मराठी रंगभूमीवर ‘मी व्हर्सेस मी’ लवकरच होणार दाखल, क्षितिश दाते ,शिल्पा तुळसकर, आणि हृषिकेश जोशी पहिल्यांदाच एकत्र

मराठी रंगभूमीवर वेगवेगळ्या विषयांवरील नाटकं पाहायला मिळत आहे. आता लवकरच एक गूढ आणि थरारक नाटक रंगभूमीवर दाखल होणार आहे.

मराठी रंगभूमीवर 'मी व्हर्सेस मी' लवकरच होणार दाखल, क्षितिश दाते ,शिल्पा तुळसकर, आणि हृषिकेश जोशी पहिल्यांदाच एकत्र

Follow Us:

Follow Us:

हल्ली नवे विषय, नव्या संहिता रंगभूमीवर सादर होत आहेत. नव्या वर्षात तर विनोदापासून गंभीर, आशयघन अशा वैविध्यपूर्ण विषयांच्या नाटकांचे शुभारंभ होताना दिसत आहेत. या नाटकांना प्रेक्षकांकडून देखील चांगलीच दाद मिळत आहे. म्हणूनच तर अनेक रंगकर्मी विविध आशय असणारी नाटकं रंगभूमीवर आणत आहे.

आता या नाटकांच्या मांदियाळीत आता अमरदीप आणि कल्पकला निर्मित ‘मी व्हर्सेस मी’ या नव्या नाटकाची मेजवानी नाट्यरसिकांना मिळणार आहे. या नाटकाच्या निमित्ताने अभिनेता क्षितिश दाते, शिल्पा तुळसकर हृषिकेश जोशी हे मराठीतले तीन गुणी नट पहिल्यांदाच रंगभूमीवर एकत्र दिसणार आहे.

Saif Ali Khan Case : सैफ अली खानला हॉस्पिटलमध्ये पोहोचवणाऱ्या रिक्षाचालकाला मिळालं मोठं बक्षीस

संजय जमखंडी यांचे लेखन दिग्दर्शन असलेल्या या नाटकाच्या निर्मितीची जबाबदारी भरत नारायणदास ठक्कर, प्रवीण भोसले यांनी सांभाळली आहे. सहनिर्माती शिल्पा तुळसकर आहेत.

शुभारंभाचे प्रयोग

शनिवार २५ जानेवारीला सायंकाळी ५.३० वा. रामकृष्ण मोरे नाट्यगृह चिंचवड आणि रविवार २६ जानेवारी सायंकाळी ५.३० वा. तुपे नाट्यगृह हडपसर ३० जानेवारी काशिनाथ नाट्यगृह ठाणे रात्रौ ८.३० वा. तर शुक्रवार ३१ जानेवारी दिनानाथ नाट्यगृह विलेपार्ले ४.०० वा. येथे या नाटकाचे शुभारंभाचे प्रयोग रंगणार आहेत.

यामी-प्रतिकच्या ‘धूम धाम’ चित्रपटाचा टीझर रिलीज; यादिवशी ओटीटी प्लॅटफॉर्मवर होणार चित्रपट प्रदर्शित!

कसं असेल नाटक?

‘मी व्हर्सेस मी’ हे नाटक गूढ आणि थरारक धाटणीच असलं तरी समाजातील काही संवेदनशील विषयावर आणि मानवी नात्यांवर भाष्य करतं. नाटकात विविध ठिकाण असल्यानं नाटकातली दृश्य रचना प्रेक्षकांसाठी पर्वणी असणार आहे. या तीनही कलाकारांनी आपल्या अभिनयाच्या जोरावर स्वतःच वेगळं स्थान निर्माण केलंय. या तीनही कलाकारांना एकत्र पाहणं नाट्यरसिकांसाठी एक वेगळाच अनुभव असणार आहे. या तिघांसोबत चिन्मय पटवर्धन महेश सुभेदार,दिनेश सिंह यांच्या भूमिका नाटकात आहेत. निखळ मनोरंजनसोबत आमच्या भन्नाट ट्यूनिंगची ट्रीट प्रेक्षकांना या चित्रपटातून मिळेल’, असा विश्वास या तीनही कलाकारांनी व्यक्त केला.

‘मी व्हर्सेस मी’ नाटकाचे नेपथ्य संदेश बेंद्रे यांचे आहे. संगीत समीर म्हात्रे तर ध्वनी मंदार कमलापुरकर यांचे आहे. गीतकार अभिषेक खणकर तर प्रकाशयोजना अमोघ फडके यांची आहे. वेशभूषा तृषाला नायक तर रंगभूषा जबाबदारी राजेश परब यांनी सांभाळली आहे. कार्यकारी निर्माता प्रणत भोसले असून सहाय्यक दिग्दर्शक संदेश डुग्जे आहेत. व्यवस्थापक प्रसाद खडके तर सूत्रधार दीपक गोडबोले आहेत.

Web Title: Me vs me to hit marathi theater soon

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com