सोमवार, 2 नोव्हेंबर 2026
पुणे शहराला यलो अलर्ट (फोटो- ai gemini)
सोमवारी शहरात कमाल तापमान २४ अंश सेल्सिअस, तर किमान तापमान २१.२ अंश सेल्सिअस नोंदवले गेले. तापमानातील घसरण आणि दिवसभर ढगाळ वातावरणामुळे हवेत गारवा जाणवत होता. मंगळवारी कमाल तापमान २६ अंश, तर किमान तापमान १९ अंश सेल्सिअस राहण्याचा अंदाज आहे. आकाश सामान्यतः ढगाळ राहून हलक्या ते मध्यम स्वरूपाचा पाऊस पडण्याची शक्यता आहे.
हवामान विभागाच्या माहितीनुसार, पश्चिम मध्य बंगालच्या उपसागरावर तीव्र चक्रीवादळ मुरासू केंद्रित असून, ते पश्चिम-वायव्य दिशेने सरकत आहे. तसेच पूर्व मध्य अरबी समुद्रात कर्नाटक आणि दक्षिण महाराष्ट्राच्या किनारपट्टीलगत समुद्रसपाटीपासून ०.९ किलोमीटर उंचीवर चक्रीय स्थिती निर्माण झाली आहे. याशिवाय पाच ते दहा किलोमीटर उंचीवरील उपोष्णकटिबंधीय पश्चिमी जेट प्रवाह दक्षिणेकडे सरकल्याने वातावरणातील आर्द्रतेत वाढ झाली आहे. या हवामान बदलांमुळे महाराष्ट्रात पुढील २४ तासांत पावसाची शक्यता वर्तवण्यात आली आहे.
पुणे शहर आणि परिसरात पुढील दोन दिवस पावसाचे वातावरण कायम राहण्याचा अंदाज आहे. मेघगर्जना आणि विजांच्या कडकडाटासह पाऊस पडण्याची शक्यता असल्याने नागरिकांनी बाहेर पडताना हवामानाचा अंदाज लक्षात घेऊन नियोजन करावे, असे आवाहन करण्यात आले आहे.
ठिकाण – पाऊस (मिमी)
ढमढेरे – ४३.०
मगरपट्टा – १६.०
हवेली – १३.०
चिंचवड – ११.५
शिवाजीनगर – १०.९
पाषाण – ७.८
एनडीए – ७.०
शिरूर – ७.०
आंबेगाव – ६.०
बारामती – ४.६
हडपसर – ४.०
खडकवासला धरणसाखळीतील चारही धरणांमध्ये मिळून २३.४७ टीएमसी (८०.५२ टक्के) पाणीसाठा आहे. गतवर्षी याच कालावधीत २८.४० टीएमसी (९७.४१ टक्के) पाणीसाठा होता. त्यामुळे यंदा गतवर्षीच्या तुलनेत सुमारे पाच टीएमसीने साठा कमी आहे. सोमवारी चारही धरणांमध्ये नव्याने पाण्याची आवक झालेली नाही.
धरण – पाणीसाठा (टीएमसी) – टक्केवारी
खडकवासला – १.१२ – ५६.८२
पानशेत – ८.२४ – ७७.२६
वरसगाव – १०.९५ – ८५.४१
टेमघर – ३.१४ – ८४.६३
एकूण – २३.४७ -८०.५२
(खडकवासला धरणातून आतापर्यंत स्पिलवेद्वारे १९.०५ टीएमसी पाणी सोडण्यात आले आहे.)
Ans: पुणे शहराला पुढील दोन दिवस यलो अलर्ट देण्यात आला आहे.
Ans: खडकवासला धरणसाखळीत ८०.५२ टक्के पाणीसाठा शिल्लक आहे.
