बुधवार, 21 ऑक्टोबर 2026
Raigad News: श्रीवर्धनच्या समुद्रकिनाऱ्यावर पुन्हा शुकशुकाट! सुट्ट्या संपताच पर्यटकांची गर्दी ओसरली, विक्रेत्यांची चिंता वाढली
टायगर लक्ष्यावर नव्हताच! आधी अमिताभ, आमीर, अक्षयची रेकी; ‘डेड लेटर बॉक्स’ने मुंबईत आले शस्त्र
श्रीवर्धन हे कोकणातील एक महत्त्वाचे पर्यटनस्थळ म्हणून ओळखले जाते. विस्तीर्ण समुद्रकिनारा, निसर्गसौंदर्य, ऐतिहासिक वारसा आणि शांत वातावरणामुळे राज्याच्या विविध भागांतून पर्यटक येत असतात. शनिवार-रविवार आणि सलग सुट्टयांच्या काळात पर्यटकांची संख्या वाढते. ऑक्टोबरच्या सुरुवातीला सलग सुट्ट्या मिळाल्याने पर्यटकांनी श्रीवर्धनकडे धाव घेतली होती. समुद्रकिनाऱ्यावर पर्यटकांची वर्दळ वाढली होती, तर हॉटेल, लॉजिंग, खानावळी आणि खाद्यपदार्थांच्या स्टॉलवरही गर्दी पाहायला मिळाली. सुट्टया संपल्यानंतर परिस्थिती बदलली असून, पूर्वी पर्यटकांच्या वर्दळीने गजबजलेला परिसर आता तुलनेने शांत दिसू लागला आहे.
अनेक कुटुंबांचा उदरनिर्वाह पर्यटन व्यवसायावर अवलंबून आहे. हॉटेल, लॉजिंग, खानावळी, चहा-नाश्त्याची दुकाने, खाद्यपदार्थ विक्रेते, विविध सुविधा पुरविणाऱ्या व्यावसायिकांसमोर आव्हान ठरत आहे. पर्यटकांची संख्या कमी झाल्याने हॉटेलमधील खोल्यांची मागणी घटते, तसेच खाद्यपदार्थ आणि इतर सेवांच्या विक्रीवरही परिणाम होतो.
श्रीवर्धनच्या पर्यटन व्यवसायाला वर्षभर चालना मिळण्यासाठी केवळ सलग सुट्ट्यांवर अवलंबून न राहता पर्यटकांचा नियमित ओघ टिकवणे आवश्यक आहे. समुद्रकिनाऱ्याची स्वच्छता, सुरक्षितता, मूलभूत सुविधा, वाहनतळ व्यवस्था आणि पर्यटकांना आकर्षित करणाऱ्या उपक्रमांवर भर दिल्यास पर्यटन व्यवसायाला अधिक चालना मिळेल. सुट्टयांच्या काळात पर्यटकांच्या गर्दीने गजबजलेला श्रीवर्धनचा समुद्रकिनारा आता पुन्हा पर्यटकांच्या प्रतीक्षेत आहे. आगामी काळात पर्यटकांची संख्या वाढून पर्यटन व्यवसायाला पुन्हा तेजी येते का, याकडे स्थानिक हॉटेल व्यावसायिक आणि पर्यटनाशी संबंधित घटकांचे लक्ष लागले आहे.
