Raigad News: कळंबच्या रस्त्यावर खड्ड्यांचे साम्राज्य! धोकादायक वळणावर वाहनचालकांची कसरत, प्रशासनाकडे केली ‘ही’ मागणी

कर्जत मुरबाड मार्गवरील कळंब गावाजवळील रस्त्यात दरवर्षी पावसाळ्यात खड्ड्यांचे साम्राज्य पाहायला मिळते. त्यामुळे कळंबच्या धोकादायक वळणावर जीव मुठीत घेऊन वाहन चालवण्याची वेळ वाहनचालकांवर आली आहे.

• कळंब पोलीस स्टेशनजवळील धोकादायक वळणावर मोठ्या प्रमाणात खड्डे पडल्याने वाहनचालकांना जीव मुठीत घेऊन प्रवास करावा लागत आहे.
• रस्ता सरळ करण्यासाठी प्रस्तावित पुलाचे काम अनेक वर्षांपासून रखडल्याने कळंबजवळील महामार्गाचा भाग अपूर्ण राहिला आहे.
• खड्ड्यांची तात्पुरती डागडुजी न करता पुलाचे काम पूर्ण करून रस्त्याचे काँक्रीटीकरण करण्याची मागणी नागरिकांनी केली आहे.

कर्जत: कर्जत-मुरबाड राष्ट्रीय महामार्गावरील कळंबचा हा वळणदार रस्ता खड्ड्यांच्या विळख्यात सापडतो, यंदाही त्याला अपवाद ठरला नाही. कळंब पोलीस स्टेशनच्या पुढील धोकादायक वळणावर सध्या प्रचंड मोठ्या प्रमाणात खड्डे पडले असून, या मार्गावरून प्रवास करणाऱ्या वाहनचालकांना जीव मुठीत घेऊन वाहने चालवावी लागत आहेत. कर्जत-मुरबाड राष्ट्रीय महामार्ग हा महत्त्वाचा मार्ग असून या मार्गावर दिवसभर मोठ्या संख्येने अवजड वाहनांची वाहतूक सुरू असते.

Raigad News: गोदरेज कंपनीतील स्थानिकांच्या हितासाठी ठाकरे गट मैदानात; कामगारांच्या पाठीशी उभे राहण्याचा निर्धार

राष्ट्रीय महामार्ग रस्त्याचे नाव देण्यात आलेल्या कर्जत मुरबाड मार्गवरील कळंब गावाजवळील रस्ता अद्याप काँक्रीटचा बनवला नाही. कळंबजवळील या वळणाचा भाग अद्याप काँक्रीट करण्यात आलेला नाही. रस्ता सरळ करण्यासाठी प्रस्तावित असलेल्या पुलाचे काम अनेक वर्षांपासून रखडल्याने वळणाचा हा भाग अपूर्ण राहिला आहे. त्यामुळे दरवर्षी पावसाळ्यात याच ठिकाणी मोठमोठे खड्डे पडत असल्याचे चित्र आहे. राज्य रस्ते विकास महामंडळ यांच्या अखत्यारीत असलेल्या शहापूर-मुरबाड-कर्जत-खोपोली या राष्ट्रीय महामार्ग रस्त्यावरील खड्डे बुजविण्याची तात्पुरती कार्यवाही केली जाते. त्यात पाऊस आणि अवजड वाहनांच्या सततच्या वाहतुकीमुळे काही दिवसांतच हे खड्डे पुन्हा उखडतात.

काम झालेल्या नाल्यावरील पूल तातडीने सुरू करा !

दरवर्षी खड्डे बुजविण्याऐवजी या समस्येवर कायमस्वरूपी तोडगा काढण्याची मागणी नागरिक व वाहनचालकांकडून होत आहे, कळंबजवळील अपूर्ण राष्ट्रीय महामार्गाचे काँक्रीटीकरण तातडीने पूर्ण करावे, रस्ता सरळ करण्यासाठी रखडलेले पुलाचे काम पूर्ण करावे तसेच पूर्ण झालेला नाल्यावरील पूल तातडीने वाहतुकीसाठी सुरू करावा, अशी मागणी आहे.

‘या’ आहेत मागण्या

• कळंबजवळील अपूर्ण काँक्रीट रस्त्याचे काम तातडीने पूर्ण करून रस्ता सरळ करण्यात यावा.
• अनेक वर्षांपासून रखडलेले पुलाचे काम मार्गी लावावे.
• पूर्ण झालेला नात्यावरील पूल वाहतुकीसाठी खुला करावा आणि तोपर्यंत धोकादायक वळणावरील खड्चांची कायमस्वरूपी दुरुस्ती करावी.

Bhuleshwar Ganapati Incident: मुंबईत गणपती आगमन मिरवणुकीला गालबोट; ‘भुलेश्वरचा राजा’ची मूर्ती कोसळली, दोघांचा मृत्यू

पावसाळा आला की खड्डे पडतात, खड्डे बुजवतात, पाऊस थांबल्यावर पुन्हा खड्डे दिसतात. दरवर्षी अशी परिस्थिती ही गंभीर आहे. खड्ड्यांवर तात्पुरती मलमपट्टी करण्यापेक्षा रखडलेले पुलाचे काम पूर्ण करून रस्ता कायमस्वरूपी काँक्रीट करणे गरजेचे आहे. एखादा मोठा अपघात होऊन जीवितहानी होण्याची प्रशासनाने वाट पाहू नये. -मूहिब लोगडे, सामाजिक कार्यकर्ते

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)