(फोटो सौजन्य- इन्स्टाग्राम)
विजय विक्रम सिंग कोण आहेत?
कानपूरमध्ये जन्मलेल्या विजय विक्रम सिंग यांनी एका बहुराष्ट्रीय कंपनीत व्यवसाय विकास व्यवस्थापक म्हणून आपल्या कारकिर्दीची सुरुवात केली. परंतु, त्यांना आवाज अभिनयाची आवड निर्माण झाली. त्यांनी त्यांच्या कारकिर्दीची सुरुवात “डान्स इंडिया डान्स” या डान्स रिॲलिटी शोने केली, ज्यामुळे ते “बिग बॉस” मध्ये दिसले. त्यांचा प्रवास “बिग बॉस” च्या चौथ्या सीझनपासून सुरू झाला आणि तेव्हापासून ते या शोचा एक महत्त्वाचा भाग राहिले आहेत. त्यांना हा जबरदस्त आवाज प्रेक्षकांना नेहमीच थक्क करून ठेवतो.
View this post on Instagram
विजय विक्रम यांची कमाई
माध्यमांच्या वृत्तानुसार, विजय विक्रम सिंग “बिग बॉस” मधून प्रत्येक सीझनमध्ये १० ते २० लाख रुपये कमावतात. सुरुवातीला त्यांना कमी पैसे मिळत होते, परंतु कालांतराने त्याचा पगार वाढत गेला. एका मुलाखतीत त्यांनी सांगितले की, पैशापेक्षा या शोने त्याला ओळख आणि आदर दिला, जो त्याच्यासाठी सर्वात महत्वाचा आहे. खरंच त्यांचा आवाज वर्षानुवर्षे प्रेक्षकांच्या मनावर राज्य करणारा आहे.
का खास आहे त्यांचा आवाज?
विजय यांचा आवाज या शोमध्ये गूढता आणि नाट्यमयता वाढवतो, प्रेक्षकांना मोहित करतो. त्याचा आवाज ‘बिग बॉस’ अनुभवाचा इतका मोठा भाग बनला आहे की लोक तो लगेच ओळखतात. विजय यांनी केवळ ‘बिग बॉस’मध्येच नाही तर अनेक रिॲलिटी शो आणि रेडिओ कार्यक्रमांमध्येही आपल्या आवाजाची जादू केली आहे. आता ‘बिग बॉस’च्या प्रसिद्ध आवाजामागे कोण आहे हे नक्कीच चाहत्यांना समजले आहे.
