Jat News: जत शहरात घाणीचे साम्राज्य; नगरपरिषदेचा अनागोंदी कारभार, रोगांचा फैलाव

जत नगरपरिषदेच्या सर्वच प्रभागात मोठ्याप्रमाणात कच-याची समस्या निर्माण झाली आहे. जत नगरपरिषदेने शहरातील कचरा उचलने व त्याची विल्हेवाट लावण्यासाठी ठेकेदार नियुक्त केले असलेतरी शहरातील सर्वच प्रभागात मोठ्याप्रमाणात कचरा साचलेला दिसून येत आहे.
त्याच प्रमाणे शहरातील गटारीही तुंबल्या असून गटारी तुंबल्यामुळे गटारीचे पाणी रस्त्यावर येऊन जागोजागी डबकी पडत आहेत. तुंबलेल्या गटारीमुळे दुर्गंधी पसरत असून साचलेल्या घाणीमुळे मोठ्याप्रमाणात डासांची उत्पत्ती होत आहे.त्यातच नगरपरिषदेने प्रभाग क्रमांक ८ व ५ मध्ये नव्यानेच नविन गटारीसाठी जे.सी.बी.ने चर काढल्याने व कचरा रस्त्यावरच टाकल्याने आरोग्य समस्या वाढल्या आहेत. हे काम लवकरात लवकर पूर्ण करावे अशी मागणी शहरवासियांकडून करण्यात येत आहे. डासांच्या वाढत्या उत्पत्तीमुळे शहरात डेंग्यू, मलेरिया तसेच विविध आजार डोके वर काढत असून डासांचा फैलाव रोखण्यासाठी जत नगरपरिषदेने त्वरीत डासप्रतिबंधक औषध फवारणी करण्याची गरज आहे.जत नगरपरिषदेचे मुख्याधिकारी हे शहरातील नागरिसमस्येकडे गांभीर्याने पहात नसल्याने त्यांच्या विषयी जनतेत नाराजी आहे.मुख्याधिकारी म्हणून जी भूमिका त्यांनी घ्यायला पाहीजे त्याकडे ते जाणीवपूर्वक दुर्लक्ष करित असल्याने शहराचा विकास खुंटला आहे. मुख्याधिकारी हे क्वचीतच नगरपरिषद ऑफीसात दिसतात.तर स्वच्छता विभागाकडील अधिकारी व कर्मचारी यांना कसलेही गांभीर्य नाही.त्यामुळे जत नगरपरिषदेची  मुख्याधिकारी पद असून अडचण नसून खोळंबा अशी झाली आहे.

शहरातील प्रभाग क्र.८ मधिल इदगाह मैदान ते जत हायस्कूल कडे जाणा-या रस्त्यावरील अतिक्रमण श्री.यल्लमादेवी यात्रेपूर्वी थोड्या प्रमाणात काढण्यात आले असलेतरी कोळी घर ते पडळकर घरापर्यंत च्या रस्त्यावर मोठ्याप्रमाणात खड्डे पडल्याने व या खड्ड्यात गटारीचे पाणी साचून राहील्याने व पाणी रस्त्यावर पसरल्याने मोठी आरोग्य समस्या निर्माण झाली आहे. कोडग काॅम्प्लेक्स समोरील गटारतर पूर्णपणे चाॅकप झाली आहे.व या परीसरात डासांची संख्या वाढली आहे.

जत नगरपरिषद शेजारील ओढापात्रात तर मोठ्याप्रमाणात काटेरी झाडे उगवली असून यामुळे ओढापात्र पूर्णपणे झाकून गेले आहे. यामुळेही मोठ्याप्रमाणात डासांची उत्पत्ती होत असून नगरपरिषदेने त्वरीत ही ओढापात्रातील बल्लारी काढून टाकण्यासाठी आपल्याकडील यंत्रणेमार्फत सुरूवात करावी व स्वच्छ जत, सुंदर जत चा नारा प्रत्यक्षात आणावा ही अपेक्षा जत शहरवासियांकडून होताना दीसत आहे.

जत पोलिसांची मोठी कारवाई

पुण्यात चोरट्यांनी धुमाकूळ घातला असून, पुण्यातील वेगवेगळ्या भागातून चोरीच्या घटना उघडकीस येत असतात. अशातचं आता जत पोलीस ठाण्याच्या गुन्हे प्रकटीकरण पथकाने २४ तासांत वयोवृद्ध महिलेला लुटणाऱ्या आरोपीस अटक केली आहे. आरोपीने चोरलेला १ लाख ३५ लख रुपये किमतीचा मुद्देमाल हस्तगत केला आहे. आरोपीचे नाव महादेव मारुती ठवरे (वय ४०, घाटगेवाडी रोड, रामपूर ता. जत) असे आहे.