Hockey Asia Cup 2025 साठी भारतीय संघ जाहीर; दिलप्रीतसह कुणाकुणाला मिळाली संधी? जाणून घ्या

२९ ऑगस्टपासून सुरू होणऱ्या हॉकी आशिया कप 2025 स्पर्धेसाठी भारतीय संघाची घोषणा करण्यात आली आहे. १८ सदस्यीय भारतीय संघ जाहीर केला असून हरमनप्रीत सिंग संघाचा कर्णधार आहे. 

हॉकी आशिया संघासाठी भारतीय हॉकी संघाची घोषणा(फोटो-सोशल मीडिया)

Follow Us:

Follow Us:

Indian hockey team announcement : बिहारमधील राजगीर येथे होणाऱ्या आशिया कपसाठी १८ सदस्यीय भारतीय संघाची बुधवारी घोषणा करण्यात आली ज्यामध्ये फॉरवर्ड शिलानंद लाक्रा आणि दिलप्रीत सिंग यांनी आपले स्थान कायम ठेवले आहे. ही स्पर्धा २९ ऑगस्ट ते ७ सप्टेंबर दरम्यान खेळवली जाईल, ज्यातील विजेत्याला पुढील वर्षी १४ ते ३० ऑगस्ट दरम्यान नेदरलँड आणि बेल्जियममध्ये होणाऱ्या पुरुष विश्वचषकात थेट प्रवेश मिळेल. डेंग फ्लिकर हरमनप्रीत सिंग संघाचा कर्णधार आहे. ऑस्ट्रेलिया दौऱ्यावर राजिंदर सिंग, लाक्रा आणि दिलप्रीत भारतीय संघाचा भाग होते. शमशेर सिंगच्या जागी राजिंदरची निवड करण्यात आली तर आंतरराष्ट्रीय हॉकीमधून नुकतेच निवृत्त झालेल्या ललित उपाध्यायच्या जागी लाक्राची निवड करण्यात आली.

हेही वाचा : ‘वैभव सूर्यवंशीला जास्त ज्ञान देऊ नका…’ 14 वर्षांच्या या फलंदाजाला कोणी दिला मौल्यवान सल्ला?

गुरजंत सिंगपेक्षा दिलप्रीतला प्राधान्य देण्यात आले आहे. जूनमध्ये एफआयएच प्रो लीगच्या युरोपियन लेगनंतर स्ट्रायकर ललित उपाध्यायने आंतरराष्ट्रीय हॉकीमधून निवृत्ती घेतली. भारताला आशिया कपमध्ये जपान, चीन आणि कझाकस्तानसह पूल अ मध्ये स्थान देण्यात आले आहे. भारतीय संघ आपला पहिला सामना २९ ऑगस्ट रोजी चीनविरुद्ध खेळेल. त्यानंतर, ते ३१ ऑगस्ट रोजी जपान आणि १ सप्टेंबर रोजी कझाकस्तानविरुद्ध खेळेल. गोलकीपिंगची जबाबदारी कृष्ण बी. पाठक आणि सूरज करकेरा यांच्यावर असेल. हरमनप्रीत आणि अमित रोहिदास डिफेन्समध्ये आहेत तसेच जर्मनप्रीत सिंग, सुमित, संजय आणि जुगराज सिंग आहेत.

आम्ही अनुभवी संघ निवडला :  मुख्य प्रशिक्षक क्रेग फुल्टन

आम्ही अनुभवी संघ निवडला आहे. विश्वचषक पात्रता लक्षात घेता आशिया कप आमच्यासाठी महत्त्वाचा आहे, त्यामुळे आम्हाला असे खेळाडू हवे आहेत जे दबावाखाली चांगले खेळू शकतील.

हेही वाचा : BCCI ने दिले अजित आगरकरला दिले मोठे गिफ्ट! 2026 पर्यत करणार भारतीय संघासाठी काम

भारतीय संघातील खेळाडू

गोलरक्षकः सूरज करकेरा, कृष्णन बी. पाठक बचावपटूः हरमनप्रीत सिंग, अमित रोहिदास, जर्मनप्रीत सिंग, सुमित, संजय आणि जुगराज सिंग. मिडफील्डः मनप्रीत सिंग, विवेक सागर प्रसाद, राजिंदर, राज कुमार पाल आणि हार्दिक सिंग फॉरवर्डः मनदीप सिंग, अभिषेक, सुखजीत सिंग, शिलानंद लाका आणि दिलप्रीत सिंग. राखीव खेळाडूः नीलम संजीप सेस आणि सेल्वम कार्ती

Web Title: Indian team announced for hockey asia cup 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com