‘आम्हाला विचारावे लागते…’ ‘पुष्पा 2’ रिलीजच्या 10 दिवस आधीच संगीतकार देवी श्री प्रसादने निर्मात्यांचे उघड केले सत्य!

साऊथचा सुपरस्टार अल्लू अर्जुनचा 'पुष्पा 2'चा धमाकेदार ट्रेलर रिलीज झाला आहे. नुकतेच त्याचे नवीनतम गाणे 'किसिक' देखील रिलीज झाले. याचदरम्यान, चित्रपटाचे निर्माते आणि संगीतकार यांच्यात मतभेद असल्याच्या बातम्या येत होत्या.

(फोटो सौजन्य - सोशल मीडिया)

Follow Us:

Follow Us:

अल्लू अर्जुनचा ‘पुष्पा 2’ रिलीजसाठी सज्ज झाला आहे. या चित्रपटाबाबत यापूर्वीच बरीच चर्चा रंगली आहे. या चित्रपटाच्या ट्रेलरने निर्मात्यांमध्ये आणखीनच खळबळ उडवून दिली आहे. अलीकडेच, पुष्पा 2: द रुलच्या निर्मात्यांनी किसिक हे नवीन गाणे लाँच करण्यासाठी रविवारी चेन्नईमध्ये एका भव्य कार्यक्रमाचे आयोजन केले होते. यावेळी संगीतकार देवी श्री प्रसाद यांच्यासोबत अल्लू अर्जुन, रश्मिका मंदान्ना आणि श्रीलीला देखील उपस्थित होते. सिक्वेलमध्ये काम करतानाचा अनुभव सांगताना, संगीतकार देवी श्री प्रसाद यांनी याबद्दल बरेच काही सांगितले.

देवी श्री प्रसादने निर्मात्यांचे सत्य केले उघड
खरं तर, गेल्या काही काळापासून, संगीतकार आणि निर्माते यांच्यात खूप मतभेद सुरू असल्याच्या बातम्या समोर येत आहेत. यापूर्वी बातमी आली होती की Mythri चित्रपट निर्मात्यांनी थमन, अजनीश लोकनाथ आणि सॅम सीएस यांना ‘पुष्पा 2’ चे पार्श्वसंगीत हाताळण्यास सांगितले होते. त्यानंतर बातमी आली की अजितच्या ‘गुड बॅड उगली’ या चित्रपटात देवी प्रसादचीही जागा घेण्यात आली आहे. आता या कार्यक्रमात या सर्व गोष्टी मान्य करतानाच यात किती तथ्य आहे हे त्यांनी सांगितले.

बोलता बोलता संगीतकाराने मारले टोमणे
इंडियन एक्स्प्रेसच्या वृत्तानुसार, निर्मात्यांसोबतच्या मतभेदाच्या अफवांदरम्यान, देवी श्री प्रसाद म्हणाले की, ‘निर्मात्यांना माझ्याबद्दल प्रेमापेक्षा जास्त तक्रारी आहेत. त्याने हातवारे करून टोमणे मारले. निर्मात्यांनी तक्रार केली की देवी त्याच्या कामात खूप उशीर करत आहे ज्यामुळे निर्मात्यांना इतर संगीतकारांशी संपर्क साधावा लागला.’ असे त्याने सांगितले.

अल्लू अर्जुन आणि श्रीलीलाच्या ‘पुष्पा २’मधल्या ‘किस्सीक’ गाण्याचा अर्थ काय ? वाचा सविस्तर

संगीतकार म्हणाला, ‘रवी सर मी गाण्याचे पार्श्वसंगीत वेळेवर दिले नाही, असे सांगून तुम्ही मला दोष देत राहिलात. मला माहित आहे की तुम्ही माझ्यावर खूप प्रेम करता. आता जिथे प्रेम आहे तिथे तक्रारीही आहेत. पण, मला वाटतं माझ्यावर प्रेमापेक्षा तुझ्या तक्रारी जास्त आहेत.’ असे त्याने सांगितले.

किसिक गाण्याच्या लाँचिंगवेळी ही चर्चा झाली
ही लढत केवळ ‘पुष्पा 2’ ची नसून त्यापूर्वीची आहे याकडेही त्यांना लोकांचे लक्ष वेधायचे होते. देवी पुढे म्हणाला, ‘आता बघा, मी आजच्या कार्यक्रमाच्या २०-२५ मिनिटे आधी कार्यक्रमस्थळी उपस्थित झालो. त्यांनी मला त्यांच्या येण्याची वाट पाहण्यास सांगितले. मग किसिक हे गाणे ऐकून मी धावत आत आलो. मी येताच ते मला म्हणाले, सर तुम्ही चुकीच्या वेळी प्रवेश केलात, तुम्हाला खूप उशीर झाला. आता सांगा मी काय करू?’ असे संगीतकार या कार्यक्रमादरम्यान म्हणाला.

बादशाहच्या जीवाला धोका? रॅपरच्या पंजाबमधील क्लबमध्ये मध्यरात्री झाला स्फोट, पोलीस तपासात गुंतले!

लोक क्रेडिट खातात – देवी
यामुळे तेलुगू चित्रपटसृष्टीत प्रचंड खळबळ उडाली आहे कारण अशी मोठी नावे जाहीरपणे असे काही बोलत नाहीत. कार्यक्रमादरम्यान चाहत्यांशी संवाद साधताना तो म्हणाला, ‘आम्हाला काही हवे असेल तर विचारावे लागेल. जर तुम्ही ती वस्तू मागितली नाही तर तुम्हाला ती कधीच मिळणार नाही. निर्मात्यांकडून पैसे घेणे असो किंवा पडद्यावर क्रेडिट घेणे असो.’ असे स्पष्ट वक्तव्य करून संगीतकाराने लोकांचे लक्ष वेधून घेतले.

Web Title: Pushpa 2 music composer devi prasad accepts rift with producers at kissik launch says sometimes you have to ask for credit

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com