विधान परिषद निवृत्तीनंतर अमोल मिटकरी यांनी अजित पवारांसाठी भावूक पोस्ट केली (फोटो - सोशल मीडिया)
शिवसेना पक्षप्रमुख, आमदार उद्धव ठाकरे यांच्यासह निवृत्त होणाऱ्या 9 आमदारांना विधान परिषदेत निरोप देण्यात आला. यामध्ये विधान परिषदेतील आमदार नीलम गोऱ्हे, शशिकांत शिंदे, अमोल मिटकरी, गोपीचंद पडळकर, रणजितसिंह मोहिते-पाटील, राजेश राठोड, प्रवीण दटके, आणि रमेश कराड यांचा समावेश असणार आहे. 13 मे रोजी त्यांची आमदारकीची मुदत संपणार आहे. याच पार्श्वभूमीवर रिक्त होणाऱ्या जागांसाठी निवडणुकीची लवकरच घोषणा होणार असल्याची माहिती समोर आली आहे.
हे देखील वाचा : अंकातून भविष्य मांडणार भोंदूबाबा गणितात फेल; अशोक खरात 10 वी नापास
यावेळी दिवंगत नेते अजित पवारांच्या आठवणीने अनेक नेते भावूक झाले होते. अजित पवारांचे खंदे समर्थक असलेले अमोल मिटकरी यांचा देखील कार्यकाळ संपला आहे. त्यांनी आमदारकीच्या शेवटच्या दिवशी अजित पवारांचा फोटो हातामध्ये घेऊन प्रवेश केला. तसेच विधीमंडळाच्या पायऱ्यांवर डोक ठेवलं. याचबरोबर त्यांनी सोशल मीडिया पोस्ट देखील केली आहे.
आदरणीय दादा निरोप समारंभाच्या या फोटोत तुम्ही असायला हवा होता. या निरोप समारंभाच्या शेवटच्या दिवसाची माझी इच्छा तुम्ही कायम अपुर्ण ठेवली.या पवित्र सभागृहाचा निरोप घेत असलो तरी तुमची अचानक सोडून जाण्याची EXIT व त्याचा शोध आपल्या आठवणीत रोज गहिवरणाऱ्या व महाराष्ट्रभर विखुरलेल्या… pic.twitter.com/Ubeaxys4L7 — आ. अमोल गोदावरी रामकृष्ण मिटकरी (@amolmitkari22) March 25, 2026
अमोल मिटकरी यांनी एक्सवर पोस्टमध्ये लिहिले की, “आदरणीय दादा निरोप समारंभाच्या या फोटोत तुम्ही असायला हवा होता. या निरोप समारंभाच्या शेवटच्या दिवसाची माझी इच्छा तुम्ही कायम अपुर्ण ठेवली.या पवित्र सभागृहाचा निरोप घेत असलो तरी तुमची अचानक सोडून जाण्याची EXIT व त्याचा शोध आपल्या आठवणीत रोज गहिवरणाऱ्या व महाराष्ट्रभर विखुरलेल्या शेकडो कार्यकर्त्यांसह आपल्या विमान दुर्घटनेचं सत्य समोर आणण्यासाठी शेवटपर्यंत लढा दिला जाईल हा एका शेतकरी लेकाचा शब्द आहे युद्ध आमचे सुरू जिंकु किंवा मरू, असे अमोल मिटकरी यांनी लिहिले आहे.
हे देखील वाचा : सातारा प्रकरण टाकणार महायुतीत मिठाचा खडा? मध्यरात्री DCM शिंदेंनी गाठले वर्षा निवासस्थान
