‘धंगेकरांना केलेले घोटाळे वाचवण्यासाठी सत्तेची गरज, त्यांच्यामुळे पक्षाला…’; काँग्रेसच्या ‘या’ नेत्याची जहरी टीका

पक्षाचा झेंडा कधीही त्यांनी खांद्यावर घेतला नाही. हातात घेतला नाही. आमदार असताना जे काही त्यांनी आंदोलने केली ती व्यक्तिगत केली. त्याचा फॉलोअप पुढे केला नाही. याची सुद्धा तक्रार त्यावेळेला आम्ही प्रदेश काँग्रेसला केली.

'धंगेकरांना केलेले घोटाळे वाचवण्यासाठी सत्तेची गरज, त्यांच्यामुळे पक्षाला...'; काँग्रेसच्या 'या' नेत्याची जहरी टीका (सौजन्य - सोशल मीडिया)

Follow Us:

Follow Us:

पुणे : कसबा विधानसभा मतदारसंघाचे माजी आमदार रवींद्र धंगेकर यांनी सोमवारी उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश केला आहे. काँग्रेसबाबत कोणतीही नाराजी नाही, असे सांगत धंगेकरांनी ‘धनुष्यबाण’ हाती घेतला. आता या राजकीय घडामोडीनंतर पुण्यात काँग्रेस नेत्यांच्या नाराजीच्या प्रतिक्रिया समोर आल्या आहेत.

कॉँग्रेसचे शहराध्यक्ष अरविंद शिंदे यांनी रवींद्र धंगेकर यांच्यावर निशाणा साधला आहे. धंगेकरांनी जे घोटाळे केलेत ते वाचवण्यासाठी त्यांना सत्तेची गरज आहे. म्हणून ते महायुतीत गेल्याची टीका शिंदे यांनी केली आहे. ते म्हणाले, ‘धंगेकर यांना आमदार होण्याची संधी दिली. त्यावेळेला पक्षाला किंवा या शहराला तुम्ही पक्षाच्या आमदारकीच्या माध्यमातून एकही योजना कधीही आणली नाही. म्हणून त्यांच्यावर जर बोलायला गेलो. तर अनेक गोष्टी बोलता येईल. पण खालच्या थराला उठून तुमचे राजकारण त्यांचे जे आहे. ते व्यावसायिक राजकारण आहे’.

तसेच आज त्यांना जे काही त्यांच्याकडे अडीअडचणी येतात. त्यांनी जे दुष्कर्म केले. ते वाचवण्यासाठी त्यांना सत्तेची गरज आहे, म्हणून ते गेलेले आहेत. काँग्रेस पक्ष त्यांना पूर्ण सन्मान दिला गेला, मान दिला गेला असल्याचे शिंदे यांनी सांगितले आहे.

पोटनिवडणुकीत आमचा क्लेम होता तरी…

पोटनिवडणुकीत आमचा क्लेम होता तरी पक्षांनी धंगेकरांना उमेदावारी दिली. आम्ही त्यांचे काम केले. निवडून आले पक्षांनी त्यांना एक आमदार होण्याची संधी दिली. त्यानंतर लोकसभा आणि विधानसभेची उमेदवारी दिली. म्हणजे दोन ते तीन वर्षांमध्ये चार वेळा संधी दिली जे आत्तापर्यंत कोणालाही दिली नाही. निष्ठावंत कार्यकर्ते त्या भागातले असतील. मुक्तार शेख, कमलताई व्यवहारे असेल. अनेकांनी पक्षाला सांगितले की, त्यांची नीतिमत्ता आणि विचारधारा काँग्रेस पक्षाची जुळत नाही. तुम्ही त्यांना संधी देऊ नका. पहिले यांची परीक्षा होऊ द्या. पण पक्षाने त्यांना संधी दिली. ज्या दिवशी ते आमदार झाले त्याच्यानंतर किंवा २०१७ ला जरी नगरसेवक होऊन काँग्रेस बरोबर राहिले.

पक्षाचा झेंडा कधीही त्यांनी खांद्यावर घेतला नाही

पक्षाचा झेंडा कधीही त्यांनी खांद्यावर घेतला नाही. हातात घेतला नाही. आमदार असताना जे काही त्यांनी आंदोलने केली ती व्यक्तिगत केली. त्याचा फॉलोअप पुढे केला नाही. याची सुद्धा तक्रार त्यावेळेला आम्ही प्रदेश काँग्रेसला केली होती. जे आंदोलन ते करत आहेत. ते ससूनच्या पाटीलचे ड्रग्सचा विषय असो, पबच्या विरोधातला असो या कुठंही ह्याच्यामध्ये पक्षाचे आंदोलन नव्हते, असेही शिंदे यांनी यावेळी सांगितले.

Web Title: Arvind shinde criticized on ravindra dhangekar nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com