सलमान खानच्या ‘सिकंदर’मध्ये रश्मिकासह ‘ही’ साऊथ अभिनेत्री झळकणार, सेटवरील फोटो झाले व्हायरल!

दबंग म्हणून ओळखला जाणारा बॉलिवूड अभिनेता सलमान खानचे चाहते त्याच्या चित्रपटांची आतुरतेने वाट पाहत असतात. भाईजानचा चित्रपटला अपेक्षेपेक्षा चांगली ओपनिंग देण्यात चाहते कोणतीही कसर सोडत नाहीत. सध्या सलमान खान 'सिकंदर' चित्रपटासाठी चर्चेत आहे. या चित्रपटामध्ये साऊथ अभिनेत्री रश्मिका मंदाना त्याच्यासोबत काम करताना दिसणार आहे. आता आणखी एका अभिनेत्रीने या चित्रपटामध्ये एंट्री घेतली आहे.

(फोटो सौजन्य-Social Media)

Follow Us:

Follow Us:

सलमान खान हा चित्रपटसृष्टीतील असा अभिनेता आहे, ज्याचे चित्रपट चित्रपटगृहात नेहमीच धुमाकूळ घालतात. सलमानच्या चित्रपटाची घोषणा होताच ते सोशल मीडियावर व्हायरल होण्यासाठी वेळ लागत नाही. आजकाल अभिनेता ‘सिकंदर’ चित्रपटासाठी चर्चेत आहे. ए.आर. मुरुगदास यांच्या दिग्दर्शनाखाली तयार होणाऱ्या ‘सिकंदर’मध्ये सलमान खान एका अशा व्यक्तीची भूमिका साकारणार आहे, जो चुकीला चूक आणि बरोबरला बरोबर करताना दिसणार आहे. तो भ्रष्टाचारासारख्या गोष्टींच्या विरोधात आहे आणि त्यात गुंतलेल्या लोकांशी चांगले कसे वागावे हे त्याला माहीत आहे. म्हणजेच सिकंदरच्या चित्रपटात ॲक्शनचा पूर्ण डोस पाहायला मिळणार आहे.

रश्मिकानंतर आणखी एका अभिनेत्रीची जागा निश्चित झाली
अलीकडेच सलमान खानचा मित्र आणि त्याच्यासोबत ‘टायगर जिंदा है’मध्ये काम केलेला अभिनेता नवाब शाह ‘सिकंदर’मध्ये सहभागी झाल्याची बातमी आली होती. त्याने स्वतः सोशल मीडियावर फोटो शेअर करून याची पुष्टी केली आहे. या चित्रपटात रश्मिका मंदान्नाची एंट्री देखील आधीच निश्चित झाली होती. त्याचवेळी, आता सलमान खानच्या चित्रपटात आणखी एका दक्षिण भारतीय अभिनेत्रीची एंट्री निश्चित झाल्याचे सांगितले जात आहे.

हे देखील वाचा- Rashmika Mandanna : रश्मिका मंदान्नाचा अपघात, स्वत:च दिली माहिती; म्हणाली, “दररोज आनंदात जगा…”

साऊथची ही अभिनेत्री सलमानसोबत काम करणार
बॉलिवूड हंगामाच्या रिपोर्टनुसार, काजल अग्रवालचा ‘सिकंदर’ चित्रपटाच्या कलाकारांमध्ये प्रवेश करणार आहे. अभिनेत्री कोणती भूमिका साकारणार याबाबत अद्यापही स्पष्ट झाले नसून, मात्र तिची एंट्री निश्चित झाल्याचे सांगण्यात येत आहे. या अभिनेत्रीने एकदा सलमान खानसोबत काम करण्याची इच्छा व्यक्त केली होती. रश्मिका आणि काजल व्यतिरिक्त सिकंदर चित्रपटात ‘कटप्पा’ म्हणजेच सत्यराज आणि प्रतीक बब्बर देखील दिसणार आहेत. प्रतीक चित्रपटात नकारात्मक भूमिकेत दिसणार आहे.

Web Title: Reports of this actress other than rashmika mandanna set to join salman khan film sikandar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com