रविवार, 4 ऑक्टोबर 2026
Political News : आम आदमी पक्षाला मोठा धक्का; 'या' बड्या नेत्याचा काँग्रेसमध्ये प्रवेश (फोटो सौजन्य-X)
नवी दिल्ली : गेल्या काही दिवसांपासून राजकारणात विविध घडामोडी घडत आहेत. अनेक नेतेमंडळी पक्षांतर करताना दिसत आहेत. त्यातच आता आम आदमी पक्षाला मोठा झटका बसला आहे. पक्षाची बाजू भक्कमपणे मांडणाऱ्या महिला नेत्याने पक्षाला रामराम केला आहे. प्रियंका कक्कड यांनी आम आदमी पक्षाला रामराम करून काँग्रेस पक्षात प्रवेश केला आहे.
कक्कड यांच्यासह रजत राकेश टंडन आणि माजी आमदार श्याम सुंदर शर्मा यांनीही पक्षाचे सदस्यत्व स्वीकारले. व्यवसायाने वकील असलेल्या प्रियंका कक्कड या आम आदमी पक्षाच्या मुख्य राष्ट्रीय प्रवक्त्या होत्या. माध्यमांवरील चर्चासत्रांमध्ये पक्षाची बाजू भक्कमपणे आणि अधिक आक्रमकपणे मांडणाऱ्या नेत्या म्हणून त्यांची ओळख होती. दिल्ली काँग्रेसचे प्रदेशाध्यक्ष देवेंद्र यादव, ज्येष्ठ नेते राजीव शुक्ला आणि पवन खेरा यांच्या उपस्थितीत कक्कड यांनी काँग्रेसमध्ये प्रवेश केला.
दरम्यान, उत्तर प्रदेशचे माजी मंत्री आणि मथुरेच्या मंत विधानसभा मतदारसंघाचे आठ वेळा आमदार राहिलेले श्याम सुंदर शर्मा यांनी काँग्रेस पक्षात पुनरागमन केले आहे. शर्मा यांनी दिल्लीतील काँग्रेस कार्यालयात काँग्रेस पक्षात प्रवेश केला. काँग्रेस पक्षात प्रवेश केल्यानंतर, माजी मंत्री श्याम सुंदर शर्मा यांनी एक असे विधान केल, ज्यामुळे सर्वत्र चर्चा सुरू झाली.
माजी आमदार श्याम सुंदर शर्मा म्हणाले, ‘बागवान’ नावाचा एक चित्रपट होता, ज्यात एक व्यक्ती म्हणते, ‘या म्हाताऱ्या माणसाचा काय उपयोग?’ आज मी म्हणतो, ‘हा वृद्ध माणूस खूप उपयुक्त आहे. मी स्वातंत्र्यसैनिकांच्या कुटुंबातून आलो आहे. जेव्हा तिवारी काँग्रेसमध्ये आले, तेव्हा मी चुकून तिवारींची बाजू घेत होतो.
राहुल गांधी देशातील विश्वासू नेता
देशाच्या राजकारणात अधिक विश्वसनीय नेता कुणी असेल तर ते फक्त राहुल गांधी आहेत, असे मला वाटते. ते एकमेव नेते असे आहेत की, त्यांनी कधीच अश्रू ढाळले नाहीत. त्यांना बदनाम करण्यासाठी यंत्रणा लावली गेली, पण राहुल गांधी आणि काँग्रेस हे ठाम राहिले, असेही प्रियंका कक्कड म्हणाल्या.
