‘वेब सीरिजमधील दोन भाग काल्पनिक’, IC 814 चा सुरू असलेल्या वादत पायलट देवी शरणने नेटफ्लिक्सचा केला पर्दाफाश!

विजय वर्मा यांच्या IC 814 The Kandahar Hijack या वेबसिरीजबाबत इंटरनेटवर सतत गदारोळ सुरू आहे. या मालिकेत दहशतवाद्यांचे नाव बदलण्यात आल्याने लोकांनी विरोध दर्शवला आहे. कालच माहिती आणि प्रसारण मंत्रालयाने नेटफ्लिक्सच्या कंटेंट हेड मोनिका शेरगिल यांना समन्स बजावले होते. आता वाढता गदारोळ पाहता त्याच्याकडून तात्काळ उत्तर मागवण्यात आले आहे.

(फोटो सौजन्य-Social Media)

Follow Us:

Follow Us:

अनुभव सिन्हाची IC: The Kandahar Hijack ही वेबसिरीज रिलीज झाल्यापासून ती चर्चेत आहे. त्याची कथा 1999 मध्ये झालेल्या कंदहार हायजॅकवर आधारित आहे. मालिकेत दाखवण्यात आलेल्या शंकर आणि भोला या दहशतवाद्यांच्या नावांना लोकांनी विरोध दर्शवला आहे. लोक म्हणतात की पाचही दहशतवादी मुस्लिम होते तर अनुभव सिन्हा यांनी मुद्दाम हिंदू नावांचा वापर केला आहे. आता या दाव्यांच्या दरम्यान, कॅप्टन देवी शरण, जे अपहरण झालेल्या विमानाचे पायलट होते, त्यांनी आणखी दोन घटना शेअर केल्या आहेत. मालिकेत दाखवलेल्या या दोन घटना प्रत्यक्षात घडल्या नसल्याचे त्याने सांगितले आहे. या मालिकेत विजय वर्माने देवी शरणची भूमिका साकारली आहे.

कोणत्या गोष्टी बदलल्या होत्या?
टेलिग्राफला दिलेल्या मुलाखतीत देवी शरण म्हणाले की, मालिकेत असे दाखवण्यात आले आहे की परराष्ट्र मंत्री आपल्याला सलाम करतात तर तसे काहीही नव्हते. त्याने फक्त हातवारे करून आमच्या प्रयत्नांचे कौतुक केले. याशिवाय, आणखी एका सीनमध्ये देवी शरणने स्वतःहून प्लंबिंग लाइन्स फिक्स केल्याचं दाखवण्यात आलं आहे. मात्र प्रत्यक्षात तालिबानी अधिकाऱ्यांनी एक कर्मचारी पाठवला होता. लाईन्स कुठे आहेत हे समजत नसल्याने देवी यांनी कर्मचाऱ्याला सोबत घेऊन प्लेन होल्डवर नेले होते. या सगळ्या गोष्टीचा खुलासा देवी शरण यांनी केला.

हे देखील वाचा- Rishi Kapoor Birth Anniversary: नीतू ऋषी कपूरच्या मैत्रिणीसाठी लिहायची टेलीग्राम, अभिनेता कालांतराने पडला नीतूच्या प्रेमात!

ही घटना 1999 साली घडली होती
IC 814: कंदहार हायजॅक डिसेंबर 1999 मध्ये भारताकडे जाणाऱ्या फ्लाइटच्या अपहरणावर आधारित आहे. हे विमान काठमांडूहून नवी दिल्लीला जात असताना त्याचे अपहरण करण्यात आले. सात दिवस प्रवासी आणि क्रू यांना बंद ठेवले होते. प्रवाशांच्या सुटकेच्या बदल्यात दहशतवाद्यांनी मौलाना मसूद अझहर, अहमद उमर सईद शेख आणि मुश्ताक अहमद यांच्यासह तीन हाय-प्रोफाइल दहशतवाद्यांच्या सुटकेची मागणी केली होती.

Web Title: Real pilot devi sharan exposes netflix on ic 814 webseries

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com