फोटो सौजन्य - Social Media
हर्षवर्धन राणे आणि सोनम बाजवा यांच्या आगामी एक दिवाने की दिवानियत या चित्रपटाचा टीझर नुकताच प्रदर्शित झाला असून, त्याने प्रेक्षकांच्या उत्सुकतेत मोठी भर घातली आहे. या चित्रपटातील टायटल ट्रॅक “दिवानियत” रिलीज होताच प्रेक्षकांच्या मनात घर करून सोशल मीडियावर व्हायरल होऊ लागला आहे.
हा चित्रपट Play DMF चे संस्थापक अंशुल गर्ग यांचा पहिला प्रोडक्शन प्रोजेक्ट आहे. यापूर्वी त्यांनी म्युझिक इंडस्ट्रीमध्ये अनेक हिट गाणी दिली आहेत. गाणं सुप्रसिद्ध गायक विशाल मिश्रा यांच्या आवाजात सादर करण्यात आलं आहे. ‘मांझा’नंतर अंशुल गर्ग आणि विशाल मिश्रा या जोडीचं हे पुनरागमन असून, गाणं रिलीज होण्यापूर्वीच चाहत्यांनी त्याचे एडिट्स तयार करून सोशल मीडियावर शेअर करायला सुरुवात केल होती.
या विशेष गाण्याबद्दल अंशुल गर्ग म्हणाले “दिवानियत माझ्यासाठी अत्यंत खास आहे कारण हे माझं फिल्म प्रोड्यूसर म्हणून पहिलं गाणं आहे. रिलीजपूर्वीच प्रेक्षकांकडून मिळालेलं प्रचंड प्रेम माझ्यासाठी मोठा आनंद आहे. हा उत्साह दाखवतो की कथा सांगण्यात संगीत किती महत्त्वाचं आहे. मला खात्री आहे की पूर्ण गाणं ऐकल्यावर प्रेक्षकांना ते आणखी भावेल.” एक दिवाने की दिवानियत या चित्रपटाचं दिग्दर्शन मिलाप मिलन झवेरी यांनी केलं असून, ही एक गहिरी प्रेमकथा आहे. हा चित्रपट या दिवाळीत चित्रपटगृहांमध्ये प्रेक्षकांच्या भेटीला येणार आहे. “दिवानियत”च्या लोकप्रियतेमुळे चित्रपटाविषयीची चर्चा अधिक रंगली असून, या प्रेमकथेच्या प्रदर्शानाची आतुरता प्रेक्षकांमध्ये वाढली आहे.
“एक दिवाने की दिवानियत हा Play DMF चे संस्थापक अंशुल गर्ग यांचा निर्माता म्हणून पहिला चित्रपट आहे. अंशुल गर्ग यांनी यापूर्वीही अनेक सुपरहिट गाणी प्रेक्षकांना दिली आहेत. या चित्रपटातील टायटल ट्रॅक सुप्रसिद्ध गायक विशाल मिश्रा यांनी सादर केला आहे. यामध्ये विशेष म्हणजे अंशुल आणि विशाल यांची ही जोडी पुन्हा एकदा एकत्र आली आहे. याआधी या दोघांनी मिळून लोकप्रिय आणि सुरेल असं “मांझा” हे गाणं प्रेक्षकांसमोर आणलं होतं.”
