शुक्रवार, 23 ऑक्टोबर 2026
(फोटो सौजन्य- इंस्टाग्राम)
ऋषी कपूर यांचा आज ७२ वा वाढदिवस आहे. ऋषी यांचा जन्म ४ सप्टेंबर १९५२ रोजी मुंबईत झाला. ऋषी यांनी मोठ्या पडद्यावर अनेक अभिनेत्रींसोबत काम केले आहे. त्यांची जोडी नीतू कपूरसोबतही पाहायला मिळाली आणि ऋषीने नंतर नीतू कपूरसोबत लग्न केले. ऋषी यांच्या वाढदिवसानिमित्त आम्ही तुम्हाला ऋषी आणि नीतूची प्रेमकथा सांगणार आहोत.
नीतू ऋषीला त्याच्या मैत्रिणीला टेलीग्राम लिहिण्यासाठी करत होती मदत
जेव्हा ऋषी कपूर यांनी आपल्या करिअरची सुरुवात मुख्य भूमिकेत केली तेव्हा त्यांची भेट नीतू कपूरशी झाली. मात्र, नीतूवर आपले मन हरवण्यापूर्वी ऋषी कपूर दुसऱ्याच्याच प्रेमात पडले होते. नीतूलाही हे माहीत होतं. नीतू कपूरनेही ऋषींना त्यांच्या मैत्रिणीला टेलीग्राम लिहिण्यात मदत केली होती.
ऋषी कपूर यांनी एका टीव्ही रिॲलिटी शोमध्ये खुलासा केला होता की, ‘मी नीतूला 1974 मध्ये जहरीला इंसान या चित्रपटाच्या शूटिंगदरम्यान भेटलो आणि मी पहिल्याच नजरेत नीतूच्या प्रेमात पडलो. त्यादरम्यान, माझा माझ्या मैत्रिणीशी काही मुद्द्यावरून वाद झाला आणि मी खूप दुःखी झालो. यानंतर मी तिला समजवण्याचा खूप प्रयत्न केला, त्यानंतर नीतूने मला तिच्यासाठी टेलीग्राम लिहिण्यात मदत केली.’ असे अभिनेत्याने सांगितले.
नीतू आणि ऋषी एकमेकांच्या जवळ आले
ऋषी यांनी पुढे सांगितले की त्यांना आणि नीतूला एकमेकांवरील प्रेम कसे झाले. अभिनेत्याने सांगितले होते की, ‘कालांतराने मी माझ्या मैत्रिणीला विसरायला लागलो आणि मला जाणवले की नीतू माझ्यासाठी परिपूर्ण आहे. जहरीला इंसानचे एकत्र शूटिंग पूर्ण केल्यानंतर मी माझ्या इतर प्रोजेक्ट्ससाठी युरोपला गेलो होतो, पण तिथे मला नीतूची उणीव भासत होती. युरोपात राहत असताना मी नीतूला अनेक वेळा टेलिग्राम पाठवले आणि त्यात लिहिले की तुझ्याशिवाय राहू वाटत नाही.’ असे त्याने सांगितले.
हे देखील वाचा- ‘सिकंदर’मध्ये झाली सलमानच्या खास मित्राची एन्ट्री, चाहत्यांना आश्चर्यचकित करणारा फोटो आला समोर!
दोघांनी 1980 मध्ये केले लग्न
भारतात परतल्यानंतर ऋषी यांनी नीतूकडे आपले प्रेम व्यक्त केले होते. नीतूही ऋषीचा प्रस्ताव नाकारू शकली नाही. काही वर्षे डेटिंग केल्यानंतर 1980 मध्ये दोघांनी मोठ्या थाटामाटात लग्न केले. लग्नानंतर दोघेही एक मुलगी रिद्धिमा कपूर साहनी आणि मुलगा रणबीर कपूरचे पालक झाले.
