रविवार, 27 सप्टेंबर 2026
Ramdas Athawale : रामदास आठवलेंच नवं दबाव तंत्र; महामंडळ व विधानपरिषदेसाठी मुख्यमंत्र्यांनी आश्वासन दिल्याची ग्वाही, सौजन्य : सोशल मीडिया
ते म्हणाले की, आम्ही आमच्या ताकदीवर निवडून येतं नाही, मात्र आरपीआय पक्ष जरी महाराष्ट्रात सत्तेत नसला तरी कोणाला निवडून आणायचं आणि कोणाला पाडायचं ही ताकद आणि मते आमच्याकडे आहेत. तसेच कार्यकर्त्यांची ताकद माझ्या मागे ठामपणे उभी असल्याचे मत आठवले यांनी यावेळी व्यक्त केलं.
मुख्य निवडणूक आयुक्तांच्या राजीनामा मागण्याच्या मुद्द्यावरून केंद्रीय राज्यमंत्री रामदास आठवले यांनी कॉक्रोज जनता पार्टीवर (CJP) टिका केली आहे. फक्त ही लोक राजीनामा मागण्यासाठीच आहेत का? असा सवाल त्यांनी केला. तसेच त्यांनी आपलं नाव बदलून राजीनामा जनता पार्टी करावं असा खोचक टोलाही लगावला.
रामदास आठवले यांच्या केंद्रीय मंत्री पदाला दहा वर्ष पूर्ण होत आहेत, त्या निमित्ताने त्यांचा रायगडचा पाली येथे भव्य सत्कार आयोजित करण्यात आला होता. यावेळी ते बोलत होते.
रायगडमधील एकच श्रीवर्धन तालुक्याचा दुष्काळी तालुका म्हणून समावेश करण्यात आला आहे. यावर बोलताना आठवले म्हणाले की, बाकीच्या तालुक्यांचा देखील विचार होणे गरजेचे आहे.
भात शेतीचे कोठार म्हणून ओळखल्या जाणाऱ्या रायगड जिल्ह्यात अनेक तालुक्यांमध्ये उशिरा आलेला पाऊस, त्यानंतर जास्त पडलेल्या पावसामुळे पुराच्या पाण्यात वाहून गेलेली भात शेती अशा अनेक कारणांमुळे भातशेती अडचणीत आहे. असं असताना अनेक तालुक्यांचा विचार होणे गरजेचे आहे, त्यासाठी मी नक्की विचार आणि प्रयत्न करेन असे वक्तव्य रामदास आठवले यांनी केलं आहे.
ते म्हणाले की, मी सरकारमध्ये दहा वर्ष काम करतोय. या सरकारनं देशाच्या इकॉनॉमीला फार मोठी चालना दिली आहे. देशात सरकारच्या अनेक योजनांच्या माध्यमातून मदत मिळत आहे. मी मागील 10 वर्षात माझ्या पक्षाला वाढवण्यासाठी अनेक प्रयत्न केलं आहेत.
माझी भूमिका गोरगरिबांना न्याय देणारी आहे. देशाच्या प्रत्येक राज्यात आरपीआयची शाखा आहे. महाराष्ट्रात यापुढे दोन खासदार निवडून आले तर राज्यात आपला पक्ष मान्यताप्राप्त होऊ शकतो असेही ते म्हणाले.
