे प्रवाशांच्या जीवितास धोका निर्माण होऊ शकतो. याची तातडीने दखल घेऊन या बसथांब्यांची दुरुस्ती करण्यात यावी, अशी मागणी मनसेचे पुणे शहर उपाध्यक्ष सुहास निम्हण यांनी केली आहे. निम्हण यांनी महापालिका आयुक्तांकडे निवेदनाद्वारे ही मागणी केली आहे. तसेच सुहास निम्हण यांनी आंदोलनाचा इशाराही दिला आहे.
07 Sep 2026 12:48 PM (IST)
यंदाच्या २०२६-२७ ऊस गाळप हंगामाचे धोरण निश्चित करण्यासाठी मुख्यमंत्री देवेंद्र फडणवीस यांच्या अध्यक्षतेखाली बुधवारी (दि. ९) मुंबईत मंत्री समितीची बैठक होणार आहे. ऑगस्टमध्ये साखरेच्या दरात झालेल्या वाढीच्या पार्श्वभूमीवर केंद्र सरकारने १५ ऑक्टोबरपासून गाळप हंगाम सुरू करण्याची विनंती राज्य सरकारला केली आहे. त्यामुळे केंद्राच्या सूचनेनुसार गाळप हंगाम लवकर सुरू करण्याबाबत बैठकीत निर्णय होण्याची शक्यता आहे. सह्याद्री राज्य अतिथीगृहात दुपारी साडेबारा वाजता ही बैठक होणार आहे. या बैठकीला दोन्ही उपमुख्यमंत्री, सहकार मंत्री बाबासाहेब पाटील, कृषिमंत्री दत्तात्रय भरणे यांच्यासह अन्य मंत्री, राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील आणि संबंधित अधिकारी उपस्थित राहणार आहेत.
07 Sep 2026 12:36 PM (IST)
पुण्यातील बहुचर्चित केतन अग्रवाल हत्याकांड प्रकरणातातील आणखी एका आरोपीला अटक करण्यात आली आहे. केतनची होणारी पत्नी सिया गोयल आणि तिचा मित्र चेतन चौधरी या दोघांना पोलिसांनी आधीच अटक केली होती, दोघेही सध्या तुरूंगात आहेत. आता याप्रकरणी आणखी एका व्यक्तीला अटक करण्यात आली आहे. रितेश हिंगे असं अटक करण्यात आलेल्या आरोपीचं नाव आहे. तो मुख्य आरोपी चेतन चौधरी आणि त्याची मैत्रीण सिया गोयल यांचा वर्गमित्र असल्याची माहिती आहे.
07 Sep 2026 12:24 PM (IST)
जुन्या भांडणातून तरुणाला ‘आज तुला मारून टाकतो,’ अशी धमकी देत पिस्तुलातून गोळीबार करून खुनाचा प्रयत्न केल्याची घटना आंबेगाव बुद्रुक परिसरात घडली आहे. सुदैवाने गोळी तरुणाला लागली नाही. याप्रकरणी आंबेगाव पोलिसांनी तिघांना अटक केली असून, आरोपी रेकॉर्डवरील गुन्हेगार असल्याची माहिती पोलिसांनी दिली. आतिष ऊर्फ मन्या उमेश मोरे, सोन्या हरीकाका कोंढरे आणि सूरज सुभाष डबळे अशी अटक करण्यात आलेल्या आरोपींची नावे आहेत. तर श्रेयश रुपेश काटे आणि दगड्या ऊर्फ ऋतिक बेलदरे यांच्याविरुद्ध गुन्हा दाखल करण्यात आला असून, पोलिस त्यांचा शोध घेत आहेत. याबाबत पौर्णिमा रामदास माने (वय ४३) यांनी आंबेगाव पोलिस ठाण्यात तक्रार दिली आहे. ही घटना आंबेगाव बुद्रुक येथील हरणाई कॉम्प्लेक्समध्ये ५ सप्टेंबर रोजी रात्री दीडच्या सुमारास घडली आहे.
07 Sep 2026 12:12 PM (IST)
शेतीच्या कारणावरून झालेल्या भांडणातून पुतण्याने काकावर कुऱ्हाडीने हल्ला करीत जखमी केल्याची घटना घडली आहे. ही घटना समुद्रपूर तालुक्याच्या कोरा गावात शुक्रवारी घडली आहे. चेतन वैरागडे (वय ३१) असे हल्ला करणाऱ्या आरोपी पुतण्याचे तर देविदास वैरागडे असे जखमी झालेल्या काकाचे नाव आहे. दिलीप वैरागडे (रा. कोरा) हे कुटुंबीयांसह राहतात. त्यांचे शेजारी मोठा भाऊ गुलाब वैरागडे, पत्नी जिजा वैरागडे व मुलगा चेतन वैरागडे राहतात. लहान भाऊ देविदास वैरागडे हे नागपूर जिल्ह्याच्या गुमगाव येथे राहतात. तिन्ही भावंडांना वडिलोपार्जित शेतीची वाटणी करण्यात आली आहे. देविदास वैरागडे हे शेती स्वतःच करीत असल्याने ते कधी कधी कोरा येथे येतात. घटनेच्या दिवशी दिलीप बाजारातून येत असताना लहान भाऊ देविदास हे भेटले. घराजवळ आल्यानंतर त्यांचा पुतण्या चेतन याने देविदास यांना शिवीगाळ केली. याचे कारण विचारले असता चेतनने काकावर कुऱ्हाडीने हल्ला केला. यात ते जखमी झाले.
07 Sep 2026 11:45 AM (IST)
आग लागल्याने जीव वाचविण्यासाठी एका रुग्णालयातून दुसऱ्या रुग्णालयात स्थलांतर करुन उपचार घेणाऱ्या जुळ्या चिमुकल्यांच्या उपचार सुरू असताना दुर्दैवी मृत्यू झाला.
07 Sep 2026 11:35 AM (IST)
पिंपरीत दहीहंडी उत्सवात लोखंडी स्ट्रक्चर पडून महिलेच्या मृत्यू प्रकरणी मंडळाच्या अध्यक्षावर गुन्हा दाखल तर स्पीकर आणि मंडप मालकाला अटक करण्यात आली आहे..मंडप आणि लोखंडी स्ट्रक्चर उभारणारे मेहबूब उर्फ सॅम रमजान शेख, स्पीकर साऊंड सिस्टम उपलब्ध करून देणारे कुणाल अनिल भोगावडे या दोघांना अटक करण्यात आली आहे.
07 Sep 2026 11:30 AM (IST)
MPSC विद्यार्थी आक्रोश मोर्चाला सुरुवात झाली आहे. या मोर्चात खासदार सुप्रिया सुळे या देखील सहभागी झाल्या आहेत. त्या म्हणाल्या कीस विद्यार्थ्यांना आंदोलन करावं लागतंय हे दुदैवी आहे. विद्यार्थी चर्चेला तयार आहेत.
07 Sep 2026 11:20 AM (IST)
मुकुंदवाडी रेल्वे स्थानक परिसरात धावत्या तपोवन एक्स्प्रेससमोर चार वर्षांच्या मुलासह महिलेने उडी घेत आत्महत्या केल्याच्या घटनेतील मायलेकाची ओळख अखेर पटली आहे. महिलेच्या हातावर बदामाच्या आकारात गोंदवलेल्या ‘अक्षय’ या नावाच्या टॅटूमुळे पोलिसांना तपासाला महत्त्वाचा धागा मिळाला. रविवारी नातेवाइकांनी घाटी रुग्णालयात जाऊन मृतदेहांची पाहणी केल्यानंतर मृत महिला पल्लवी अक्षय बनकर (२६) आणि मुलगा दक्ष अक्षय बनकर (४, दोघे रा. शिवाजी कॉलनी, मुकुंदवाडी) असल्याचे स्पष्ट झाले. शनिवारी (५ सप्टेंबर) दुपारी साडेदोनच्या सुमारास नांदेड-मुंबई तपोवन एक्स्प्रेस मुकुंदवाडी रेल्वे स्थानक परिसरातून जात असताना ही घटना घडली. महिला आपल्या चिमुकल्यासह रेल्वेसमोर गेल्याने परिसरात खळबळ उडाली.
07 Sep 2026 11:10 AM (IST)
महाराष्ट्र लोक सेवा आयोगाच्या (MPSC) ड्रग इन्स्पेक्टर भरती परीक्षेतील पेपर लीक प्रकरणाने जोर पकडला आहे. या घोटाळ्याचा तपास करणाऱ्या क्राईम ब्रँचला प्रकरणाचा ओघ बदलणारा डिजिटल पुरावा हाती लागला आहे. मुख्य आरोपी ऋतुजा पाटील हिने गुन्ह्याचे पुरावे नष्ट करण्यासाठी आपला मोबाईल फोन उल्हास नदीत फेकून दिला होता. मात्र, सह-आरोपी लोकेश ऊर्फ गौरव पाटील याच्या फोनने सर्व बिंग फोडले आहे.
07 Sep 2026 11:05 AM (IST)
विजयासाठी सहा धावांची गरज असताना, सामन्याच्या शेवटच्या चेंडूवर स्टेडियममध्ये शांतता पसरली. शेर-ए-पंजाब टी२० लीगच्या १५व्या सामन्यात, शुभमन गिलच्या फाजिल्का फाल्कन्स आणि अर्शदीप सिंगच्या लुधियाना लायन्स यांच्यातील हाय-व्होल्टेज लढतीने चाहत्यांना उन्मादात बुडवून टाकले.
07 Sep 2026 10:59 AM (IST)
नुकत्याच आयोजित करण्यात आलेल्या IFA 2026 मध्ये टेक कंपनी मोटोरोलाने त्यांचा नवीन स्मार्टफोन लाँच केला आहे. हा स्मार्टफोन Motorola Edge 70 Plus या नावाने लाँच करण्यात आला आहे. या नव्या स्मार्टफोनसोबतच कंपनीने मोटो वॉच अल्ट्रा आणि मोटो स्नॅप देखील लाँच केले आहे. कंपनीने लाँच केलेल्या या हँडसेटमध्ये 6.78-इंच अमोलेड डिस्प्ले, 200-मेगापिक्सेलचा मुख्य कॅमेऱ्यासह अनेक दमदार फीचर्स देण्यात आले आहेत.
07 Sep 2026 10:50 AM (IST)
शिक्षकाच्या कामावरील निष्ठा आणि त्यांच्या प्रामाणिक प्रयत्नांमुळे महानगरपालिकेच्या शाळा देखील राष्ट्रीय स्तरावर नावलौकिकता प्राप्त करू शकतात, हे नाशिक महानगर पालिकेच्या शिक्षिका कुंदा बच्छाव यांनी सिद्ध करून दाखवले आहे. नुकताच शिक्षक दिनानिमित्त पार पडलेल्या सोहळ्यात त्यांना ‘राष्ट्रीय शिक्षक पुरस्कार २०२६’ प्रदान करण्यात आला. आपल्या देशाच्या राष्ट्रपती द्रौपदी मुर्मू यांच्या हस्ते हा सन्मान त्यांना प्रदान करण्यात आला आहे. विशेष म्हणजे या वर्षी महाराष्ट्रातून हा पुरस्कार मिळवणाऱ्या चार शिक्षकांमध्ये त्याचा समावेश आहे.
07 Sep 2026 10:40 AM (IST)
समृद्धी महामार्गावर फॉर्च्युनर वाहनचालकाला अडवून लूट करणाऱ्या टोळीतील फरार आरोपींना पकडण्यासाठी छत्रपती संभाजीनगर ग्रामीण पोलिसांच्या स्थानिक गुन्हे शाखेने चक्क वेशांतर करून सापळा रचला. ‘एका ट्रिपचे १० हजार रुपये देतो,’ असे आमिष दाखवत पोलिसांनी फरार आरोपीला गावाबाहेर बोलावून घेतले आणि त्याला अलगद ताब्यात घेतले. या कारवाईत चार फरार आरोपींना अटक करण्यात आली असून, वैजापूर दरोडा प्रकरणातील अटक आरोपींची संख्या ११ वर पोहोचली आहे.
07 Sep 2026 10:30 AM (IST)
काटई नाका ते ऐरोली हा प्रवास आता १५ मिनिटांत होणार असून महिन्याभरात हा मार्ग पूर्ण करण्यात येणार असल्याचे आश्वासन एमएमआरडीतर्फे देण्यात आले. ऐरोली ते काटई नाका उन्नत मार्ग प्रकल्पातील टप्पा १मधील ठाणे-बेलापूर रोड ते राष्ट्रीय महामार्ग ४ आणि टप्पा २ मधील ऐरोली ते ठाणे-बेलापूर रोडचे काम अखेर १०० टक्के पूर्ण झाले असून आता फक्त रंगरंगोटीसह सजावटीची कामे सुरू आहेत. ही कामे पूर्ण झाल्यानंतर भारवहन क्षमता चाचणी घेऊन हे दोन्ही टप्पे महिन्याभरात सेवेत दाखल करण्याचे एमएमआरडीएचे नियोजन आहे. नवी मुंबई-डोंबिवली प्रवासाचे अंतर कमी करण्यासाठी एमएमआरडीएने सुमारे १२.७१ कि.मी. लांबीचा ऐरोली-काटई नाका उन्नत मार्ग प्रकल्प हाती घेण्यात आला आहे.
07 Sep 2026 10:20 AM (IST)
सलमान खानचा लोकप्रिय रिअॅलिटी शो ‘बिग बॉस २०’ सुरू होताच घरात ड्रामा पाहायला मिळू लागला आहे. ६ सप्टेंबरला शोचा ग्रँड प्रीमियर पार पडला आणि टीव्ही कलाकार, रॅपर, सोशल मीडिया इन्फ्लुएन्सर्स आणि इतर क्षेत्रातील कलाकारांनी बिग बॉसच्या घरात एन्ट्री केली. आता शोच्या पहिल्याच एपिसोडचा प्रोमो समोर आला असून, त्यात माही विजच्या वागण्यावरून घरातील सदस्यांमध्ये नाराजी निर्माण झाल्याचं पाहायला मिळत आहे.
07 Sep 2026 10:10 AM (IST)
भारतातील लोकप्रिय रिअॅलिटी शो ‘बिग बॉस २०’चा ग्रँड प्रीमियर ६ सप्टेंबर रोजी मोठ्या दिमाखात पार पडला. सलमान खानच्या दमदार एन्ट्रीपासून ते स्पर्धकांच्या अनोख्या स्वागतापर्यंत प्रीमियरमध्ये मनोरंजनाची चांगलीच मेजवानी पाहायला मिळाली. यावेळी सलमान खान काउबॉय लुकमध्ये दिसला. आपल्या एनर्जेटिक अंदाजात त्याने स्पर्धकांचं स्वागत केलं, शिवाय आपल्या डान्स मूव्ह्सने प्रेक्षकांचंही मनोरंजन केलं.
