Rohit Pawar Delhi PC; ‘आता मोदी शहाचं अजित दादांना न्याय देऊ शकतात..’; रोहित पवारांनी थेट पंतप्रधान मोदींकडे मागितला न्याय

"व्हीएसआर (VSR) या कंपनीच्या पाठीमागे मोठे शक्तीशाली लोक असून, त्यांना वाचवण्याचा प्रयत्न केला जात आहे," असा खळबळजनक आरोप त्यांनी केला आहे.

• सर्वसामान्य नागरिक आणि कार्यकर्त्यांना सीसीटीव्ही माहिती नाकारली जात आहे.
• सीआयडीने (CID) अद्याप एकही प्राथमिक अहवाल सादर न केल्याने संशय बळावला आहे.
• ज्या कंपनीचे विमान (VSR) होते, त्यामागील बड्या हस्तींना वाचवण्याचा प्रयत्न होत आहे.

 

Rohit Pawar Delhi PC: “आम्ही गेल्या काही दिवसांपासून माहिती काढण्याचा प्रयत्न करत आहोत. दिवंगत अजितदादांवर प्रेम करणाऱ्यांनी सीसीटिव्ही फुटेजबाबत माहिती मागितली होती. पण त्यांना ती दिली गेली नाही. तपास करणाऱ्यांकडेही ती माहिती आहे कि नाही माहित नाही. सीआयडीने अद्याप एकही रिपोर्ट दिलेला नाही. सरकारकडूनही अद्याप कोणतीही माहिती मिळालेली नाही. आमच्या लोकांनाही माहिती मिळत नाही. पण आमच्या भाजप पुरस्कृत ट्रोलर्सना मात्री एअरपोर्ट ऑथोरिटीच्या माध्यमातून सहज माहिती मिळते.” असा आरोप शरद पवार यांच्या राष्ट्रवादीचे आमदार रोहित पवार यांनी केला आहे.Ajit Pawar Death Conspiracy

२८ जानेवारी २०२६ ला बारामती विमानतळावर उपमुख्यमंत्री अजित पवार यांच्या विमानाचा अपघात झाला. या अपघातात अजितदादांसह विमानातील सर्वांचा मृत्यू झाला. अजित पवार यांच्या अपघातावर राज्यभरातून घातपाताचा संशय व्यक्त केला जात आहे. अशातच रोहित पवार हेदेखील सातत्याने पत्रकार परिषदा घेऊन पुरावे सादर करत आहेत. रोहित पवार यांनी आज दिल्लीत पुन्हा पत्रकार परिषद घेत अजित पवार यांच्या विमान अपघात हा अपघात नसून घातपात असल्याकडे लक्ष वेधल आहे. आता पंतप्रधान नरेंद्र मोदी आणि गृहमंत्री अमित शाहा हेच अजित दादांना न्याय देऊ शकतात, असे आवाहनही त्यांनी केलं आहे. “व्हीएसआर (VSR) या कंपनीच्या पाठीमागे मोठे शक्तीशाली लोक असून, त्यांना वाचवण्याचा प्रयत्न केला जात आहे,” असा खळबळजनक आरोप त्यांनी केला आहे.(Ajit Pawar Plane Crash )

राहूल गांधींना धमकी दिल्यावरुन काँग्रेस आक्रमक; राज आमेरावर कारवाईची करण्याची मागणी

रोहित पवार म्हणाले की, या प्रकरणाबाबत त्यांनी मुंबईत एक सादरीकरण (Presentation) केले होते. त्यातून या कंपनीचे धागेदोरे सत्ताधाऱ्यांशी संबंधित असलेल्या बड्या लोकांशी जोडलेले असल्याचे समोर आले आहे. संबंधित अपघाताला पूर्णपणे ‘व्हीएसआर’ कंपनी जबाबदार असतानाही, त्यांना वाचवण्यासाठी सरकारी पातळीवर प्रयत्न होत असून हा एका मोठ्या कटाचा भाग असू शकतो. आता केवळ पंतप्रधान नरेंद्र मोदी आणि गृहमंत्री अमित शाह हेच या प्रकरणात अजित पवारांना न्याय देऊ शकतात,” असे विधान करत त्यांनी या प्रकरणाचे गांभीर्य अधोरेखित केले आहे.

नागरी उड्डाण मंत्री राम नायडूंची चौकशीपूर्वीच ‘लिअर जेट’ला क्लीन चिट

केंद्रीय नागरी उड्डाण मंत्री राम नायडू यांनी चौकशीपूर्वीच ‘लिअर जेट’ला क्लीन चिट देणारे विधान का केले? असा सवाल त्यांनी उपस्थित केला. सुरुवातीला मंत्र्यांनी क्लिन चिट दिली आणि नंतर सूत्रांच्या हवाल्याने व्हीएसआरशी संबंध नसल्याच्या बातम्या पसरवल्या गेल्या, असा दावा त्यांनी केला. ज्यांनी व्हीएसआर कंपनीला कर्ज (Loan) दिले आहे, त्या व्यक्ती तेलगू देसम पक्षाशी (TDP) संबंधित आहेत, अशी खळबळजनक माहितीही रोहित पवारांनी यावेळी दिली.

धक्कादायक ! पुण्यातील वारजेत शाळकरी मुलीवर लैंगिक अत्याचार; नराधमाने शाळेत सोडतो म्हणत कारमधून नेलं अन्

‘व्हीएसआर’ (VSR) कंपनी प्रकरणावरून आक्रमक झालेले आमदार रोहित पवार यांनी आता आपल्या आणि आपल्या सहकाऱ्यांच्या वैयक्तिक गोपनीयतेवर (Privacy) गदा येत असल्याचा खळबळजनक आरोप केला आहे. “भाजपचे ट्रोल्स माझ्या खासगी प्रवासाची माहिती आणि माझ्यासोबत असलेल्या सेलिब्रिटीच्या आधार कार्डाचे तपशील सोशल मीडियावर कसे काय पसरवू शकतात?” असा संतप्त सवाल त्यांनी उपस्थित केला आहे.

माझ्या प्रवासाची आणि सेलिब्रिटीच्या आधार कार्डाची माहिती लीक कशी झाली?

रोहित पवार म्हणाले, “मी दिल्लीला कोणत्या विमानाने गेलो, माझ्यासोबत कोण होते, याची माहिती बाहेर कशी आली? विमानतळ प्राधिकरण (Airport Authority) किंवा व्हीएसआर कंपनी ही गुप्त माहिती भाजपच्या ट्रोल्सना का पुरवत आहे?” असा सवाल पवारांनी विचारला.

माझ्यासोबत असलेल्या सेलिब्रिटीच्या आधार कार्डाचे तपशील ट्रोल्सकडे असणे, हे अत्यंत गंभीर आहे. सर्वसामान्य नागरिकांनी माहिती अधिकारांतर्गत (RTI) माहिती मागितली तर अधिकारी नकार देतात, मग ट्रोल्सना हे सर्व सहज कसे उपलब्ध होते? भाजपचे मोठे ट्रोल्स आम्हाला जाणीवपूर्वक लक्ष्य करत आहेत. आमच्या रिसर्चवर प्रश्नचिन्ह उपस्थित करून मूळ विषयावरून लक्ष भरकटवण्याचा हा प्रयत्न आहे का? ” असा सवालही रोहित पवार यांनी उपस्थित केला आहे.