Top Marathi News Today Live: राजकुमार राव आणि पत्रलेखाच्या घरी देवीचे आगमन! मुलीला दिला जन्म

15 Nov 2025 05:23 PM (IST)

Honda ने सुमडीत ‘या’ 2 पॉवरफुल बाईक केल्या बंद!

होंडाने त्यांच्या वेबसाइटवर काही बदल केले आहेत. कंपनीने त्यांच्या दोन पॉवरफुल बाईक्स, CBR1000RR-R Fireblade SP आणि Rebel 500, त्यांच्या भारतीय वेबसाइटवरून काढून टाकल्या आहेत. होंडाकडून अद्याप कोणतीही अधिकृत घोषणा झालेली नाही, त्यामुळे या दोन्ही मोटारसायकली काढून टाकण्यामागील खरे कारण काय आहे हे स्पष्ट झालेले नाही.

15 Nov 2025 05:06 PM (IST)

128 जागांवर निवडणूक लढविण्याची तयारी करा; खासदार बारणे यांच्या सूचना

आगामी पिंपरी-चिंचवड महापालिका निवडणुकीला पूर्ण ताकदीने सामोरे जायचे आहे. त्यासाठी ३२ प्रभागातील १२८ जागांवर निवडणूक लढविण्याची तयारी करावी, अशा स्पष्ट सूचना शिवसेनेचे उपनेते, खासदार श्रीरंग बारणे यांनी शिवसैनिकांना दिल्या आहेत. तसेच युतीबाबत वरिष्ठ पातळीवर निर्णय होईल. जो निर्णय होईल, त्याची अंमलबजावणी केली जाईल, असेही त्यांनी सांगितले.

15 Nov 2025 05:00 PM (IST)

खोपोली नगराध्यक्ष पदासाठी राष्ट्रवादी कडूनउमेदवारी जाहीर,

खोपोली नगरपालिकेची निवडणूक होत आहे, गेले आठ दिवस खोपोलीत युत्या आणि आघाड्यांचे गुराळ सुरु होते अखेर रात्री उशिरा अजित पवारांच्या राष्ट्रवादीच्या वतीने माजी नगराध्यक्ष डॉ. सुनील पाटील यांच्या नावाची घोषणा जिल्हाध्यक्ष सुधाकर घारे यांनी केली.राष्ट्रवादीच्या खोपोली मध्यवर्ती कार्यालयात रात्री 11 वाजता तातडीची पत्रकार परिषद बोलावण्यात आली. जिल्हाध्यक्ष सुधाकर घारे. संघटक पंकज पाटील, महिला अध्यक्षा अश्विनी पाटील, शहर अध्यक्ष मनीष यादव यांच्यासह उबाठा शिवसेनेचे शहर युवासेना प्रमुख पंकज रुपवते यांच्या अनेक पदाधिकारी उपस्थित होते.

15 Nov 2025 05:00 PM (IST)

De De Pyaar De 2 ‘ने पहिल्या दिवशी किती कमाई केली?

बॉलिवूड अभिनेता अजय देवगणचा “दे दे प्यार दे २” हा चित्रपट १४ नोव्हेंबर २०२५ रोजी प्रदर्शित झाला आहे. या चित्रपटाला प्रेक्षकांचा सकारात्मक प्रतिसाद मिळत आहे. चित्रपटाच्या पहिल्या दिवसाच्या कलेक्शनची आकडेवारीही समोर आली आहे. चित्रपटाने पहिल्या दिवशी चांगली कमाई केली. या चित्रपटातील कलाकारांचे सोशल मीडियावरही कौतुक केले जात आहे. अजय देवगण आणि चित्रपटाच्या विनोदालाही प्रेक्षकांची चांगलीच पसंती मिळत आहे.

वाचा सविस्तर 

15 Nov 2025 04:55 PM (IST)

रत्नागिरीत महायुतीकडून जोरदार शक्ती प्रदर्शन.

नगरपरिषद, नगर पंच्यातीच्या सार्वत्रिक निवडणुकीचे अर्ज भरण्याची अंतिम तारीख 17 नोव्हेंबर असून सर्वच पक्षांकडून उमेदवारी अर्ज सादर होऊ लागले आहेत रत्नागिरीत शिवसेनेचे ९ आणि भाजपचे ६, असे एकूण १५ महायुतीच्या उमेदवारांनी आज उमेदवारी अर्ज दाखल केले मोठे शक्तीप्रदर्शन करीत ढोल तस्यांचा गजारात रॅली काढत उमेदवारी अर्ज सादर करण्यात आले यावेळी महाराष्ट्राचे उद्योगमंत्री उदय सामंत, राजापूरचे आमदार किरण सामंत,शिवसेनेचे निवडणूक प्रभारीयशवंत जाधव, माजी आमदार राजन साळवी, इत्यादी प्रमुख नेत्यांसहा महायुतीतील प्रमुख पदाधिकारी व कार्यकर्ते मोठ्या संखेने उपस्थित होते.

15 Nov 2025 04:50 PM (IST)

महिला क्रिकेटसाठी नव्या पर्वाची नांदी!

अलिकडेचे भारतीय महिला क्रिकेट संघाने आयसीसी महिला विश्वचषक जिंकला आहे. या कामगिरीने भारतीय महिला संघाचे सर्वत्र कौतुक होत आहे. आता भारतीय पुरुष संघ आणि भारतीय महिला संघ यांच्यातील वेतनाबाबत विषमता आता समानतेत बदलत आहे. लोकांचा ओढा आता महिला क्रिकेटकडे देखील दिसून येत आहे. दरम्यान, कर्णधार हरमनप्रीत कौर म्हणाली की पुरुष आणि महिला खेळाडूंमधील केंद्रीय करारांमध्ये असलेल्या महत्त्वपूर्ण फरकाबद्दल तिला कधीही अडचण आली नाही, कारण ही तफावत नेहमीच बाजारातील मागणीमुळे निर्माण झाली आहे. तथापि, महिला एकदिवसीय विश्वचषक जिंकल्यानंतर ही तफावत निश्चितच कमी होणार असल्याचा कौरचा विश्वास आहे.

वाचा सविस्तर 

15 Nov 2025 04:50 PM (IST)

आव्हाडांच्या सुविद्य पत्नी सुद्धा निवडणूक रिंगणात,कार्यकर्त्यांमध्ये उत्साहाचे वातावरण

गेली अनेक वर्षे आपले पती, डॉ जितेंद्र आव्हाड यांच्या पाठीशी भक्कमपणे उभे राहून समाजकार्य करणाऱ्या  ऋता आव्हाड यांनी आपला अर्ज जिल्हाध्यक्ष मनोज प्रधान यांच्याकडे सुपूर्द केला. प्रभाग क्र. २३ मधून त्या शिंदे सेनेसमोर तगडे आव्हान उभे करणार आहेत.काहीच महिन्यापूर्वी कळव्यातील नऊ नगरसेवकांनी अचानक शिंदे यांच्या शिवसेनेत प्रवेश केला होता त्याने राष्ट्रवादी शरद पवार गटाला मोठा धक्का बसला होता. ऋता आव्हाड यांच्या उमेदवारी निर्णया मागे हेच कारण असल्याचे राजकीय वर्तुळात बोलले जात आहे. गेली अनेक वर्षे ऋता आवडे यांचा कळवा मुंब्रा भागात दांडगा जनसंपर्क असून या विभागात महिला सक्षमीकरणाचे मोठ्या प्रमाणात काम त्यांनी केले आहे. त्यांच्या निर्णयामुळे राष्ट्रवादी शरद पवार गटाच्या कार्यकर्त्यांमध्ये आणि नेत्यांमध्ये एक नवचैतन्य जागृत झाले असून कार्यकर्ते मोठ्या उत्साहाने कामाला लागले असल्याचे मनोज प्रधान यांनी सांगितले.

15 Nov 2025 04:45 PM (IST)

अलिबाग नगरपरिषद निवडणूक शेकाप, काँग्रेस आघाडी उमेदवारांचे अर्ज दाखल

अलिबाग नगरपरिषदेच्या निवडणुकीसाठी शेतकरी कामगार पक्ष व काँग्रेस आघाडीच्या उमेदवारांनी शनिवारी (दि.१५) वाजतगाजत जोरदार शक्तिप्रदर्शन करीत उमेदवारी अर्ज दाखल केले. नगराध्यक्ष पदासाठी शेतकरी कामगार पक्षाच्या अक्षया नाईक यांनी आपला उमेदवारी अर्ज दाखल केला.शनिवारी शेकाप, काँग्रेस आघाडीचे उमेदवार आपले उमेदवारी अर्ज दाखल करणार आल्याने शेतकरी भवन येथे शेकडो शेकाप कार्यकर्ते जमा झाले होते. शेतकरी कामगार पक्ष व काँग्रेस आघाडीचे सर्व उमेदवार शेतकरी भवन येथे १० ते ११ वाजण्याच्या दरम्यान शेतकरी भवनात दाखल झाले. यांनतर शेकाप सरचिटणीस जयंत पाटील व पक्षाच्या इतर वरिष्ठ पदाधिकाऱ्यांनी शेतकरी भवन येथे जात उमेदवारांना शुभेच्छा दिल्या.

15 Nov 2025 04:40 PM (IST)

17 की 18 कधी आहे सोम प्रदोष व्रत?

मार्गशीर्ष महिन्यातील पहिले प्रदोष व्रत सोमवारी येते. या दिवशी सोमवार असल्याने त्याला सोम प्रदोष व्रत असे म्हटले गेले आहे. मार्गशीर्ष महिना हा देवांचा प्रिय महिना मानला जातो. या दिवशी उपवास करणे खूप फायदेशीर ठरते. हा दिवस महादेव आणि देवी पार्वती यांच्या पूजेसाठी समर्पित आहे. या काळात महादेवांची पूजा केल्याने व्यक्तीच्या मनातील सर्व इच्छा पूर्ण होतात. त्याचसोबतच व्यक्तीच्या जीवनातील सर्व समस्या आणि अडथळे दूर होतात. जाणून घ्या सोम प्रदोष व्रत कधी आहे, शुभ मुहूर्त आणि महत्त्व

वाचा सविस्तर 

15 Nov 2025 04:30 PM (IST)

बालदिनानिमित्त मुंबईतील शाळांमध्ये विशेष उपक्रम!

काल देशभरातील कानाकोपऱ्यात अगदी सगळीकडे बालदिन मोठ्या उत्साहात साजरा करण्यात आला. या दिवसाची खरी मज्जा विशेषता शाळांमध्ये असते. मुंबईतील अनेक शाळांमध्ये हा दिवस फार उत्साहात साजरा करण्यात आला. विद्यार्थ्यांसाठी असणाऱ्या या विशेष दिवसाला विशेष करण्यात शिक्षकांनीही कसून कष्ट केल्याचे दिसून आले आहे. मुंबईतील शाळांमध्ये आणि ठिकठिकाणी कार्यक्रमांचे आयोजन झाले. पण त्यात वांद्रे पश्चिम येथे स्थित असलेल्या ‘सेंट टेरेसा बॉईज हायस्कूल’ आणि मुलुंड येथे स्थित असलेल्या ‘सौ. लक्ष्मीबाई इंग्लिश मीडियम स्कूल’ची चर्चा काही औरच आणि वेगळी ठरली. (St. Teresa Boys High School)

वाचा सविस्तर 

15 Nov 2025 04:20 PM (IST)

परदेशात फुलला मराठी रोमान्स!‘आसा मी अशी मी’ चा पोस्टर लाँच

जागतिक पातळीवर मराठी सिनेमाची छाप उमटवण्याचा निर्धार केलेल्या निर्माते सचिन नाहर आणि अमोग मलाविया यांनी प्रेक्षकांसाठी एक हटके प्रोजेक्ट साकारला आहे. यूकेमध्ये शूट झालेला नवा मराठी चित्रपट ‘असा मी अशी मी’ हा त्यांच्या कल्पकतेचा आणि मेहनतीचा उल्लेखनीय नमुना आहे. या सिनेमाचा पोस्टर नुकताच रिलीझ झाला. पोस्टरवर असलेले कलाकार तेजश्री प्रधान आणि अजिंक्य रमेश देव यांचा डॅशिंग लूक प्रेक्षकांचे लक्ष वेधून घेतो. नव्या पिढीच्या रोमँसची झलक देणारा हा पोस्टर पाहताच शूटिंग लंडनमध्ये झाल्याची झटपट चाहत्यांना जाणीव होते. या न्यू-एज प्रेमकथेची कथा नेमकी काय असेल याविषयी आता प्रेक्षकांमध्ये प्रचंड उत्सुकता वाढली आहे. विशेष म्हणजे हा सिनेमा येत्या २८ नोव्हेंबर २०२५ रोजी प्रदर्शित होत आहे.

वाचा सविस्तर 

15 Nov 2025 04:10 PM (IST)

धर्मेंद्र आजारी पडताच ‘या’ अभिनेत्याची पत्नी झाली भावूक

बॉलिवूडचे ज्येष्ठ अभिनेते धर्मेंद्र यांना अलिकडेच प्रकृती अस्वास्थ्यामुळे रुग्णालयात दाखल करण्यात आले होते. ते आता घरी परतले आहेत आणि डॉक्टरांच्या पथकाकडून त्यांची काळजी घेतली जात आहे. दरम्यान, सुपरस्टार गोविंदा अचानक घरी बेशुद्ध पडला आणि त्याला रुग्णालयात दाखल करण्यात आले. तर उपचारानंतर तो बरा झाला आणि घरी परतला आहे. गोविंदाची पत्नी सुनीता आहुजा हिने तिच्या नवीन ब्लॉगमध्ये तिच्या पतीच्या आरोग्याबद्दल अपडेट दिले आहे. सुनीता आहुजा यांनी धर्मेंद्रच्या आजारानंतरच्या तिच्या भावनांवरही चर्चा केली.

वाचा सविस्तर 

15 Nov 2025 02:59 PM (IST)

मराठी साहित्याची नवी झेप, डॉ. सुरेश सावंत यांच्या ‘आभाळमाया’ला पुरस्कार जाहीर

प्रतिष्ठित साहित्य अकादमीन आणि बाल साहित्य पुरस्कार २०२५ चे वितरण नवी दिल्ली येथे संपन्न झाले. यात मराठीसाठीचा पुरस्कार ज्येष्ठ बाल साहित्यकार व कवी डॉ. सुरेश सावंत यांना ‘आभाळमाया’ या कवितासंग्रहासाठी प्रदान करण्यात आला. डॉ. सावंत यांच्यासह देशातील २४ भाषांमधील साहित्यकारांना हा सन्मान मिळाला. पुरस्कार वितरण सोहळा तानसेन मार्गावरील त्रिवेणी कला संगम येथे झाला.

15 Nov 2025 02:55 PM (IST)

म्युझिक लव्हर्ससाठी खुशखबर! Spotify चे नवीन प्रीमियम प्लॅन्स भारतात लाँच, Platinum मध्ये AI DJ सह मिळणार हे अनोखे फीचर्स

Spotify ने भारतात नवीन प्रिमियम प्लॅन्स लाँच केले आहेत. याचा अर्थ असा आहे की, आता देशात Spotify चे एकूण चार पेड प्लॅन्स उपलब्ध आहेत. या प्रीमियम सब्सक्रिप्शन प्लॅन्समध्ये लाईट, स्टँडर्ड, स्टुडंट आणि प्लॅटिनम प्लॅन्सचा समावेश आहे. ज्यामधील सर्वात स्वस्त प्लॅन Lite आहे. तसेच प्लॅटिनम प्लॅनमध्ये अनेक AI-पावर्ड फीचर्स ऑफर केले जाणार आहेत. जसे AI DJ आणि AI Playlist Creation. कंपनीचे हे चारही प्लॅन युजर्सना एड-फ्री म्यूजिक स्ट्रीमिंग ऑफर करतात. याशिवाय कंपनीने Audiobooks Recaps नावाचे एक फीचर देखील लाँच केले आहे, जे युजर्सना त्यांनी आधी ऐकलेल्या ऑडियोबुक पार्ट्सची AI-समरी देते.

15 Nov 2025 02:50 PM (IST)

‘हिटमॅन’७ वर्षांनंतर विजय हजारे ट्रॉफी स्पर्धेत उतरणार मैदानात; रोहितने दिली MCA ला माहिती

अलीकडेच बीसीसीआयने विराट कोहली आणि रोहित शर्मा यांना आंतरराष्ट्रीय सामन्यात खेळायचे असेल तर मात्र देशांतर्गत स्पर्धांमध्ये खेळावे लागणार. याच पार्श्वभूमीवर रोहित शर्मा ७वर्षांनंतर विजय हजारे ट्रॉफी खेळणार आहे. शर्मा तो शेवटचा २०१८ मध्ये खेळला होता. मीडिया रिपोर्ट्सनुसार, रोहितने मुंबई क्रिकेट असोसिएशनला या स्पर्धेसाठी त्याच्या उपलब्धतेची माहिती दिली आहे. बोर्ड आणि संघ व्यवस्थापनाने स्पष्ट केले आहे की जर त्याला भारताकडून खेळत राहायचे असेल तर त्याने देशांतर्गत क्रिकेट खेळले पाहिजे. विजय हजारे ट्रॉफी ही देशांतर्गत कॅलेंडरवरील एकमेव एकदिवसीय स्पर्धा आहे. ही स्पर्धा भारत-दक्षिण आफ्रिका एकदिवसीय मालिका आणि ११ जानेवारीपासून सुरू होणाऱ्या भारत-न्यूझीलंड एकदिवसीय मालिकेदरम्यान नियोजित आहे.

15 Nov 2025 02:45 PM (IST)

‘१० हजारात लोकशाही विकली जाते…’; बिहारच्या निकालावर संजय राऊतांनी तोफ डागली

बिहार विधानसभा निवडणुकीत भाजप आणि जेडीयूने ऐतिहासिक विजय मिळवला विधानसभा निवडणुकीत विक्रमी ६७.१३ टक्के मतदान झाले. एनडीएच्या प्रचंड विजयात महिलांच्या सहभागाने निर्णायक भूमिका बजावली. बिहारच्या निकालानंतर शिवसेना ठाकरे गटाचे खासदार संजय राऊत यांनी केंद्रातील मोदी सरकार आणि केंद्रीय निवडणूक आयोगावर निशाणा साधला आहे.

15 Nov 2025 02:40 PM (IST)

धक्कादायक! हॉटेल मालकाकडून मॅनेजरला नग्न करून लोखंडी पाईपने मारहाण; व्हिडिओ व्हायरल

सोलापूरमधून एक धक्कादायक आणि घृणास्पद घटना समोर आली आहे. पुणे राष्ट्रीय महामार्गावरील टेंभुर्णी जवळील एका हॉटेल मालकाने मॅनेजरच्या चुकीमुळे नग्न करून मारहाण केल्याची घटना समोर आली आहे. या घटनेचा व्हिडीओ सध्या मोठ्या प्रमाणावर व्हायरल झाला आहे. हॉटेल मधील मॅनेजरने चुकीमुळे त्याला अक्षरशः नग्न करून लोखंडी पाईपने मारहाण केल्याचा हा व्हिडीओ वायरल झाल्याने संताप व्यक्त केला जात आहे. याप्रकरणी अद्याप पोलिसांनी कोणतीही गुन्हा दाखल केला नसल्याची माहिती समोर आली आहे.

15 Nov 2025 02:30 PM (IST)

CSK सोडल्यानंतर रवींद्र जडेजाची पहिली प्रतिक्रिया, राजस्थान रॉयल्सला आयपीएल ट्रॉफी जिंकवून देण्याचे दिले आश्वासन

मेगा ऑक्शन आयपीएल 2025 मध्ये झाले पण या मिनी लिलावामध्ये देखील आयपीएल 2026 मध्ये आणखी काही खेळाडू हे वेगवेगळ्या संघामध्ये पाहायला मिळणार आहे. या येणाऱ्या नव्या सिझनचा नवे चित्र पहायला मिळाला. आयपीएल २०२६ च्या आधी सीएसके सोडून आरआरमध्ये सामील होण्याबाबत रवींद्र जडेजाची प्रतिक्रिया ही संघात एक महत्त्वाचा बदल आहे. संजू सॅमसन आता चेन्नई सुपर किंग्जमध्ये सामील झाला आहे. राजस्थान रॉयल्स संघात रवींद्र जडेजा आणि सॅम करन त्याची जागा घेतील.

15 Nov 2025 02:30 PM (IST)

नाशिकमध्ये ठाकरेंच्या शिवसेनेला मोठा धक्का; माजी नगराध्यक्षांचा भाजपमध्ये प्रवेश

गेल्या काही दिवसांपासून राजकारणात अनेक घडामोडी घडत आहेत. निवडणुका जाहीर होताच अनेक पदाधिकारी-नेतेमंडळींकडून पक्षप्रवेश केला जात आहे. त्यातच आता माजी नगराध्यक्ष हेमंत वाजे आणि त्यांच्या पत्नी तेजश्री वाजे यांनी शुक्रवारी (दि.१४) नाशिक येथे भाजप कार्यालयात जलसंपदामंत्री गिरीश महाजन यांच्या उपस्थितीत भाजपमध्ये प्रवेश केला.

15 Nov 2025 02:25 PM (IST)

सूर्याचे वृश्चिक राशीतून होणाऱ्या संक्रमणामुळे या राशीच्या लोकांना होईल आर्थिक लाभ

ग्रहांचा राजा सूर्य रविवार, 16 नोव्हेंबर रोजी तूळ रास सोडून वृश्चिक राशीमध्ये प्रवेश करणार आहे. ज्या ठिकाणी बुध आणि मंगळ आधीच उपस्थित आहेत. ज्योतिषशास्त्रानुसार वृश्चिक राशीत सूर्य, मंगळ आणि बुध यांच्या युतीमुळे, बुधादित्य योग, आदित्य मंगल योग, त्रिग्रही योग, द्विग्रह योग यासह अनेक शुभ योग तयार होत आहेत. या 4 शुभ योगाचा फायदा काही राशीच्या लोकांना होणार आहे. या राशींना पैसा, आरोग्य, करिअर आणि व्यवसाय यासह प्रत्येक क्षेत्रात तिप्पट फायदा होणार आहे. वृश्चिक राशीत तयार होणाऱ्या योगाचा परिणाम देश, जग, अर्थव्यवस्था, शिक्षण आणि राजकारण यासह सर्व गोष्टींवर होणार आहे.

15 Nov 2025 02:20 PM (IST)

लाडक्या बहिणींचा खर्च सरकारला परवडेना? १८ नोव्हेंबरनंतर योजना होणार बंद? काय आहे व्हायरल मेसेजमागचं सत्य

महाराष्ट्र सरकारच्या मुख्यमंत्री माझी लाडकी बहिण योजना (Ladki Bahin Yojana)  बंद होणार असल्याचा दावा सोशल मीडियावर केला जात आहे. १८ नोव्हेंबरनंतर ही योजना बंद होणार असल्याचे म्हटले जात आहे. यामुळे लाडक्या बहिणींना धक्का बसला आहे. पण सोशल मीडियावरील या व्हायरल मेसेज मागचं सत्य काही औरच आहे.

15 Nov 2025 02:17 PM (IST)

चीनने नागरिकांना दिला Japanला प्रवास न करण्याचा सल्ला; जपानी पंतप्रधानांच्या वक्तव्याने वादंग

चीन (China) आणि जपानमधील(Japan) संबंध पुन्हा एकदा गंभीर टप्प्यावर पोहोचले आहेत. तैवानवरील संभाव्य संघर्षाबाबत जपानचे नवे पंतप्रधान साने ताकाची यांनी केलेल्या थेट वक्तव्यामुळे बीजिंग संतप्त झाले आहे. याच पार्श्वभूमीवर चीनने आपल्या नागरिकांना जपानला प्रवास टाळण्याचा कठोर इशारा दिला असून, या प्रकरणाने आशिया-प्रशांत क्षेत्रातील भू-राजकीय चिंता अधिकच वाढवल्या आहेत.

15 Nov 2025 02:00 PM (IST)

मुंबईच्या ‘जेजे’ रुग्णालयात रोबोने केली पहिली शस्त्रक्रिया

मुंबईतील सर जे.जे. रुग्णालयाने आणखी एक मोलाची कामगिरी केली आहे. ज्यामुळे जे जे रुग्णालयाच्या शिरपेचात मानाचा तुरा रोवला आहे. रुग्णालयाच्या न्यूरोसर्जरी आणि ऑर्थोपेडिक्स विभागातील डॉक्टरांनी मुंबईतील पहिली रोबोटिक स्पायनल डिफॉर्मिटी करेक्शन शस्त्रक्रिया यशस्वीरित्या पार पाडली आहे. या यशस्वी शस्त्रक्रियेमुळे धुळे येथील २४ वर्षीय मुलगी जन्मजात स्पायनल डिफॉर्मिटी (शरीर झुकणे) आणि तेलंगाणा येथील किशोरवयीन मुलगा पाच वर्षापासून पाठीला असलेल्या व्यंगाची समस्या कायमची दूर झाली असून हे दोन्ही रुग्ण व्यवस्थित उभे राहून चालू फिरू शकत आहेत.

15 Nov 2025 01:50 PM (IST)

महायुद्धात युक्रेनचा दणदणीत प्रहार

युक्रेन-रशिया युद्धात (Ukraine-Russia War) आता एक नवीन वळण आले आहे. पाश्चात्य देशांकडून शस्त्रास्त्रांचा पुरवठा अनिश्चित असताना, युक्रेनने स्वावलंबनाच्या दिशेने मोठी झेप घेतली आहे. युक्रेनने पहिल्यांदाच स्वतःच्या बनावटीच्या लांब पल्ल्याच्या ‘फ्लेमिंगो’(Flamingo) क्रूझ क्षेपणास्त्राचा रशियावर यशस्वी वापर केला असून हा हल्ला देशाच्या संरक्षण इतिहासातील एक महत्त्वाचा क्षण मानला जात आहे.

15 Nov 2025 01:40 PM (IST)

कसोटी क्रिकेटमध्ये ऋषभ पंत बनला भारताचा नवा ‘सिक्सर किंग’

टीम इंडियाचा स्फोटक यष्टीरक्षक फलंदाज ऋषभ पंतने दक्षिण आफ्रिकेविरुद्ध सुरू असलेल्या कोलकाता कसोटीत केशव महाराजच्या गोलंदाजीवर एक लांब षटकार मारून इतिहास रचला. या एका षटकारासह तो कसोटी क्रिकेटमध्ये भारतासाठी सर्वाधिक षटकार मारणारा खेळाडू बनला आहे. हो, आतापर्यंत हा विक्रम वीरेंद्र सेहवागच्या नावावर होता. पंतने इंग्लंड दौऱ्यात सेहवागची बरोबरी केली होती, पण आता त्याने दक्षिण आफ्रिकेविरुद्ध हा विक्रम मोडून एक नवा इतिहास रचला आहे.

15 Nov 2025 01:30 PM (IST)

बिहार निवडणुकीत अदानींचे नाव चर्चेत,

बिहार विधानसभा निवडणुकीत(Bihar Assembly Election Result) एनडीए युतीला 202 जागांवर विजय मिळाला, तर विरोधी महाआघाडीला फक्त 34 जागांवर विजय मिळवता आला. एनडीएत भाजपला 89 जागा, जेडीयूलाला 85 जागा आणि एलजेपीला (रामविलास पासवान) 19 जागा मिळाल्या. दुसरीकडे महाआघाडीत राजदला 25, तर काँग्रेसला केवळ 5 जागा मिळाल्या आहेत. याचदरम्यान बिहार विधानसभा निवडणुकीत ज्येष्ठ उद्योगपती गौतम अदानी यांचे नाव चर्चेत आले. बिहार सरकारने भागलपूर जिल्ह्यातील पीरपैंती येथील जमीन अदानी समूहाच्या कंपनी अदानी पॉवर लिमिटेडला औष्णिक वीज प्रकल्प उभारण्यासाठी दिली. काँग्रेस, राजद आणि सीपीआय (एमएल) यांनी बिहार सरकार आणि भाजपवर अदानींना अनुकूलता दाखवल्याचा आरोप केला. भाजपने हे आरोप फेटाळून लावले, तर बिहार सरकारने सांगितले की अदानींना हा प्रकल्प प्रक्रियेचा एक भाग म्हणून मिळाला.

15 Nov 2025 01:20 PM (IST)

चीन आणि पाकिस्तानने सुरु केले ‘असे’ इलेक्ट्रोमॅग्नेटिक युद्ध

भारताच्या(India) हवाई सुरक्षेच्या इतिहासात प्रथमच मुंबई आणि नवी दिल्ली या दोन्ही महत्त्वाच्या फ्लाइट इन्फॉर्मेशन रीजन—FIR मध्ये—GPS सिग्नल हस्तक्षेपासंबंधी NOTAM जारी करण्यात आला. हा हस्तक्षेप साधा तांत्रिक बिघाड नसून, इलेक्ट्रोमॅग्नेटिक युद्धाचे (Electromagnetic Warfare) एक संभाव्य संकेत असल्याची गंभीर चर्चा सुरू झाली आहे. भारताच्या L639 आणि P574 सारख्या आंतरराष्ट्रीय उड्डाण मार्गांवर GPS-आधारित नेव्हिगेशन हा कणा मानला जातो. हे मार्ग लांब पल्ल्याची विमाने ETOPS मानकांनुसार उडवतात. मात्र GPS सिग्नल जॅम झाल्यास, वैमानिकांना जुन्या जमिनीवर आधारित नेव्हिगेशनवर परतणे भाग पडते—आधुनिक तंत्रज्ञानातील एक मोठा मागासपणा.

15 Nov 2025 01:10 PM (IST)

पुण्यातील चार पोलीस कर्मचाऱ्यांचे तडकाफडकी निलंबन, कारण काय?

पुणे : मद्यप्राशन करून नागरिकांशी गैरवर्तन तसेच धमकावण्याचे गंभीर प्रकार समोर आल्यानंतर विश्रांतवाडी पोलिस ठाण्याअंतर्गत कार्यरत असलेल्या ‘कॉप्स २४ बीट मार्शल’मधील चार पोलिस शिपायांना तात्काळ निलंबित करण्यात आले आहे. गुन्हे शाखेचे पोलीस उपायुक्त निखिल पिंगळे यांनी याबाबतचे आदेश दिले आहेत. योगेश सुरेश माळी, मुकेश श्रीधर वाळले, शंकर दत्ता धोत्रे आणि कैलास शेषराव फुपाटे अशी निलंबित कर्मचाऱ्यांची नावे आहेत. चारही कर्मचारी गुन्हे शाखेअंतर्गत कॉप्स २४ बीट मार्शल पथकात नेमणुकीवर होते.

15 Nov 2025 01:04 PM (IST)

कोपरगावजवळ बस-कार धडकेत कारचालकाचा होरपळून मृत्यू

कोपरगावाजवळ नगर- मनमाड महामार्गावर रात्री भीषण अपघात झाल्याचे समोर आले आहे. खाजगी बस आणि कारची भीषण धडक झाली. या धडकेत कारणे पेट घेतला आणि यात कारचालकाचा होरपळून दुर्दैवी मृत्यू झाला. तर अपघातात बसमधील काही प्रवासी जखमी झाले आहे. या अपघातानंतर हायवेवर दोन्ही बाजूंनी वाहनांच्या मोठ्या रांगा लागल्या होत्या, वाहतूक कोंडी झाली होती. मुजाहिद शेख (वय 31) असे मृत चालकाचे नाव असून त्याच्या निधनाने कुटुंबाला मोठा धक्का बसला आहे.

15 Nov 2025 01:00 PM (IST)

भाजप युवा नेत्याचा आढळला मृतदेह, मृत्यूचे कारण अद्याप गूढ

छत्रपती संभाजीनगरच्या गंगापूर तालुक्यात भाजप युवा मोर्चाचे जिल्हा उपाध्यक्ष गणेश टेमकर (30) यांचा मृतदेह नळकांडी पुलाजवळ आढळला. मृत्यूचे कारण अस्पष्ट असून कोणतेही जखमेचे किंवा अपघाताचे ठसे नसल्याने संशय वाढला आहे.

15 Nov 2025 12:55 PM (IST)

14 वर्षीय मुलीने 19व्या मजल्यावरून मारली उडी

कल्याण मधून एक हृदयद्रावक घटना समोर आली आहे. एका १४ वर्षीय मुलीने थेट १९ व्या मजल्यावरून उडी घेत आत्महत्या केली. आत्महत्या करणाऱ्या मुलीचे नाव रिद्धी खराडे असे आहे. ही घटना हाय प्रोफाइल सोसायटीत घडली आहे. धक्कदायक म्हणजे हा सर्व प्रकार तिच्या मोठ्या बहिणी समोर घडला.

15 Nov 2025 12:50 PM (IST)

कोपरगावजवळ भीषण अपघात! बस-कार धडकेत कारचालकाचा होरपळून मृत्यू

कोपरगावाजवळ नगर–मनमाड महामार्गावर बस-कारची भीषण धडक होऊन कारने पेट घेतला व कारचालक मुजाहिद शेख यांचा होरपळून मृत्यू झाला. काही प्रवासी जखमी झाले. अग्निशमन दलाने एका तासाच्या प्रयत्नांनंतर आग विझवली; पोलीस तपास सुरू आहे.

15 Nov 2025 12:45 PM (IST)

पुण्यातील चार पोलीस कर्मचाऱ्यांचे तडकाफडकी निलंबन

मद्यप्राशन करून नागरिकांशी गैरवर्तन तसेच धमकावण्याचे गंभीर प्रकार समोर आल्यानंतर विश्रांतवाडी पोलिस ठाण्याअंतर्गत कार्यरत असलेल्या ‘कॉप्स २४ बीट मार्शल’मधील चार पोलिस शिपायांना तात्काळ निलंबित करण्यात आले आहे. गुन्हे शाखेचे पोलीस उपायुक्त निखिल पिंगळे यांनी याबाबतचे आदेश दिले आहेत.योगेश सुरेश माळी, मुकेश श्रीधर वाळले, शंकर दत्ता धोत्रे आणि कैलास शेषराव फुपाटे अशी निलंबित कर्मचाऱ्यांची नावे आहेत.

15 Nov 2025 12:40 PM (IST)

APK फाईल पाठवतात अन् एक क्लिक करताच फसवणूक

सध्या लग्नसराईचा हंगाम सुरू असताना सायबर गुन्हेगारांनी नागरिकांना लक्ष्य करण्यासाठी एक नवा आणि धोकादायक सापळा रचला आहे. मित्र-नातेवाईकांकडून सोशल मीडियावर येणाऱ्या डिजिटल निमंत्रणांचा फायदा घेत ‘Come to wedding with family’ असा मेसेज मोबाईलवर पाठवला जात आहे. पाठवलेली APK फाईलवर क्लिक करताच फसवणूक होत असल्याचे समोर आले आहे.

15 Nov 2025 12:00 PM (IST)

सायबर गुन्हेगारांसाठी आमंत्रण की कंपन्यांचा निष्काळजीपणा? सॅटेलाइट लिंक असुरक्षित

अलीकडेच एका समोर आलेल्या अहवालानुसार, सॅटेलाइट लिंकमध्ये अनेक त्रुटी आढळल्या आहेत. यामुळे सरकारी आणि वैयक्तिक डेटा देखीलअ अगदी सहजपणे लीक होत आहे. व्यावसायिकदृष्ट्या उपलब्ध असलेल्या उपकरणांचा वापर करून तज्ज्ञ हजारो वैयक्तिक आणि सेंसिटिव मेसेज इंटरसेप्ट करण्यात यशस्वी झाले, हे असे मेसेज आहेत जे स्पेसमधून ट्रांसमिट होत आहेत. या अहवालानंतर सर्वांना आश्चर्याचा धक्का बसला आहे. नक्की प्रकरण काय आहे आणि सॅटेलाइट लिंकमध्ये वैयक्तिक आणि सेंसिटिव मेसेज लीक होण्यामागील नेमकं कारण काय आहे, याबाबत आता सविस्तर जाणून घेऊया.

15 Nov 2025 11:50 AM (IST)

Bihar Election Result: बिहारमध्ये दोन दशकांत राजकीय समीकरणे कशी बदलली

बिहार विधानसभा निवडणुकीत भाजप आणि जेडीयू चा ऐतिहासिक विजय झाला. या निवडणुकीत भाजपला ८९ जागा मिळाल्या तर जेडीयूने ८५ जागांवर विजयाची मोहोर उमटवली. तर महाआघाडीतील इतर पक्षांना २८ जागा मिळाल्या. भाजप प्रणित महाआघाडीचा हा विजय ऐतिहासिक मानला जात आहे. पण सन २००५ ते २०२५ या वीस वर्षांच्या कालखंडात पाटणा जिल्ह्यातील १४ विधानसभा मतदारसंघांच्या निकालांचे विश्लेषण करता जिल्ह्याचे राजकारण मोठ्या बदलातून गेल्याचे स्पष्ट दिसून येते. या काळात नवीन राजकीय समीकरणांची उभारणी झाली असून मतदारांच्या पसंतीतही अनेकदा बदल झाले आहेत.

15 Nov 2025 11:40 AM (IST)

Kalyan Crime: शाळेतून घरी आली आणि…,14 वर्षीय मुलीने 19व्या मजल्यावरून मारली उडी

कल्याण मधून एक हृदयद्रावक घटना समोर आली आहे. एका १४ वर्षीय मुलीने थेट १९ व्या मजल्यावरून उडी घेत आत्महत्या केली. आत्महत्या करणाऱ्या मुलीचे नाव रिद्धी खराडे असे आहे. ही घटना हाय प्रोफाइल सोसायटीत घडली आहे. धक्कदायक म्हणजे हा सर्व प्रकार तिच्या मोठ्या बहिणी समोर घडला. या घटनेने एकच खळबळ उडाली आहे असून इमारतीतील लोकांनी हळहळ व्यक्त केली आहे. पोलीस या प्रकरणाचा पुढील तपास करीत आहेत.

15 Nov 2025 11:30 AM (IST)

IPL 2026 च्या रिटेंशनच्या आधी CSK ला या खेळाडूने केला अलविदा

आयपीएल २०२६ च्या रिटेन्शनची घोषणा १५ नोव्हेंबर २०२५ च्या संध्याकाळपर्यंत केली जाईल. सीएसकेने आता त्यांच्या भविष्यासाठी एक मोठी योजना तयार केली आहे. लिलावापूर्वीच त्यांनी संजू सॅमसनला करारबद्ध केले आहे. अधिकृत माहिती लवकरच जाहीर केली जाईल. रिटेन्शन यादी जाहीर होण्यापूर्वी, न्यूझीलंडचा स्टार फलंदाज डेव्हॉन कॉनवेने सीएसकेला निरोप दिला. त्याने सोशल मीडियावर चाहत्यांना वैयक्तिकरित्या माहिती दिली.

15 Nov 2025 11:20 AM (IST)

India Russia Relations : भारत-रशियाची कूटनीतिक हालचाल

भारताचे परराष्ट्र मंत्री एस. जयशंकर (S. Jaishankar) येत्या आठवड्यात सोमवारी (१७ नोव्हेंबर) मॉस्कोला पोहचोतली. यावेळी ते रशियाचे परराष्ट्र मंत्री सर्गेई लावरोव्ह यांची भेट घेणार आहेत. पुतिन यांच्या अगामी दौऱ्यापूर्वी त्यांचा हा दौरा अत्यंत महत्त्वाचा मानला जात आहे. यामुळे भारत आणि रशियाच्या संबंधाना अधिक बळकटी मिळणार आहेत.

15 Nov 2025 11:10 AM (IST)

Maharashtra Politics: ‘या’ जिल्ह्यात भाजपमध्ये अंतर्गत नाराजी

कोकणात मोठा गाजावाजा करत शिवसेना भाजपा महायुतीच्या उमेदवारांनी काल खेडमध्ये नगराध्यक्ष पदाचा उमेदवारी अर्ज दाखल केला. मात्र याला २४ तास उलटतात न उलटतात, तोच या दोन्ही पक्षांमध्ये वादाची ठिणगी पडली आहे. शिवसेनेने खेड नगरपालिका निवडणुकीत भाजपला अवघ्या तीन जागा देत बोळवण केल्यामुळे संतप्त झालेल्या भाजपच्या पदाधिकाऱ्यांनी दापोली येथील कार्यालयात बैठक घेत आपल्या पदाचे राजीनामे दिले असून ही एकतर्फी केलेली युती मान्य नसल्याचे पक्षाच्या वरिष्ठांना कळविले आहे. दरम्यान निवडणुकीआधी पक्षांतर्गत नाराजी रोखण्याचे आव्हान मुख्यमंत्री आणि भाजपचे वरिष्ठ नेते देवेंद्र फडणवीस यांच्यासमोर असणार आहे.

15 Nov 2025 10:59 AM (IST)

पुतिनच्या दिल्ली दौऱ्यापूर्वी जयशंकर मॉस्कोला भेट देणार

भारताचे परराष्ट्र मंत्री एस. जयशंकर (S. Jaishankar) येत्या आठवड्यात सोमवारी (१७ नोव्हेंबर) मॉस्कोला पोहचोतली. यावेळी ते रशियाचे परराष्ट्र मंत्री सर्गेई लावरोव्ह यांची भेट घेणार आहेत. पुतिन यांच्या अगामी दौऱ्यापूर्वी त्यांचा हा दौरा अत्यंत महत्त्वाचा मानला जात आहे. यामुळे भारत आणि रशियाच्या संबंधाना अधिक बळकटी मिळणार आहेत.

15 Nov 2025 10:52 AM (IST)

$150 अब्ज ऊर्जा आयातीसाठी भारत सज्ज

भारत (India) आता जगातील सर्वात वेगाने वाढणाऱ्या अर्थव्यवस्थांपैकी एक आहे. या प्रगतीमुळे तेल, वायू आणि इतर ऊर्जा उत्पादनांच्या समुद्री वाहतुकीची मागणी प्रचंड वाढली आहे. मात्र, भारताची ही मोठी गरज अद्याप परदेशी जहाजांवर अवलंबून आहे, कारण ऊर्जा वाहतुकीपैकी केवळ 20% माल भारतीय जहाजांमधून नेला जातो. या परिस्थितीत बदल घडवण्यासाठी भारताने दक्षिण कोरियासोबत एक महत्त्वाकांक्षी जहाजबांधणी भागीदारीचा मार्ग स्वीकारला आहे. दक्षिण कोरिया (South Korea) हे जगातील सर्वात प्रगत आणि मोठ्या जहाजबांधणी क्षमतेचे केंद्र मानले जाते. कोरियन तंत्रज्ञान आणि भारताचा विशाल उत्पादन बेस या दोन सामर्थ्यांचा संगम भारतीय सागरी क्षेत्रात क्रांती घडवू शकतो.

15 Nov 2025 10:46 AM (IST)

पुणे, अहिल्यानगरपाठोपाठ ‘या’ जिल्ह्यात झाले बिबट्याचे दर्शन

रत्नागिरी जवळच्या खेडशी डफळवाडी परिसरात गेल्या काही महिन्यांपासून वन्यप्राण्यांची दहशत वाढली आहे. मागील काही महिन्यांपासून या परिसरात रात्रीच्या सुमारास बिबट्याचा वावर वाढला आहे. रत्नागिरीमधील खेडशीच्या माजी सरपंच जान्हवी घाणेकर यांचे घरी बसवलेल्या सीसीटीव्ही मध्ये बिबट्या कैद झाला असून रोज रात्री १२ ते ४ या वेळेत बिबट्या या परिसरात येत असल्याच्या ग्रामस्थांच्या तक्रारी आहेत.

15 Nov 2025 10:39 AM (IST)

कुनिका सदानंद मालती चहरला म्हणाली ‘लेस्बियन’

बिग बॉस १९ च्या शेवटच्या भागात एक प्रायोजित टास्क होता. टास्क दरम्यान तान्या मित्तल आणि मालतीमध्ये थोडा वाद झाला. त्यानंतर तान्याने मालतीच्या कृतींबद्दल कुनिकाला तोंड दाखवले. कुनिकाच्या टिप्पण्या ऐकून ती तिच्याकडे गेली आणि मालती चहरच्या लैंगिकतेवर भाष्य केले.

15 Nov 2025 10:34 AM (IST)

Technical Guruji नी सर्वांना दिला आश्चर्याचा धक्का!

(Technical Guruji) म्हणजेच गौरव चौधरी यांनी अलीकडेच असं एक गॅझेट लाँच केले आहे, जे पाहून अनेकजण चकित झाले आहेत. ही केवळ टेक्नोलॉजीची कमाल नाही तर या नवीन गॅझेटच्या माध्यमातून आपल्या संस्कृती आणि भक्तीला देखील सलाम करण्यात आला आहे. हे असं कोणतं गॅझेट आहे, याबाबत जाणून घ्या.

15 Nov 2025 10:29 AM (IST)

Parth Pawar Land Scam प्रकरणात महत्त्वाची अपडेट

राज्याचे उपमुख्यमंत्री अजित पवार यांचे पुत्र पार्थ पवार यांच्या पुण्यातील जमीन घोटाळा प्रकरणाबाबत महत्त्वाची अपडेट समोर आली आहे. मुंढवा येथील जमीन खरेदीतील कथित गैरव्यवहाराबाबतच्या तपासाचा महत्त्वपूर्ण टप्पा सोमवारपर्यंत पूर्ण होणार आहे. दस्त नोंदणी पातळीवर झालेल्या गैरव्यवहारांची चौकशी करण्यासाठी प्रभारी नोंदणी महानिरीक्षकांनी नेमलेल्या चार सदस्यीय समिती नेमली होती. ही समिती येत्या सोमवारी ( १७ नोव्हेंबर) अहवाल सादर करणार असल्याची माहिती नोंदणी व मुद्रांक शुल्क विभागाकडून देण्यात आली आहे.

15 Nov 2025 10:22 AM (IST)

खळबळजनक! सख्ख्या भावालाच संपवलं

गेल्या काही दिवसांपासून गुन्हेगारीच्या घटनांमध्ये सातत्याने वाढ होत आहे. किरकोळ कारणावरून खून, खुनाचा प्रयत्न, मारहाण यांसारख्या घटना घडत आहेत. असे असताना आता जालन्यात अनैतिक प्रेमसंबंधात अडथळा ठरणाऱ्या थोरल्या भावाची धाकट्या भावाने कुऱ्हाडीने डोक्यात वार करत हत्या केली. जालन्यातील सोमठाणा परिसरात ही धक्कादायक घटना घडली. या घटनेने एकच खळबळ उडाली.

15 Nov 2025 10:15 AM (IST)

भाजप युवा नेत्याचा आढळला मृतदेह

छत्रपती संभाजीनगर जिल्ह्यातील गंगापूर तालुक्यातील भालगाव येथील भाजप युवा मोर्चाचे जिल्हा उपाध्यक्ष गणेश रघुनाथ टेमकर (वय 30) यांचा मृतदेह आढळला आहे. मृत्यूचे कारण अद्याप अस्पष्ट आहे. या घटनेने संपूर्ण गंगापूर तालुक्यात खळबळ उडाली आहे. मृतदेह शुक्रवारी (दि. 14) दुपारी गंगापूर तालुक्यातील हदियाबाद-नारवाडी रस्त्यालगत, नारवाडी शिवारातील नळकांडी पुलाजवळ आढळला. याघटनेची माहिती स्थानिक सरपंच आसिफ पटेल आणि समाजसेवक गौरव विधाटे यांनी पोलिसांना तात्काळ दिली.

15 Nov 2025 10:06 AM (IST)

Rajkummar Rao – Patralekha च्या घरी देवीचे आगमन

बॉलिवूड अभिनेते राजकुमार राव आणि पत्रलेखा यांनी एका छोट्या पाहुण्याचं स्वागत केलं आहे. राजकुमार राव आणि पत्रलेखा यांनी इन्स्टाग्रामवर ही माहिती शेअर केली आहे. राजकुमार राव यांनी मुलीच्या जन्माची घोषणा करणारी पोस्ट शेअर केली आहे. पोस्ट शेअर झाल्यापासून चाहते त्यांना शुभेच्छा देत आहेत. त्यांच्या मुलीचा जन्म आज, १५ नोव्हेंबर रोजी झाला. हे लक्षात घेण्यासारखं आहे की राजकुमार आणि पत्रलेखा यांचे लग्न चार वर्षांपूर्वी याच दिवशी झाले होते.

15 Nov 2025 09:59 AM (IST)

डिजिटल अरेस्टच्या नावावर दोघांना गंडा

सायबर गुन्हेगारांनी एका सेवानिवृत्त बँक अधिकाऱ्यासह दोघांना जवळपास 2 कोटी रुपयांचा चुना लावल्याचे उघडकीस आले. पीडित 62 वर्षीय सेवानिवृत्त बँक अधिकारी प्रतापनगर ठाण्यांतर्गत राहतात. 6 नोव्हेंबरला विनिता शर्मा आणि प्रेमकुमार गौतम नावाच्या दोन गुन्हेगारांनी त्यांना दोनदा व्हॉट्सअॅप कॉल केले. दहशतवादी विरोधी पथकाचा (एटीएस) अधिकारी असल्याचे सांगून पीडिताचे नाव मनी लाँड्रिंग प्रकरणात आले असून, त्यांना अटक करण्याची धमकी दिली. घाबरलेल्या पीडिताने अटक न करण्याची विनंती केली.