राज्यातील 12 जिल्हा परिषद आणि 125 पंचायत समितींचे निकाल
09 Feb 2026 08:58 AM (IST)
पुणे जिल्ह्यातील मिनी मंत्रालयाचा म्हणजेच जिल्हा परिषद आणि पंचायत समितीच्या निवडणुकीचा बहुप्रतिक्षित निकाल आज जाहीर होणार आहे. जिल्हा परिषदेच्या ७३ आणि पंचायत समितीच्या १४६ जागांसाठी झालेल्या या मतदानानंतर जिल्ह्याच्या ग्रामीण राजकारणात कोणाचे वर्चस्व राहणार, याबाबत मोठी उत्सुकता निर्माण झाली आहे.
यंदा पुणे जिल्ह्यात सरासरी ६८.८९ टक्के मतदान नोंदवण्यात आले असून, मागील निवडणुकीच्या तुलनेत मतदानाचा टक्का काहीसा घटला आहे. विशेषतः बारामतीमधील निवडणूक राजकीय वर्तुळात सर्वाधिक चर्चेचा विषय ठरली आहे. बारामतीमध्ये ५४.९० टक्के इतके निचांकी मतदान झाल्याने, या उदासीनतेचा फटका कोणाला बसणार आणि फायदा कोणाला होणार, यावर आता गणिते मांडली जात आहेत. मावळ, भोर, शिरूर आणि खेड यांसारख्या तालुक्यांमध्ये मात्र मतदारांनी मतदानाचा उत्साह दाखवत मोठा प्रतिसाद दिला आहे.
09 Feb 2026 08:45 AM (IST)
जिल्हा परिषद व पंचायत समिती निवडणुकीचा प्रचार सुरु असताना राज्याचे उपमुख्यमंत्री अजित पवार यांचा विमान अपघातामध्ये मृत्यू झाला होता. त्यामुळे पुणे जिल्ह्यासह पश्चिम महाराष्ट्रात निवडणुकीचा प्रचार थंडावला होता. मुख्यमंत्री देवेंद्र फडणवीस व इतर प्रमुख नेत्यांनी प्रचारसभा घेणे टाळले होते. मात्र, असे जरी असले तरी अजित पवार हे प्रचारसभांसाठीच जात असताना हा अपघात झाल्याने भावनिक लाट निर्माण होण्याची शक्यता आहे.
09 Feb 2026 08:44 AM (IST)
संपूर्ण राज्याचे लक्ष लागून राहिलेल्या धाराशिव जिल्हा परिषद आणि पंचायत समिती निवडणुकीचा आज फैसला होणार आहे. जिल्ह्यातील ५५ जिल्हा परिषद आणि ११० पंचायत समिती जागांसाठी आज सकाळी १० वाजल्यापासून मतमोजणीला सुरुवात होत आहे. या निवडणुकीत राज्यातील दिग्गज राजकीय नेत्यांची प्रतिष्ठा पणाला लागली असून जिल्ह्यावर कोणाचे वर्चस्व राहणार, याचा निकाल आज स्पष्ट होईल.
या निवडणुकीच्या निमित्ताने माजी मंत्री तानाजी सावंत, भाजपा आमदार राणा जगजितसिंह पाटील, शिवसेना (उबाठा) खासदार ओमराजे निंबाळकर आणि भाजपा नेते बसवराज पाटील यांसारख्या बड्या नेत्यांमध्ये मोठी चुरस पाहायला मिळत आहे. जिल्हा परिषदेच्या २३४ उमेदवारांच्या आणि पंचायत समितीच्या २९३ उमेदवारांच्या भवितव्याचा फैसला आज मतमोजणीनंतर होणार आहे.
09 Feb 2026 08:40 AM (IST)
संपूर्ण राज्याचे लक्ष लागून राहिलेल्या राज्यातील १२ जिल्हा परिषदा आणि १२५ पंचायत समित्यांच्या निवडणुकांचा निकाल आज जाहीर होणार आहे. सकाळी १० वाजल्यापासून मतमोजणी प्रक्रियेला सुरुवात होत असून, ग्रामीण राजकारणात कोणता पक्ष बाजी मारणार आणि कोण गुलाल उधळणार, याचा फैसला काही तासांतच स्पष्ट होईल.
लातूर जिल्ह्यात काल जिल्हा परिषदेच्या ५९ जागांसाठी आणि १० पंचायत समित्यांच्या ११८ जागांसाठी चुरशीने मतदान पार पडले. जिल्ह्यातील ९ लाख ५१ हजार मतदारांपैकी ६४ टक्के मतदारांनी आपला हक्क बजावला असून, प्रशासनाने आजच्या मतमोजणीसाठी कडेकोट बंदोबस्त आणि व्यापक तयारी पूर्ण केली आहे.
09 Feb 2026 08:35 AM (IST)
पश्चिम महाराष्ट्र, मराठवाडा आणि कोकणात महायुती आणि महाविकास आघाडी यांच्यापैकी कोणाची सरशी होणार, हे बघावे लागेल. यापूर्वी झालेल्या नगरपालिका आणि महानगरपालिकांच्या निवडणुकीत भाजप राज्यातील सर्वाधिक मोठा पक्ष ठरला होता.
09 Feb 2026 08:35 AM (IST)
कोकणातील जिल्हा परिषद आणि पंचायत समिती निवडणुकीच्या निकालापूर्वीच महायुतीने मोठी आघाडी घेतली आहे. संपूर्ण कोकण पट्ट्यात महायुतीचे तब्बल २७ उमेदवार बिनविरोध निवडून आले असून, यामध्ये सिंधुदुर्ग जिल्ह्याने बाजी मारली आहे. ५० सदस्य संख्या असलेल्या सिंधुदुर्ग जिल्हा परिषदेत महायुतीने ८ जागांवर बिनविरोध विजय मिळवला आहे.
भाजपचे ७ आणि शिंदे गटाचा १ सदस्य विजयी.
एकूण १०० जागांपैकी १७ जागांवर महायुतीचे उमेदवार बिनविरोध निवडून आले आहेत. यामध्ये भाजपचे १६ आणि शिंदे शिवसेनेचा १ उमेदवार आहे.
09 Feb 2026 08:25 AM (IST)
ग्रामीण भागातील विकासकामे आणि निधीवाटपाच्या दृष्टीने पंचायत समिती आणि जिल्हा परिषदा महत्त्वाच्या असतात. त्यामुळे याठिकाणी आता कोणाची सत्ता येणार, हे आज स्पष्ट होईल.
09 Feb 2026 08:15 AM (IST)
रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव, लातूर या 12 जिल्हा परिषदा आणि त्याअंतर्गत येणाऱ्या 125 पंचायत समित्यांसाठी सरासरी 68.28 टक्के मतदान झाले होते.
09 Feb 2026 08:06 AM (IST)
या निवडणुकीची मतमोजणी सकाळी 10 वाजता सुरु होणार आहे. त्यानंतर साधारण चार ते पाच तासांमध्ये या निवडणुकीच्या निकालाचे चित्र स्पष्ट होण्याची शक्यता आहे. या निकालात कोणता पक्ष बाजी मारणार, याकडे सर्वांच्या नजरा लागल्या आहेत.
09 Feb 2026 07:55 AM (IST)
निवडणुकीत राज्यभरातील ७४३८ उमेदवारांचे भवितव्य मतयंत्रात बंद झाले आहे. १२ जिल्हा परिषद क्षेत्रात सकाळी ७:३० वाजता मतदानाला सुरुवात झाली. जिल्हा परिषदेच्या ७३१ जागांसाठी एकूण २६२४ उमेदवार रिंगणात आहेत. निवडणुकीची मतमोजणी आज होणार असून, त्यानंतर आचारसंहिता उठवली जाणार आहे.
09 Feb 2026 07:50 AM (IST)
राज्यातील जिल्हा परिषदांसह पंचायत समितीच्या निवडणुकीची मतमोजणी आज घेतली जाणार आहे. या मतमोजणीच्या पार्श्वभूमीवर सर्वच मतमोजणी केंद्रांवर चोख सुरक्षा व्यवस्था तैनात करण्यात आली आहे.
ZP Election Results Live Update : जिल्हा परिषद आणि पंचायत समितींच्या निवडणुकीची मतमोजणी आज होणार आहे. त्यानंतर आचारसंहिता उठवली जाणार आहे. जिल्हा परिषदेच्या ७३१ जागांसाठी एकूण २६२४ उमेदवार रिंगणात आहेत. या निवडणुकीची मतमोजणी सकाळी दहापासून सुरु होणार असल्याची माहिती दिली जात आहे. त्यानंतर राज्यातील निवडणुकीचे कल समोर येणार आहेत. यामुळे राज्यभरातील ७४३८ उमेदवारांची धाकधूक आणखी वाढली आहे.
निवडणुकीच्या आयोजित कार्यक्रमानुसार, ५ फेब्रुवारीला मतदान होऊन ७ फेब्रुवारीला निकाल जाहीर केले जाणार होते. मात्र, तत्कालीन उपमुख्यमंत्री अजित पवार यांच्या अपघाती निधनामुळे निवडणुका पुढे ढकलण्यात आल्या. आता या निवडणुकीत राज्यभरातील ७४३८ उमेदवारांचे भवितव्य मतयंत्रात बंद झाले आहे. १२ जिल्हा परिषद क्षेत्रात सकाळी ७:३० वाजता मतदानाला सुरुवात झाली. जिल्हा परिषदेच्या ७३१ जागांसाठी एकूण २६२४ उमेदवार रिंगणात आहेत. निवडणुकीची मतमोजणी आज होणार असून, त्यानंतर आचारसंहिता उठवली जाणार आहे.
