DC Vs RR : चालू सामन्यात संजू सॅमसनला सोडावे लागले मैदान! तर ड्रेसिंग रूममध्ये करुण नायर भडकला, नक्की झालं काय?

करुण दुर्दैवी ठरला आणि धावबाद झाल्यानंतर तो पॅव्हेलियनमध्ये परतला. तर दुसरीकडे राजस्थानचा कर्णधार संजू सॅमसन याला चालू सामन्यांमध्ये दुखापत झाली त्यामुळे त्याला सामन्यातून रिटायर आऊट व्हावे लागले.

फोटो सौजन्य - JioHotstar

Follow Us:

Follow Us:

आयपीएलमध्ये बऱ्याच काळानंतर पुनरागमन करणाऱ्या करुण नायरने शेवटच्या सामन्यात फलंदाजीने धुमाकूळ घातला. करुणने ४० चेंडूत ८९ धावांची तुफानी खेळी केली. राजस्थान रॉयल्सविरुद्धही करुणकडून अशाच मोठ्या खेळीची अपेक्षा होती. तथापि, अरुण जेटली क्रिकेट स्टेडियमवर करुणचे नशीब त्याला साथ देत नव्हते. करुण दुर्दैवी ठरला आणि धावबाद झाल्यानंतर तो पॅव्हेलियनमध्ये परतला. तर दुसरीकडे राजस्थानचा कर्णधार संजू सॅमसन याला चालू सामन्यांमध्ये दुखापत झाली त्यामुळे त्याला सामन्यातून रिटायर आऊट व्हावे लागले. संजू सॅमसन दमदार फलंदाजी करत होता, तर दुसरीकडे दुःखाची गोष्ट म्हणजे करुणला त्याचे खातेही उघडता आले नाही. शून्यावर पॅव्हेलियनमध्ये परतल्यानंतर, करुण ड्रेसिंग रूममध्ये रागाने भडकला.

DC Vs RR IPL 2025: अभिषेक पोरेलच्या तुफान फटकेबाजीने दिल्लीला तारले; राजस्थानसमोर ठेवले 189 धावांचे लक्ष्य

संजू सॅमसन रिटायर आऊट

आज दिल्लीच्या संघाने सामान्यतः पहिले फलंदाजी केली आणि या सामन्यात राजस्थान रॉयल्ससमोर १८९ धावांचे लक्ष्य उभे केले होते. त्यांनंतर दुसऱ्या डावांमध्ये राजस्थानचा संघाचे दोन्ही सलामीवीर फलंदाज संजू सॅमसन आणि यशस्वी जैस्वाल यांनी संघाला दमदार सुरुवात करून दिली. पण काही वेळानंतर संजू सॅमसन एक शॉट मारताना दुखापत झाली आणि लगेच मैदानावर फिझिओ आले होते. त्यावेळी त्याला तपासले आणि तो पुन्हा फलंदाजीला मैदानात उभा राहिला. पण पुन्हा त्याने शॉट मारला आणि त्याची दुखापत वाढली आणि त्याने मैदान सोडले.

COMEBACK STRONG, SANJU SAMSON.

– A good innings, but retired out due to pain! pic.twitter.com/ivkBpsBl0h

— Mufaddal Vohra (@mufaddal_vohra) April 16, 2025

करुण नायर धावबाद

जॅक फ्रेझर मॅकगर्क स्वस्तात पॅव्हेलियनमध्ये परतल्यानंतर करुण नायर क्रीजवर आला. करुणकडून सर्वांना मोठी खेळी अपेक्षित होती. करुणने तीन चेंडू खेळले होते, पण त्याला अजून खाते उघडता आले नव्हते. करुण नॉन-स्ट्राइकवर उभा होता. चौथ्या षटकाच्या पहिल्या चेंडूवर अभिषेक पोरेलने शॉट खेळला आणि दुसऱ्या टोकाला उभा असलेला करुण धाव घेण्यासाठी धावला. अभिषेक सुरुवातीला क्रीजमधून थोडा बाहेर आला, पण क्षेत्ररक्षक चेंडूकडे वेगाने येत असल्याचे पाहून त्याने करुणला परत पाठवले. करुणने आपली विकेट वाचवण्यासाठी वेगाने धाव घेतली, पण त्याआधीच संदीप शर्माने यष्टी उधळल्या. अनिच्छेने असूनही, करुणला खाते न उघडताच पॅव्हेलियनमध्ये परतावे लागले.

Karun Nair very angry after his Run Out. #DCvsRR pic.twitter.com/FU32tXeecF

— VIKAS (@VikasYadav69014) April 16, 2025

गेल्या सामन्यात करुणने शानदार फलंदाजी केली आणि ४० चेंडूत ८९ धावांची अद्भुत खेळी केली. करुणने त्याच्या खेळीदरम्यान १२ चौकार आणि ५ उत्तुंग षटकार मारले. प्रथम फलंदाजी करताना दिल्लीने २० षटकांत ५ गडी गमावून १८८ धावा केल्या. संघाकडून अभिषेक पोरेलने ३७ चेंडूत ४९ धावांची शानदार खेळी केली. त्याच वेळी, केएल राहुलने ३२ चेंडूत ३८ धावा केल्या. कर्णधार अक्षर पटेलने धमाकेदार शैलीत खेळ करत १४ चेंडूत ३४ धावा केल्या. दरम्यान, स्टब्स १८ चेंडूत ३४ धावा करून नाबाद राहिला.

Web Title: Dc vs rr sanju samson had to leave the field in the match karun nair got angry in the dressing room

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com