आणि ती घरी आली! अमृता गेली भारावून, हातात ट्रॉफी अन् देवाचे आभार, सोशल मीडियावर झाली व्यक्त

अमृता खानविलकरला यावर्षी चंद्रमुखीच्या भूमिकेसाठी महाराष्ट्र राज्य पुरस्कार प्राप्त झाला आहे. अखेर तिला ही ट्रॉफी हातात मिळाल्यावर तिने तिच्या भावना व्यक्त केल्या आहेत, चाहत्यांशी केले शेअर

अमृता खानविलकरची भावूक पोस्ट (फोटो सौजन्य - इन्स्टाग्राम)

Follow Us:

Follow Us:

• अमृता खानविलकरच्या हाती आली महाराष्ट्र राज्य चित्रपट पुरस्काराची ट्रॉफी
• भावूक होत लिहिली पोस्ट
• अमृतासाठी प्रसाद ओकने स्वीकारला होता पुरस्कार

परदेशात असताना अमृताला उत्कृष्ट अभिनेत्री म्हणून यंदाचा 60 आणि 61 वा महाराष्ट्र राज्य चित्रपट पुरस्कार प्राप्त झाला पण ती परदेशात असल्याने हा पुरस्कार दिग्दर्शक प्रसाद ओक यांनी स्वीकारला होता आणि आता अमृताच्या घरी ” ती ” चं खास आगमन झालं आणि हीच गोड बातमी तिने सोशल मीडिया वर फोटो पोस्ट करून दिली आहे. 

अमृताने आजवर अनेक हिंदी मराठी चित्रपट स्वतःच्या अभिनयाची चुणूक दाखवून दिली एवढं नाही तिच्या नृत्य कौशल्यांचा चर्चा देखील तितक्याच आहेत आणि यंदाचा 60 आणि 61 वा महाराष्ट्र राज्य चित्रपट पुरस्कार सोहळ्यात तिला चंद्रमुखी साठी सर्वोत्कृष्ट अभिनेत्रीचा पुरस्कार मिळाला. चंद्रमुखी हा चित्रपट अमृतासाठी कायम खास राहिला आहे आणि तिचा हा पहिला वहिला राज्य चित्रपट पुरस्कार असल्याने तो अजून खास झाला आहे.

अनुपम खेर, मुक्ता बर्वे आणि महेश मांजरेकर यांना मिळाला महाराष्ट्र चित्रपट पुरस्कार, ‘या’ कलाकारांनाही केले सन्मानित

परेदशात असताना मिळाला सन्मान 

अमृता हल्ली अनेक प्रोजेक्ट्स साठी परदेश दौरा करत आहे आणि तिने भारतात परत आल्यावर आज हा खास क्षण सगळ्यांसोबत शेयर केला आहे. आईच्या हातात असलेला महाराष्ट्र राज्य चित्रपट पुरस्कार आणि अमृता असे खास फोटो तिने सोशल मीडिया वर पोस्ट केले आहेत आणि एक भावनिक पोस्टदेखील लिहिली आहे.

अमृता ने हातात ही खास ट्रॉफी पकडलेला फोटो पोस्ट करून लिहिलं ” एकदाचा हातात पुरस्कार आला खूप आनंद होतोय. खूप खूप धन्यवाद महाराष्ट्र राज्य शासन या खास शाबासकी बद्दल ! चंद्रमुखीच्या संपूर्ण कास्ट आणि टीमचे विशेष आभार मला ही संधी दिल्या बद्दल मी कायम ऋणी राहीन. इतकचं नाही संपूर्ण प्रवासात माझ्या सोबत असलेल्या प्रत्येकाचे खूप आभार आणि स्वामी शिवाय हे शक्य नव्हतं श्री स्वामी समर्थ ! 

प्रसाद आणि मंजिरीचेही मानले आभार

चंद्रमुखी हा चित्रपट प्रसाद ओकने दिग्दर्शित केला होता आणि या चित्रपटाला भरभरून प्रतिसाद मिळाला. दरम्यान अमृताने मंजिरी आणि प्रसाद ओक यांचे नेहमची कौतुक केले आहे आणि यावेळीही तिने त्या दोघांचे मनापासून आभार मानलेले दिसून आले. 

आयुष्यात पहिल्यांदा घडलेल्या गोष्टी कौतुक काही औरच असत असं म्हणतात ना म्हणून हा पहिला वहिला महाराष्ट्र राज्य चित्रपट पुरस्कार अमृतासाठी खूप जास्त खास झाला आहे. अमृता लवकरच काही वेगळ्या आणि वैविध्यपूर्ण भूमिका साकारणार असल्याचंदेखील कळतंय. तसंच सध्या आशिष पाटीलसह अमृता लावणीचे अनेक कार्यक्रम परदेशात सादर करत असल्याचंही दिसून येत आहे. एकंदरीतच अमृता कामात प्रचंड व्यस्त आहे. 

‘पाँडिचेरी’ चित्रपटासाठी सर्वोत्कृष्ट अभिनेत्री म्हणून सई ताम्हणकरला पटकावला महाराष्ट्र राज्य चित्रपट पुरस्कार!

अमृताची खास पोस्ट 

 

View this post on Instagram

 

A post shared by Amruta Khanvilkar (@amrutakhanvilkar)

Web Title: Amruta khanvilkar got maharashtra state award for chandramukhi shared emotional post after receiving trophy

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com