बॉलिवूडमधील प्रसिद्ध अभिनेत्री शिल्पा शेट्टी तिच्या फिटनेस आणि ग्लॅमरमुळे सोशल मीडियावर कायमच चर्चेत असते. वयाच्या ५० व्या वर्षीसुद्धा लाखोंच्या संख्येने चाहते तिच्यावर घायाळ होतात. कामाची धावपळ, वाढत तणाव, शूटिंग इत्यादी गोष्टींमध्ये व्यस्त असून सुद्धा शिल्पा शेट्टीच्या चेहऱ्यावर कायमच ग्लो दिसून येतो. तिच्या चेहऱ्यावर कधीही डाग किंवा सुरकुत्या दिसून येणार नाहीत. फिटनेसची काळजी घेताना केवळ व्यायामाकडे लक्ष न देता त्वचा आणि केसांच्या आरोग्याकडे सुद्धा व्यवस्थित लक्ष दिले जाते. चला तर जाणून घेऊया अभिनेत्री शिल्पा शेट्टीच्या फिटनेसचे रहस्य. (फोटो सौजन्य – pinterest)
वयाच्या ५० व्या वर्षी अभिनेत्री शिल्पा शेट्टी दिसते फिट आणि स्लिम! जाणून घ्या तिच्या फिटनेसचे रहस्य
शिल्पा शेट्टी कधीही डाएट किंवा कोणत्याही फॅन्सी फूड ट्रेंडला अजिबात फॉलो करत नाही. तिच्या डाएटची सुरुवात कोमट पाण्याचे सेवन करून होते. कोमट पाणी प्यायल्यामुळे आतड्यांमधील घाण बाहेर पडून जाते आणि शरीर स्वच्छ होते.
शरीराला ऊर्जा देण्यासाठी आणि पचनक्रिया सुधारण्यासाठी कोरफडीचा रस, तुळशीची पाने, गूळ -आलं इत्यादी पदार्थांचे सेवन करते. या पदार्थांच्या सेवनामुळे शरीराची रोगप्रतिकारशक्ती सुधारते.
सकाळी नाश्त्यात भरपूर प्रमाणात प्रोटीन असलेल्या पदार्थांचे सेवन करते, ज्यामुळे दीर्घकाळ पोट भरलेले राहते आणि शरीराला कोणतीही हानी पोहचत नाही.
दुपारच्या जेवणात चिकन, मासे, कडधान्य किंवा ब्राउन राईस, सॅलड इत्यादी पौष्टिक पदार्थांचे सेवन करते. याशिवाय रोजच्या आहारात हिरव्या पालेभाज्यांचे सुद्धा सेवन करते.
शिल्पा शेट्टी संध्याकाळच्या नाश्त्यात मखाणे, एवोकॉडो किंवा फ्रुट्स इत्यादी पदार्थांचे सेवन केले जाते. तसेच संध्याकाळी ७ ते ८ च्या दरम्यान सूप, ग्रील्ड फूड किंवा मशरूम यांसारखे पदार्थ खाल्ले जातात.
