Maharashtra Election 2024: अपक्ष उमेदवारांमुळे ‘मविआ’चे टेन्शन वाढले; ‘या’ जिल्ह्यात होणार अटीतटीची लढाई

माञ मराठा, मुस्लिम, दलित मते निर्णणायक ठरणार आहे .धर्मराज काडादी दक्षिण सोलापूर, रणजीतसिंह शिंदे माढा,संजयमामा शिंदे करमाळा, भाजपा बंडखोर शोभा बनशेट्टी या अपक्ष उमेदवारांनी मतांचे गणित बिघडवली आहेत. शहर उत्तर मतदारसंघात भाजपाचे माजी पालकमंत्री विजयकुमार देशमूख यांच्या विरोधात शरदपवार गटाचे माजी महापौर महेश कोठे आणि अपक्ष उमेदवार शोभा बनशेट्टी यांनी तगडी फाईट दिली आहे. शहर मध्य मध्ये भाजपा आणि माकपचे वादावादी मतदारां समोर मांडण्यात आली. काँग्रेस भाजपा आणि एमआयएम मध्ये लढत होत आहे. तर दक्षिण मध्ये महाविकास आघाडी उबाठा गटाचे उमेदवार अमर पाटील यांच्या विरोधातील अपक्ष उमेदवार धर्मराज काडादी यांना माजीकेंद्रीय गृहमंत्री सुशिलकुमार शिंदे खा. प्रणिती शिंदे यांनी पाठींबा दिल्याने शिवसेना काँग्रेसचा वाद विकोपाला पोहचला आहे.

बार्शीत शिवसेना विरुध्द शिवसेना आशी लढत होत असून मराठा मते निर्णाणयक ठरणार आहे .पंढरपूरात महा विकास आघाडीचे उमेदवार आमने सामने आले आहेेत . भगीरथ भालके काँग्रेस तर शरद पवार गटातून अनिल सावंत यांना उमेदवारी दिल्याने मतांचे विभाजन होण्याची दाट शक्यता वर्तविण्यात आली आहे .सांगोल्यात शिवसेना विरुद्ध शिवसेना लढत होत असताना शेकापचे उमेदवार बाबासाहेब देशमुख यांची शिट लागण्याची शक्यता वर्तवली जात आहे. माळशिरस मध्ये दुरंगी थेट लढत होत आहे. भाजपाचे राम सातपुते विरुध्द शरद पवार गटाचे उत्तम जानकर यांची कडवी झुंज आहे . मोहोळ राखीव मतदार संघात शरद पवार विरुध्द अजित पवार गट लढत होत आहे . अनगर अपर तहसीलदार कार्यालय आणि मराठा फॅक्टर मतदार संघात चालणार असल्याची चर्चा आहे .

महिला मतदारांच्या बाबतीत लोकसभा आणि विधानसभा निवडणुकीपूर्वी विशेष मोहीम राबविण्यात आल्यामुळे महिलांचा टक्का या निवडणुकीत वाढला आहे. इतकेच नाहीतर महायुती सरकारने मुख्यमंत्री लाडकी बहीण योजना नेटाने चालविल्याने हा महिलांचा मताचा वाढलेला टक्का कोणाला तारणार? याबाबतही जनतेतून तर्कवितर्क चालू आहेत.

२०१९ साली विधानसभा निवडणुकीत जिल्हाभरातील ११ मतदारसंघात २२ लाख १८ हजार २२४ इतके मतदान झाले होते तर यावर्षी यामध्ये ३ लाख ८८ हजार ३४७ ची वाढ झाली असून, २०२४ च्या विधानसभा निवडणुकीत २६ लाख ०६ हजार ५७१ जणांनी आपला मतदानाचा हक्क बजावला आहे.