Water Shortage
Wardha News : महाराष्ट्र जीवन प्राधिकरणाच्या पिपरी-मेधेसह १४ गावांच्या प्रादेशिक पाणीपुरवठा योजनेअंतर्गत २१ ऑक्टोबरपासून सलग ५ दिवस पाणीपुरवठा बंद राहणार आहे. आवश्यक तांत्रिक कामासाठी हा शटडाऊन घेण्यात येणार असून, संबंधित गावांतील नागरिकांनी पिण्याच्या पाण्यासह दैनंदिन वापरासाठी पुरेसा पाणीसाठा करून ठेवावा, असे आवाहन महाराष्ट्र जीवन प्राधिकरणाने केले आहे.
समृद्धी महामार्गावरील इंटरचेंज क्रमांक ४, येळकेळी परिसरात ७०० मिमी व्यासाची डक्टाइल आयर्न (डीआय) जलवाहिनी क्रॉसिंग करून सध्याच्या मुख्य कच्च्या पाणी उपसा पाइपलाइनला जोडण्याचे महत्त्वपूर्ण काम करण्यात येणार आहे. हे गुंतागुंतीचे असल्याने ते सुरक्षितपणे पूर्ण काम तांत्रिकदृष्ट्या जलवाहिनीतून होणारा करण्यासाठी मुख्य पाणीपुरवठा तात्पुरता बंद ठेवणे आवश्यक आहे.
नियोजित शटडाऊनमुळे पिपरी (मेघे), कारला, साटोडा, आलोडी, नालवाडी, म्हसाळा, वरूड, सिंदी मेधे, उमरी मेघे, सावंगी मेघे, बोरगाव-मेधे, वायगाव (निपाणी) आणि सेलू (काटे) या गावांतील पाणीपुरवठा प्रभावित होणार आहे. संबंधित गावांतील नागरिकांनी २१ ऑक्टोबरपूर्वी पुढील चार ते पाच दिवसांच्या गरजेनुसार पिण्याचे तसेच दैनंदिन वापराचे पाणी साठवून ठेवावे, असे आवाहन प्राधिकरणाने केले आहे.
दरम्यान, पिपरीसह १४ गावांना पाणीपुरवठा करणाऱ्या धाम जलाशयात सध्या केवळ ७० टक्के जलसाठा उपलब्ध आहे. त्यामुळे आगामी काळात पाणीटंचाईची शक्यता व्यक्त केली जात आहे. उपलब्ध पाण्याचे योग्य नियोजन करण्यासाठी प्रशासनाकडून उपाययोजना केल्या जात आहेत. परिणामी, ऑक्टोबर महिन्याच्या अखेरीस पिपरीसह १४ गावांमध्ये आठवड्यातून केवळ एकदाच पाणीपुरवठा करण्याचा निर्णय होण्याची शक्यता असल्याची माहिती आहे.
जलवाहिनीचे क्रॉसिंग आणि जोडणीचे काम पूर्ण झाल्यानंतर आवश्यक तांत्रिक तपासणी करण्यात येईल. त्यानंतर पाणीपुरवठा टप्याटप्प्याने पूर्ववत केला जाणार आहे. त्यामुळे काही भागांत नियमित पाणीपुरवठा सुरू होण्यास आणखी वेळ लागू शकतो. या आवश्यक कामासाठी नागरिकांनी सहकार्य करावे, असे आवाहन महाराष्ट्र जीवन प्राधिकरणाचे उपविभागीय अभियंता दीपक धोटे यांनी केले आहे.
Ans: तांत्रिक कामासाठी २१ ऑक्टोबरपासून सलग पाच दिवस पाणीपुरवठा बंद ठेवण्याचे नियोजन आहे.
Ans: पिपरी (मेघे), कारला, साटोडा, आलोडी, नालवाडी, म्हसाळा, वरूड, सिंदी मेधे, उमरी मेघे, सावंगी मेघे, बोरगाव-मेधे, वायगाव (निपाणी) आणि सेलू (काटे) या गावांचा समावेश आहे.
Ans: धाम जलाशयातील पाणीसाठ्याच्या पार्श्वभूमीवर असा निर्णय होण्याची शक्यता व्यक्त करण्यात आली आहे.
.png "Videos"){kind=small}
