बुधवार, 21 ऑक्टोबर 2026
सिराजने केली घोषणा (फोटो सौजन्य - इन्स्टाग्राम)
भारतीय संघाला दुखापतग्रस्त खेळाडूंच्या समस्येचा सामना करावा लागत आहे. नितीश रेड्डी दुखापतीमुळे संपूर्ण कसोटी मालिकेतून बाहेर आहे. अर्शदीप हाताला दुखापत झाल्यामुळे चौथ्या कसोटी सामन्यातून बाहेर आहे. आकाश दीपलाही कंबरेचा त्रास आहे. दुसरीकडे, जसप्रीत बुमराहच्या खेळण्यावर समस्या आहे, कारण मालिका सुरू होण्यापूर्वी असे म्हटले जात होते की तो मालिकेतील तीन सामने खेळेल. आतापर्यंत त्याने इंग्लंड दौऱ्यावर दोन सामने खेळले आहेत. आता मोहम्मद सिराजने चौथा कसोटी सामना सुरू होण्यापूर्वीच बुमराहच्या खेळण्यावर मोठे विधान केले आहे (फोटो सौजन्य – इन्स्टाग्राम)
जसप्रीत बुमराह उत्तम फॉर्ममध्ये
मोहम्मद सिराज सांगितले आहे की, माझ्या माहितीनुसार जसप्रीत बुमराह खेळेल. भारतीय संघ कसोटी मालिकेत १-२ ने पिछाडीवर आहे आणि मालिकेत टिकून राहण्यासाठी त्यांना कोणत्याही परिस्थितीत चौथा कसोटी सामना जिंकावा लागेल. यासाठी संघाला बुमराहची आवश्यकता असेल, कारण त्याच्याकडे प्रचंड अनुभव आहे आणि तो चांगल्या लयीतही आहे.
IND vs ENG: किती वाजता सुरू होणार 4th Test Match, भारतात कसा मोफत पाहता येणार सामना
दुसऱ्या कसोटीतून विश्रांती मिळाली
जसप्रीत बुमराह इंग्लंडविरुद्धच्या पहिल्या कसोटी सामन्यात खेळला आणि पाच विकेट्स घेतल्या. त्यानंतर वर्कलोड मॅनेजमेंटच्या नावाखाली त्याला दुसऱ्या कसोटीतून विश्रांती देण्यात आली. त्यानंतर तो तिसऱ्या कसोटीत परतला आणि त्याने आपल्या गोलंदाजीचे कौशल्य दाखवले. त्याने तिसऱ्या कसोटीच्या पहिल्या डावात पाच विकेट्स आणि दुसऱ्या डावात दोन विकेट्स घेतल्या.
तिसऱ्या कसोटीमध्येही बुमराहने सतत बॉलिंग केली होती. मात्र त्यावेळीही बुमराहला जास्त विकेट्स घेता आल्या नाहीत. तसंच त्याला चौथ्या कसोटीमध्ये विश्रांती देण्यात येणार असं सांगण्यात येत होतं. मात्र सिराजच्या म्हणण्यानुसार जसप्रीत बुमराह चौथ्या कसोटीमध्ये खेळण्याची शक्यता अधिक आहे. त्यामुळे बुमराहच्या चाहत्यांना आणि अगदी भारतीय टीमलाही दिलासा मिळाला आहे.
भारताने मँचेस्टरमध्ये एकही कसोटी जिंकलेली नाही
मँचेस्टरची खेळपट्टी नेहमीच वेगवान गोलंदाजांसाठी उपयुक्त ठरली आहे आणि भारतीय क्रिकेट संघाने आजपर्यंत या मैदानावर एकही कसोटी सामना जिंकलेला नाही. भारताने येथे शेवटचा कसोटी सामना २०१४ मध्ये खेळला होता. अशा परिस्थितीत, चौथ्या कसोटीत बुमराह असणे खूप महत्वाचे आहे. परदेशातील त्याची कामगिरी आणखी चांगली दिसून येते. बुमराहने २०१८ मध्ये भारतीय संघासाठी कसोटी पदार्पण केले. त्याने संघासाठी ४७ कसोटी सामन्यांमध्ये एकूण २१७ विकेट्स घेतल्या आहेत, ज्यामध्ये १५ वेळा पाच विकेट्स घेणे समाविष्ट आहे. ही चौथी कसोटी भारताने जिंकणे अत्यंत गरजेचे आहे. त्यामुळे आता सर्वांचे डोळे या कसोटी सामन्याकडे लागून राहिले आहे.
