रविवार, 1 नोव्हेंबर 2026
Virat Kohli Struggles: (फोटो सौजन्य- सोशलमीडिया)
भारतीय वनडे टीम सध्या न्यूझीलंडविरुद्धच्या पाच मॅचच्या वनडे सीरिजसाठी तयारीला लागली आहे. रविवारी टीम इंडियाचं पहिलं प्रॅक्टिस सेशन झालं आणि सगळ्यांचं लक्ष दोनच माणसांवर होतं, विराट कोहली आणि रोहित शर्मा.Virat Kohli Struggles:
दोघेही अनुभवी खेळाडू आहेत, पण नेट्समध्ये त्यांना चांगलाच घाम फोडावा लागला. कारण समोर होते आपलेच तरुण फास्ट बॉलर. न्यूझीलंडच्या खेळपट्ट्या आणि तिथल्या परिस्थितीचा विचार करून ही प्रॅक्टिस ठेवली होती, आणि आपल्या तरुण गोलंदाजांनी तर कमालच केली.
नेट सेशनमध्ये आकिब नबी, अंशुल कंबोज आणि गुरनूर बरार या तीन तरुण वेगवान गोलंदाजांनी घातक बॉलिंग केली. गुरनूर बरार उंचापुरा आहे, त्याने त्याच्या उंचीचा पूर्ण फायदा घेतला. त्याने बॉलला जास्त उसळी दिली, त्यामुळे बॅट्समनला शॉर्ट बॉल खेळायला खूप अवघड जात होतं. बॉल अंगावर येत होता.
अंशुल कंबोजने एकदम अचूक लाईन आणि लेंथवर बॉल टाकला. एकही खराब बॉल नाही. पण सगळ्यात जास्त भाव खाऊन गेला तो आकिब नबी. खास करून जेव्हा तो विराट कोहलीला बॉलिंग करत होता, तेव्हा सगळे बघतच राहिले.या प्रॅक्टिसला वनडे कॅप्टन शुभमन गिल नव्हता. त्यामुळे सगळ्या कॅमेरांचे फोकस विराट आणि रोहितवरच होते. हे सिनियर बॅट्समन न्यूझीलंडच्या वातावरणात कसे खेळतात हे बघण्यासाठीच हे नेट सेशन ठेवलं होतं, पण शेवटी चर्चा झाली ती या तीन तरुण बॉलरचीच.
Virat Kohli And Rohit Sharma Bating Practice Show at Auckland.🔥 https://t.co/Do8ZuYOjFY — Sahil (@SahilSinghadiya) November 1, 2026
आकिब नबी हा नुकताच लिंकनमध्ये इंडिया ए साठी अनऑफिशियल टेस्ट खेळून आलाय, तिथे त्याने भारी कामगिरी केली होती. आता प्रसिद्ध कृष्णा जखमी झाल्यामुळे त्याच्या जागी आकिबला न्यूझीलंडविरुद्धच्या वनडे टीममध्ये घेतलं आहे. त्याने संधीचं सोनं केलं. रिपोर्टनुसार, आकिबने सारखं सारखं बॅटच्या बाहेरील कडेला बॉल घासून नेला. त्याची स्विंग इतकी भारी होती की अनुभवी बॅट्समन पण फसले. विराट कोहलीला तर त्याने खूप त्रास दिला.
Cricket News: प्रियांश राठोडची फटकेबाजी, विहान बोकरियाचा विकेट्सचा चौकार; सीएनए अंतिम फेरीत
कधी कधी विराटने एकदम भारी टायमिंगने फटके मारले, पण बऱ्याच वेळा आकिबने त्याला बीट केलं. त्याने आत येणारे बॉल टाकून विराटच्या पॅडवर आणि थाय पॅडवर मारले. बाहेर जाणाऱ्या बॉलने तर विराटला सारखं फसवलं. एकावेळी तर विराट थोडा वैतागलेलाही दिसला.
पण विराट तो विराटच. त्याचा स्वभावच तसा आहे. थोड्या वेळाने त्याने तो कठीण काळ मागे टाकला आणि पुन्हा जोशात आला. प्रॅक्टिसनंतर तो मैदानाच्या कडेला रोहितसोबत गप्पा मारत, हसत खेळत मस्ती करताना दिसला.
बाकीच्या बॅट्समनसाठी पण हे सेशन सोपं नव्हतं. रोहित शर्माने मात्र घाई केली नाही. त्याने एकदम संभाळून खेळण्याचा प्लॅन केला. पिचचा वेग समजून घेत त्याने आधी डिफेन्स पक्का केला आणि मध्ये मध्ये चांगले फटके पण मारले. नंतर केएल राहुल पण थोडा वेळ प्रॅक्टिससाठी आला होता. ऋतुराज गायकवाडने पण या फास्ट बॉलरचा सामना करत वेळ घालवला.एकंदरीत बघता, न्यूझीलंडला जायच्या आधीच आपल्या तरुण बॉलरनी सिनियर लोकांना चांगलीच प्रॅक्टिस दिली आहे. आकिब नबी नावाचा हा पोरगा जर असाच खेळत राहिला, तर न्यूझीलंडमध्ये तो मोठा गेम चेंजर ठरू शकतो.
Ans: रविवारी भारतीय संघाचे पहिले नेट प्रॅक्टिस सेशन पार पडले.
Ans: युवा वेगवान गोलंदाज आकिब नबीने विराट कोहलीला वारंवार बीट केले.
Ans: आकिब नबी, अंशुल कंबोज आणि गुरनूर बरार यांनी प्रभावी गोलंदाजी केली.
