गुरुवार, 12 नोव्हेंबर 2026
जगभरात असंख्य माशांचा प्रजाती आहेत. काही मासे समुद्राच्या खोल पाण्यात तळाशी असतात तर काही मासे समुद्रातील वाळूवर पाण्याशिवाय जगतात. दैनंदिन आहारात काही माशांचे सेवन केले जाते. मासे खाल्ल्यामुळे शरीराला भरमसाट फायदे होतात. पण काही मासे शरीरासाठीच नाहीतर जीवाला सुद्धा धोका निर्माण करतात. त्यातील असा एक मासा आहे जो एकाच वेळी ३० पेक्षा जास्त व्यक्तींचा जीव घेऊ शकतो. त्यामुळे खोल समुद्रात मासेमारी करताना खूप सावधगिरी बाळगावी लागते. चला तर जाणून घेऊया जगातील सगळ्यात विषारी आणि खतरनाक माशाची सविस्तर माहिती. (फोटो सौजन्य – istock)
'हा' आहे जगातील सगळ्यात खतरनाक मासा! एकाच वेळी घेऊ शकतो ३० पेक्षा जास्त लोकांचा जीव, वाचा सविस्तर
जगातील सगळ्यात खतरनाक माशाचे नाव पफर फिश आहे. हा मासा जगभरात सगळ्यात खतरनाक आणि विषारी मानला जातो. दिसायला सुंदर असणारा मासा जगातील दुसऱ्या क्रमांकाचा सर्वात विषारी कणा असलेला मासा मानला जातो.
पफर फिश एकाच वेळी ३० पेक्षा जास्त लोकांचा जीव घेऊ शकतो. या माशामध्ये खूप जास्त विष असते. त्यामुळे कायमच पफर फिशपासून चार हात लांब राहण्याचा सल्ला दिला जातो.
पफर फिशच्या शरीरात 'टेट्रोडोटॉक्सिन' नावाचे विष असते, जे सायनाइडपेक्षा 1200 पटीने खूप जास्त घातक असते. त्यामुळे हा मासा एकाच वेळी अनेक लोकांचे जीव घेऊ शकतो.
या माशाची सगळ्यात भीतीदायक गोष्ट म्हणजे पफर फिशच्या विषावर अद्याप कोणतेही किंवा उतारा आला आहे. त्यामुळे मानवासाठी हा मासा जीवघेणा ठरतो.
समुद्रात ज्यावेळी पफर माशाला धोका जाणवतो तेव्हा तो स्वतःच्या शरीरात पाणी किंवा हवा भरून घेतो ज्यामुळे माशाचा आकार मोठ्या चेंडूसारखा दिसतो.
