भाजप नेत्याचा मनसेला इशारा! रिक्षा चालकांच्या मुद्द्यावर राजकीय वातावरण तापले
महाराष्ट्रातील रिक्षा आणि टॅक्सी चालकांना मराठी भाषेचे ज्ञान असणे आणि त्यासाठी प्रमाणपत्र सादर करण्याच्या नियमावरून गेल्या काही दिवसांपासून वातावरण तापले आहे. चालकांना मराठी शिकण्यासाठी 15 ऑगस्टपर्यंतची मुदत देण्यात आली होती. मुदत संपल्यानंतर प्रमाणपत्र नसलेल्या चालकांवर आरटीओकडून कारवाईलाही सुरुवात झाली होती. मात्र, या कारवाईला काही परप्रांतीय रिक्षा आणि टॅक्सी चालकांनी विरोध केला.
यानंतर मुख्यमंत्री देवेंद्र फडणवीस यांनी चालकांना मराठी शिकण्यासाठी आणखी एक वर्षाची मुदतवाढ देण्याचा निर्णय घेतला. या निर्णयामुळे संबंधित चालकांना मोठा दिलासा मिळाला आहे.
मुख्यमंत्र्यांच्या निर्णयानंतर मुंबईतील गोरेगाव पूर्व येथील आरे कॉलनीमध्ये भाजप रिक्षा युनियनच्या वतीने जल्लोष करण्यात आला. ढोल-डीजेच्या तालावर गुलाल उधळून कार्यकर्त्यांनी आनंद व्यक्त केला.
‘राहुल गांधींचे महाराष्ट्रातील रिलाँचिंग करण्याचा प्रयत्न थांबवा,’ बावनकुळेंचा काँग्रेसला टोला
यावेळी भाजप कामगार आघाडीचे अध्यक्ष अभिजीत राणे यांनी मनसेवर निशाणा साधत आक्रमक भूमिका घेतली. उत्तर भारतीय रिक्षा चालकांवर मनसेकडून कारवाई करण्यात आल्यास त्याला प्रत्युत्तर दिले जाईल, असा इशारा त्यांनी दिला.
अभिजीत राणे म्हणाले की, उत्तर भारतीय रिक्षा चालकांवर कोणतीही कारवाई केली तर त्याच अंदाजात आम्ही प्रत्युत्तर देऊ. त्यामुळे रिक्षा चालकांनी घाबरण्याची गरज नसल्याचेही त्यांनी सांगितले.
रिक्षा चालकांना मुदतवाढ दिल्यामुळे काही शिवसेना नेते आणि मंत्री नाराज असल्याच्या चर्चेवरही राणे यांनी प्रतिक्रिया दिली. रिक्षा चालकांवर कारवाई होत होती, तेव्हा आम्ही नाराज होतो. आता ते नाराज आहेत, असे म्हणत त्यांनी या राजकीय वादावर भाष्य केले.
‘माझ्याकडे बघू नका बरं का भुजबळ साहेब…’; गिरीश महाजनांचा छगन भुजबळांना मिश्किल टोला
दरम्यान, मुख्यमंत्री फडणवीस यांनी एक वर्षाची मुदतवाढ दिली असली तरी त्यानंतर पुन्हा मुदतवाढ दिली जाणार नसल्याचे परिवहन मंत्री प्रताप सरनाईक यांनी स्पष्ट केले आहे. त्यामुळे या कालावधीत रिक्षा आणि टॅक्सी चालकांनी आवश्यक मराठी भाषा शिकणे अपेक्षित आहे.
मुदतवाढीच्या निर्णयामुळे सध्या रिक्षा चालकांना दिलासा मिळाला असला, तरी या मुद्द्यावरून मनसे, भाजप आणि सत्ताधारी गटातील नेत्यांमध्ये राजकीय आरोप-प्रत्यारोप सुरूच राहण्याची शक्यता आहे.
.png "Videos"){kind=small}
