IND vs ENG : इंग्लंडचा गोलंदाजी सल्लागार आला धावून! टिम साऊथीकडून बेन स्टोक्सच्या ‘त्या’ निर्णयाचे समर्थन..

इंग्लंड आणि भारत यांच्यात हेडिंग्लेवर पहिल्या कसोटी सामन्याला सुरवात झाली आहे. आता कर्णधार बेन स्टोक्सच्या प्रथम गोलंदाजी करण्याच्या निर्णयावर प्रश्नचिन्ह उपस्थित होत असताना टिम साउथीने त्याचे समर्थन केले आहे.

बेन स्टोक्स आणि टिम साऊथी(फोटो-सोशल मीडिया)

Follow Us:

Follow Us:

IND vs ENG : इंग्लंड आणि भारत यांच्यात पाच कसोटी सामन्यांच्या मालिकेला सुरवात झाली आहे. लीड्समधील हेडिंग्ले खेळपट्टीवर पहिल्या कसोटीमालिकेला सुरवात झाली आहे. भारताने पहिल्या डावात शुभमन गिल, ऋषभ पंत आणि यशस्वी जैस्वाल यांच्या शतकांच्या जोरावर ४७१ धावांचा डोंगर उभा केला आहे. तर प्रतिउत्तरात दुसऱ्या दिवसाअखेर इंग्लंड संघाने देखील ऑली पोपच्या शतकाच्या जोरावर ३ गडी गमावून २०९ धावा केल्या आहेत. इंग्लंड अद्याप २६२ धावांनी पिछाडीवर असून त्यांचे ७ फलंदाज खेळायचे बाकी आहेत. अशातच कर्णधार बेन स्टोक्सच्या प्रथम गोलंदाजी करण्याच्या निर्णयावरून चर्चा रंगू लागली आहे. त्यावरून त्याच्या निर्णयावर टीका देखील होत आहे.

अशातच इंग्लंडचा वेगवान गोलंदाजी सल्लागार टिम साउथीने कर्णधार बेन स्टोक्सच्या कोरड्या हेडिंग्लेच्या खेळपट्टीवर प्रथम गोलंदाजी करण्याच्या निर्णयाचे समर्थन केले आणि म्हटले की सुरुवातीच्या सत्रात खेळपट्टी गोलंदाजांना अनुकूल असेल अशी त्यांची अपेक्षा होती, परंतु भारताच्या तरुण आणि प्रतिभावान फलंदाजांनी शानदार कामगिरी करून त्यांना निराश केले. पाच सामन्यांच्या मालिकेतील पहिल्या कसोटीत नाणेफेक जिंकल्यानंतर इंग्लंडचा प्रथम गोलंदाजी करण्याचा निर्णय चुकीचा ठरला कारण कर्णधार शुभमन गिल आणि यशस्वी जैस्वाल यांनी कोरड्या खेळपट्टीवर शतके झळकावली, ज्यामुळे भारताने शुक्रवारी पहिल्या दिवशी तीन बाद साडेतीनशेचा टप्पा गाठला.

हेही वाचा : IND VS ENG 3rd Day Weather Report : आज पाऊस खेळ खराब करणार? वाचा असा असेल हवामानाचा कल

माजी कर्णधार मायकेल वॉनने इंग्लंडचा कर्णधार स्टोक्सच्या निर्णयावर जोरदार टीका केली. भारताने एक शानदार खेळ सादर केला. परिस्थितीचा विचार करता (शुभमन) गिलची खेळी विशेषतः प्रभावी होती. त्यांचे फलंदाज कदाचित जास्त क्रिकेट खेळले नसतील पण ते निश्चितच प्रतिभावान आहेत.

भारतीय फलंदाजांना दिले श्रेय

काल खेळपट्टीचा रंग आणि त्यात थोडा ओलावा पाहता, जर काही मदत झाली असती, तर कदाचित त्याचा परिणाम आज सकाळी दिसून आला असता. यावर आधारित हा निर्णय घेण्यात आल्याचे पहिल्या दिवसाचा खेळ संपल्यानंतर पत्रकार परिषदेत साऊथीने सांगितले. जेव्हा तुम्ही खेळपट्टीचे मूल्यांकन करता तेव्हा तुम्ही त्यावर आधारित निर्णय घेता. तुमचा निर्णय प्रत्येक वेळी बरोबर असेलच असे नाही. न्यूझीलंडच्या माजी वेगवान गोलंदाजाने मात्र परिस्थितीशी जुळवून घेतल्याबद्दल आणि इंग्लंडचा निर्णय चुकीचा असल्याचे सिद्ध केल्याबद्दल भारतीय फलंदाजांना पूर्ण श्रेय दिले.

हेही वाचा  : SL vs BAN : ‘निवृत्तीचा निर्णय भावनिक करणारा..’, अखेरच्या कसोटी सामन्यानंतर Angelo Mathews चा दाटून आला कंठ..

टीम इंडियाचा संघ

शुभमन गिल (कर्णधार), ऋषभ पंत (यष्टीरक्षक/उपकर्णधार), यशस्वी जैस्वाल, केएल राहुल, साई सुदर्शन,  करुण नायर,  रवींद्र जडेजा, शार्दुल ठाकूर, मोहम्मद सिराज,  प्रसिद्ध कृष्णा, जसप्रीत बूमराह.

हेडिंग्ले कसोटीत इंग्लंडचा प्लेइंग इलेव्हन

जॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (यष्टीरक्षक), ख्रिस वोक्स, ब्रायडन कार्स, जोश टंग, शोएब बशीर.

Web Title: Ind vs eng england bowling consultant tim southee backs ben stokes

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com